H The Comprehensive Aramaic Lexicon

CAL CODE HELP CLICK HERE
click on the file description for more information

81002: TgPs (Targum Psalms)

click on a word for lexical analysis
Click on a red-colored coordinate for comments and/or translations of the line

previous chapter


100:430 לדוד כד שני ית מדעיה קדם אבימלך ופטריה ואזל׃
200:430 אברך ית יהוה בכל עידן תדירא תושבחתיה בפומי׃
300:430 במימרא דיהוה תושבחת״תשתבח#1#״ נפשי ישמעון עינוותניא ויחדון׃
400:430 הבו רבותא קדם יהוה עימי ונרומם שמיה כחדא׃
500:430 תבעית אולפן מן קדם יהוה וענני ומכל דחלתי פצי יתי׃
600:430 אסתכלו לותיה ואתנהרו ואפיהון לא עצבו׃
700:430 דין עניא צלי קדם יהוה שמיע ומכל עקתוי פרקיה׃
800:430 שרי מלאכא דיהוה חזור חזור לדחלין מיניה ושיזיב הינון׃
900:430 אשתמודעון וחמון ארום טב יהוה טובוי לגבר דאיתרחיץ במימריה׃
010:430 דחילו מן קדם יהוה קדישוי ארום לית חוסרנא לדחלוי׃
110:430 בני אריוא אתמסכנו וכפנו ותבעי אולפנא דיהוה לא חסרין כל טובא׃
210:430 אזילו בניא קבילו מיני דחלתא דיהוה אליף״אאליף#1#״ יתכון׃
310:430 מן גברא דבעי חיי רחים יומיא למחמי טבא׃
410:430 טור לישנך מביש וסיפוותך מלמללא ניכלא׃
510:430 זור מביש ועביד טב בעי שלמא ורדף בתרוהי׃
610:430 עינוי דיהוה לות צדיקיא ואודנוי לקבלא צלותהון׃
710:430 פרצופא דיהוה רגיזין בעבדי בישא לשיצאה מן ארעא דכרנהון׃
810:430 צליין צדיקייא וקדם יהוה שמיע ומכל עקתהון פצינון׃
910:430 קריב יהוה לתבירי ליבא וית מכיכי רוחא יפרוק׃
020:430 סגיעין בישן מערען לצדיקא ומן כולהון פצא ליה יהוה׃
120:430 נטיר לכולהון איברוי חדא מנהון לא מתברא׃
220:430 מתותא דרשיעא בישא וסנאי צדיקא יתחייבון׃
320:430 פרוק יהוה נפשא דעבדוי ולא מתחייבין כל דסברין במימריה׃

next chapter