H The Comprehensive Aramaic Lexicon

CAL CODE HELP CLICK HERE
click on the file description for more information

81002: TgPs (Targum Psalms)

click on a word for lexical analysis
Click on a red-colored coordinate for comments and/or translations of the line

previous chapter


100:550 לשבחא על מילי תושבחתא שיכלא טבא על יד דוד׃
200:550 אצית אלהא לצלותי ולא תתכסי מן צלותי׃
300:550 אצית למימרי וקביל מיני אתרעם במילי וארגוש׃
400:550 מקל בעיל דבבא מן קדם עקת רשיעא ארום״ארי#1#״ ייגדון״יעדון#1#״ עלי שקרא וברוגזא ינטרן לדבבו״לי בבו#1#״׃
500:550 לבי ירתית בגווי ודחלתא דמותא נפלו עלי׃
600:550 דחלתא ורתיתא אתיין לי וחפי יתי תברא׃
700:550 ואמרית מן יתן לי כנפא״גדפא#1#״ היך יונתא אטוס ואשרי׃
800:550 הא ארחיק אתר למינדד אבית במדברא לעלמין׃
900:550 ארחיש שזבותא לי מן זעפא נטלא מעלעולא׃
010:550 סלעם יהוה עצתהון פלג לישנהון ארום חמית חטוף ומצו בקרתא׃
110:550 יימם ולילי יחזרונה עלוי שוראה ולאות״וליעות#1#״ ושקר במצעה׃
210:550 איתרגושיא במיצעה ולא עדי מן פלטיותה שקר ונכילו׃
310:550 ארום לא בעיל דבבא יקל יתי ואסובר לא מסנאי עלוי אתרברב ואטמר מן קדמוי׃
410:550 ואנת אחיתופל גברא״בר נש#1#״ דדמי לי רב דאלפת לי ומהודע חוכמתא לי״יתי#1#״׃
510:550 די כחדא נתריץ רזא בבית מקדשא דאלהא נהלך בסרהובייא׃
610:550 יחייבינון דין קטול ויגזור עלהון בישן לדואג ואחיתופל יחתון לשיול כד הינון״אינון#1#״ חיין ארום בישן במדוריהון בגופיהון׃
710:550 אנא קדם אלהא אצלי ומימרא דיהוה יפרוק יתי׃
810:550 ברמשא ובצפרא ובטיהרא אצלי וארגיש ושמע קלי׃
910:550 פרק בשלם נפשי דלא למקרב ביש לי״לותי#1#״ ארום בסגיען עקן הוה מימריה בסעדי׃
020:550 ישמע״ישתמע קדם#1#״ אל ויקבל מנהון ויתיב שמיא מלקדמין לעלמין ורשיעי דלא מלקדמין דלא מהשנין אורחתהון בישיא ולא דחלו מן קדם אלהא׃
120:550 אושיט ידוי באנשי שלמיה אפס קיימיה׃
220:550 שעיען יתיר מן שמן דגובנין מילי פומיה והיך זייני קרבא לביה״לבביה#1#״ רכיכן מילוי יתיר מן משח \״דפוטמין#1#״ ואינון״והינון#1#״ מורניין דקטול׃
320:550 טלוק \״דוד#1#״ על יהוה סיברך והוא יזן יתך לא יתן לעלמא חוסרנא לצדיקיא׃
420:550 ואנת אלהא במימרך תוחית יתהון לגהנם עמיקא גברי מרי קטול ונכילו לא יחמון פלגות יומיהון ואנא אתרחיץ במימרך׃

next chapter