H The Comprehensive Aramaic Lexicon

CAL CODE HELP CLICK HERE
click on the file description for more information

81001: TgPsJon Gen chapter 16

click on a word for lexical analysis
Click on a red-colored coordinate for comments and/or translations of the line

previous


10:61neG ושרי איתת אברם לא ילידת ליה ולה אמתא מצריתא ושמ{א}<ה> הגר ברת פרעה דיהב{א}<ה> לה לאמהו בזמן דנסב{א}<ה> ואיתכתש במימר מן קדם ייי
20:61neG ואמרת שרי לאברם הא כדון מנעני ייי מן למילד עול כדון לות אמתי ואחררינה מאים אתבני מינה וקביל אברם למימר שרי
30:61neG ודברת שרי איתת אברם ית הגר מצריתא אמתא מסוף עשר שנין למיתב אברם בארעא דכנען וחררתה ויהבת יתה לאברם בעלה ליה לאינתו
40:61neG ועול לות הגר ועדיאת וחמת ארום עדי{ע}<א>ת וזללת איקר ריבונתא בעינהא
50:61neG ואמרת שרי לאברם כל עולבני מינך דהוינא רחיצא דתעבד דיני דאנא שבקית ארעי ובית איבא ועלית עימך לארע נוכריתא וכדון בגין דלא הוינא ילדא חררית אמתי ויהבת{א}<ה> למשכוב בעיטפך וחמת ארום עברת ו<א>יתבזי איקרי באנפהא וכדון אתגלי קדם ייי עולבני ויפרוש שלמיה בינא ובינך ותתמלי ארעא מינן ולא נצטרך לבנהא דהגר ברת פרעה בר נימרוד דטלקך לאתונא דנורא
60:61neG ואמר אברם לשרי הא אמתיך ברשותיך עיבידי לה דתקין בעיניכי וסגפת{א}<ה> שרי וערקת מן קדמה
70:61neG ואשכחה מלאכא דייי על עינא דמיא במדברא על עינא דבאורח חגרא
80:61neG ואמר הגר אמתא דשרי מן האן אנת אתיא ולאן תיזלין ואמרת מן קדם שרי ריבונתי אנא ערקת
90:61neG ״ואמר לה מלאכא דייי תובי לות רבונתיך ואתכבשי תחות ידהא#01#״׃
01:61neG ואמר לה מלאכא דייי אסגאה אסגי ית בנייכי ולא יתמנון מסגי
11:61neG ואמר לה מלאכא הא אנת מעברא ותלדין בר ותקרין ית שמיה ישמעאל ארום גלי קדם ייי סיגופיך
21:61neG ואיהוא יהוי מדמי לערוד בבני נשא ידויי יתפרעון מבעלי דבבוי וידי דבעלי< דבבוי> יתושטון לאבאשא ביה ועל אנפי כל אחוי יתערבב וישרי
31:61neG ואודיאת קדם ייי דמימריה מתמלל לה וכן אמרת אנת הוא חי וקיים דחמי ולא מתחמי ארום אמרת הא ברם הכא איתגליאת יקר שכינתא דייי חזוא בתר חזוא
41:61neG בגין כן קרא לבירא בירא דאיתגלי עלה חי וקיים והא היא יהיבא בין רקם ובין חלוצא
51:61neG וילידת הגר לאברם בר וקרא אברם שום בריה דילידת הגר ישמעאל
61:61neG ואברם בר תמנן ושית שנין כד ילידת הגר ית ישמעאל לאברם

next