H The Comprehensive Aramaic Lexicon

CAL CODE HELP CLICK HERE
click on the file description for more information

81001: TgPsJon Exod chapter 27

click on a word for lexical analysis
Click on a red-colored coordinate for comments and/or translations of the line

previous


10:72doxE ותעביד ית מדבחא דקיסי שיטא חמש אמין אורכא וחמש אמין פותיא מרבע יהי מדבחא ותלת אמין רומיה
20:72doxE ותעביד קרנוי על ארבע זיוייתיה מיניה יהויין קרנוי זקיפן לעיל ותחפי יתיה נחשא
30:72doxE ותעביד דודוותיה למרדדא יתיה ומגרפתיה ומזירקוי ומשילייתיה ומחתייתיה כל מנוי תעביד נחשא
40:72doxE ותעביד ליה קנקל עובד מצדתא דנחשא ותעבד על מצדתא ארבע עיזקן דנחשא על ארבע ציטרוי
50:72doxE ותיתן יתה תחות סובבי מדבחא מלרע ותיהי מצדתא על פלגות מדבחא ואין נפיל גרמא או גומרא דאשא מעילוי מדבחא נפיל עילוי קנקל ולא יתמטי לארעא ונסבין יתיה כהניא מעילוי קנקל ומהדרין יתיה על מדבחא
60:72doxE ותעביד אריחין דקיסי שיטא ותחפי יתהון נחשא
70:72doxE ויהנעל ית אריחוי בעיזקתא ויהון אריחיא על תרין ציטרי מדבחא במיטל מדבחא
80:72doxE חליל לוחין מלי עפרא תעביד יתיה הי כמא דאחמיתך בטוורא היכדין יעבדון
90:72doxE ותעבד ית דרת משכנא לרוח עיבר דרומא ווילוון לדרתא דבוץ שזיר מאה אמין אורכא לרוח חדא
01:72doxE ועמודוי עשרין וחומריהון עשרין דנחשא ווי עמודיא וכיבושיהון כסף
11:72doxE והיכדין לרוח ציפונא באורכא ווילוון מאה אורכא ועמודיהון עשרין וחומריהון עשרין דנחשא ווי עמודיא וכיבושיהון כסף
21:72doxE ופותיא לרוח מערבא ווילוון חמשין אמין עמודיהון עשרה וחומריהון עשרה
31:72doxE ופותיא דדרתא לרוח קידומא מדינחא חמשין אמין
41:72doxE וחמיסירי אמין ווילוון לעיברא עמודיהון תלתא וחומריהון תלתא
61:72doxE ולתרע דרתא פרסא עשרין אמין דתיכלא וארגוונא וצבע זהורי ובוץ שזיר עובד צייור מחטא עמודיהון ארבעא וחומריהון ארבעא
71:72doxE כל עמודי דרתא חזור חזור מכבשין כסף וויהון כסף וחומריהון דנחשא
81:72doxE ארכא דדרתא מאה אמין ופותיא חמשין למערבא וחמשין למדינחא ורומא חמש אמין דבוץ שזיר וחומריהון דנחשא
91:72doxE לכל מני משכנא בכל פולחניה וכל מתחוי וכל מתחי דרתא חזור חזור דנחשא
02:72doxE ואנת תפקד ית בני ישראל ויסבון לך מישחא דזיתא דכיא כתישא לאנהורי לאדלקא בוציניא תדירא
12:72doxE במשכן זימנא מברא לפרגודא דעל סהדותא יסדר יתיה אהרן ובנוי מן רמשא ועד צפרא קדם ייי קיים עלם לדריהון מן בני ישראל

next