H The Comprehensive Aramaic Lexicon

CAL CODE HELP CLICK HERE
click on the file description for more information

81002: TgPs (Targum Psalms)

click on a word for lexical analysis
Click on a red-colored coordinate for comments and/or translations of the line

previous chapter


100:660 לשבחא שירא תושבחתא יביבו קדם יהוה כל יתבי ארעא׃
200:660 שבחו איקר״יקירו#1#״ שמיה שוו איקר תושבחתיה׃
300:660 אמרו קדם אלהא מה דחילין הינון״אינון#1#״ עובדך בסגיעי״בסוגעי#1#״ עושנך יכדבון לך״מן קדמך#1#״ בעלי דבבך׃
400:660 כל יתבי ארעא יסגדון קדמך״קומך#1#״ וישבחון לך״לותך#1#״ ישבחון שמך לעלמין׃
500:660 אזילו וחמון עובדי אלהא דחיל מרי תסקופין על בני נשא׃
600:660 הפך ימא דסוף ליבשתא בנהר יורדנא עברו בני ישראל בריגליהון אוביל יתהון לטור קודשיה״בית מוקדשא#1#״ תמן נחדי במימריה׃
700:660 דשליט בכח גבורתיה על עלמא עינוי בעממיא מסתכלין מסרהובין לא יתרמון״יתררמון#1#״ להון לעלמין׃
800:660 בריכו עממיא אלהים״ייי#1#״ ואשמיעו קל תושבחתיה׃
900:660 דמני נפשנא בחיי דעלמא דאתי ולא מסר לאיזדעזעא ריגלנא׃
010:660 ארום בחנתנא אלהא אתכתנא היך קינאה דמתיך סימא׃ \״{ת׳׳א} ארום בחנתא ארום נסיתא אבהתנא אלהא אגליתא יתהון ביני מלכוותא אשכחתא יתהון זקיקי הא כמא דסנין כספא#1#״׃
110:660 אעלתנא במצודתא שויתא שושלתא בחרצנא׃ \״{ת׳׳א} אעילתנא במצרים כיד במצדתא שוויתא מרוות בבלאי עלנא והוינא דמיין כאלו מיתשם {א}<ש>ושלתא עקא חרצנא#1#״׃
210:660 אמאכתנא ארכבתא מרי מזופיתא על רישנא דנתא יתנא כדי״כיד#1#״ בנורא״בכור#1#״ ובמוי ואפיקתנא לרוחתא׃ \״{ת׳׳א} רכב עלנא מדאי ויונאי סליקו על רישנא אעילתנא ביני רומאי דדיינין יתנא כאכזראין כלדאי דרמו אבונן אברהם באתון נורא ומצראי דרמו ינקנא במיא ואסיקתנא לחירותא#1#״׃
310:660 איעול לביתך״בית מוקדשך#1#״ בעלוון אשלם לך נדרי׃ \״{ת׳׳א} היכדין תרחמיננא ופרוק יתן וניתי לבית מוקדשך בעלוון ונשלם לוותך נדרנא#1#״׃
410:660 די פתחו סיפוותי ומליל פומי בדעק לי׃
510:660 עלוון שמינין אסיק קדמך״קומך#1#״ עם קטורת בוסמין קרבן דיכרין אעביד תורין עם ברחיא לעלמין׃
610:660 איזילו שמעו ואשתעי כל דחליא דאלהא מה דעבד לנפשי׃
710:660 לותיה בפומי קריתי ותושבחתיה תחות לישני׃
810:660 שקר אין חמיתי בלבי האפשר די לא ישמע יהוה׃
910:660 בקושטא שמע אלהא אצית בקל צלותי׃
020:660 בריך אלהא״ייי#1#״ דלא אעדי צלותי וטוביה מיני׃

next chapter