H The Comprehensive Aramaic Lexicon

CAL CODE HELP CLICK HERE
click on the file description for more information

81002: TgPs (Targum Psalms)

click on a word for lexical analysis
Click on a red-colored coordinate for comments and/or translations of the line

previous chapter


100:530 לדוד איתגר״אתרברב#1#״ יהוה במרי תגרתי סדר קרב קבל בעלי קרבתי׃
200:530 אתקיף תריס ועגיל וקום בסעדי׃
300:530 ושלוף מורניתא וטרוק י<ת> תקא וזמן לאורעות רודפי אמר לנפשי פריקך אנא׃
400:530 יבהתון ויכספון תבעי נפשי ירתעון לאחורא ויתכנעון חשלי בישותי״בישתי#1#״׃
500:530 יהויין היך מוזא קדם זעפא ומלאכא דיהוה דחי׃
600:530 יהי אורחתהון חשוכא וחכירייא ומלאכא דיהוה רדיף להון׃
700:530 ארום מגן פרסן לותי שייח מצדהון״מצדתיהון#1#״ מגן כמנו לנפשי׃
800:530 תתייה שלייא לא יתחכם״ידע#1#״ ומצדתיה די פרס תציידיה בשליא יפל בה׃
900:530 ונפשי תחדי במימרא דיהוה תדוץ בפורקניה׃
010:530 כולהון אבראי תהויין אמרין יהוה מן כותך פצי עניא מן תקיף מיניה ועניא וחשוכא מן אנסייה׃
110:530 קיימין סהדי חטופין מאן דלא חכימית שיילין לי׃
210:530 פרען לי בישתא חלף טבתא בען למתכל לנפשי׃
310:530 ואנא בעידן מרעותהון לבישית סקא סגיפית בצומא נפשי וצלותי על עובי תתוב׃
410:530 היך חברא היך אחא דילי הליכית היך אבילא דמתאבל על אימיה חכיר שחיית׃
510:530 ובתברי חדו ואתכנשו מתכנשין עלי רשיעיא דמככין לי במיל<י>הון ולא חכימית אילו מבזעין משכי ולא מפקין דמא׃
610:530 במילי שעיעותא ומרהביא וממקניא מעסן עלי ככיהון׃
710:530 יהוה כמה את חמי אתיב נפשי משלייתהון מבני ארויא גושמי׃
810:530 אודי קדמך בכנישתא רבא בעמא תקיפא אשבחינך׃
910:530 לא יחדון עלי בעלי דבבי שיקרא סנאי מגן רמזין בעיניהון׃
020:530 ארום לא שלמא ממללין ועל צדיקי ארעא דנייחין בעלמא ההוא מילי ניכלאין מחשלין״חשבין#1#״׃
120:530 ואפתיאו עלי פומהון אמרו חדוא חדוא חמת עיננא׃
220:530 חמיתא יהוה לא תשתוק יהוה לא תתרחיק מיני׃
320:530 איתער ותקיץ לדיני אלהי ומרי ניצחני יהוה לתגרתי׃
420:530 דון יתי כצדקתך יהוה אלהי ולא יחדון עלי׃
520:530 לא יימרון בלבהון חדיאת נפשנא דילמא״דלא#1#״ יימרון גמרנא יתיה׃
620:530 יבהתון ויתכנעון״ויתכנשון#1#״ כחדא דחדין על בישותי ילבשון בהתא וכיסופא דמתרברבן עלי׃
720:530 יבועון ויחדון תבעי צדקי וימרון תדירא יסגי יקרא דיהוה דצבי שלמא דעבדיה׃
820:530 ולישני תרנן צדקתך כולי יומא תושבחתך׃

next chapter