H The Comprehensive Aramaic Lexicon

CAL CODE HELP CLICK HERE
click on the file description for more information

81001: TgPsJon Gen chapter 33

click on a word for lexical analysis
Click on a red-colored coordinate for comments and/or translations of the line

previous


10:33neG וזקף יעקב ית ענוי וחמא והא עשו אתי ועימיה ארבע מאה גוברין פולומרכין ופליג ית בנייא על לאה ועל רחל ועל תרתין לחינתא
20:33neG ושוי ית לחינתא הינין ובניהן בקדמייתא ארום אמר אילו אתי עשו לחבלא בריביא ולמעבד זנו בנשיא יעביד באיליין ובגו פיתגמא הדין נקום ונגיח עימיה קרבא וית לאה וריבהא בתראין וית רחל וית יוסף בתראין
30:33neG ואיהו עבר לקמיהון מצלי ובעי רחמין מן קדם ייי וגחן על ארעא שבע זימנין עד מיקרביה עד אחוי
40:33neG ורהט עשו לקדמותיה וגפיף ליה ואתרכין על צווריה ונשי{ך}<ק> ליה ובכון עשו בכא על צערא דשינוי דאתמזמיזו ויעקב בכא על צערא דצווריה
50:33neG וזקף ית ענוי וחמא ית נשיא וית ריביא ואמר מאן אילין לך ואמר בניי הינון דאיתיהיבו לי במיחוס מן קדם על עבדך
60:33neG וקריבן לחינתא הינין ובניהן וגחינן
70:33neG וקריבת אוף לאה ובנהא וגחנן ובתר כדין קריב יוסף ואתעבר קמי רחל וכסייה בקומתיה וגחנן
80:33neG ואמר מן לך כל משרי הדין דארעית ואמר דורון הוא דשדרית לאשכחא רחמין בעיני ריבוני
90:33neG ואמר עשו אית לי ניכסין סגיאין אחי יתקיים לך מאן דאית לך
01:33neG ואמר יעקב לא תימא כן בבעו אין כדון אשכחית רחמין בעינך ותקבל דורוני מן ידי ארום בגין כן חמית סבר אפך ודמי לי הי כמיחמי אפי מלאכא דידך והא איתריעיתא לי
11:33neG קבל כדון ית דורון דאיתתי{א}<ה> לך ארום איתיהב לי במיחוס מן קדם ייי וארום אית לי ניכסין סגיאין ודחק ביה וקבל
21:33neG ואמר נטייל ונהך ואזיל לקיבלך עד דתימטי לבי משרוייך
31:33neG ואמר ליה ריבוני ידע ארום טלייא חטיין וענא ותורי דמיינקן עלי ואין דחיקנ{י}א להום יום חד וימותון כל ענא
41:33neG יעיבר בבעו ריבוני ויטייל קדם עבדיה ואנא אידבר בנייחא לבלחודיי לרגל עיבידתא דאית קדמיי ולרגל אולפן טלייא עד זמן דאיתי לות ריבוני לגבלא
51:33neG ואמר עשו אשבוק כדון עמך מן פולומוסין דעימי ואמר למא דנן אשכח רחמין קדם ריבוני
61:33neG ואיתעביד ניסא ליעקב ותב ביומא ההוא עשו לאורחיה לגבלא
71:33neG ויעקב נטל לסוכות ואיתעכב תמן תריסר ירחי שתא ובנא ליה בי מידרשא ולגיתוי עבד מטלן בגין כן קרא שמא דאתרא סוכות
81:33neG ואתא יעקב שלים בכל דליה לקרתא דשכם דבארעא דכנען במיתיה מפדן דארם ושרא לקבל קרתא
91:33neG וזבן ית אחסנת חקיל דפרס תמן משכניה מן יד בני חמור אבוי דשכם במאה מרגליין
02:33neG ואקם תמן מדבחא ותמן יהב מעשריא דאפריש מן כל דיליה קדם אל אלקא דישראל

next