H The Comprehensive Aramaic Lexicon

CAL CODE HELP CLICK HERE
click on the file description for more information

81001: TgPsJon Gen chapter 12

click on a word for lexical analysis
Click on a red-colored coordinate for comments and/or translations of the line

previous


10:21neG ואמר ייי לאברם איזל לך מארעך אתפרש מן ילדותך פוק מבית אבוך זיל לארעא דאחזינך
20:21neG ואעבדינך לעם רב ואיבריכינך וארבי שמך ותהי מברך
30:21neG ואבריך ית כהניא דפרסין ידיהון בצלו ומברכין ית בנך ובלעם דמלטט יתהום אילוט ויקטלוניה לפיתגם דחרב ויתברכון בך כל זרעית ארעא
40:21neG ואזל אברם היכמה דמליל ליה ייי ואזל עימיה לוט ואברם בר שובעין וחמש שנין במיפיקיה מחרן
50:21neG ודבר אברם ית שרי אינתתיה וית לוט בר אחוי וית כל קיניינהום דיקנו וית נפשתא דיגיירו בחרן ונפקו למיזל לארעא דכנען ואתו לארעא דכנען
60:21neG ועבר אברם בארעא עד אתר שכם עד מישר דהוה מיירי וכנענאי בכין הוו בארעא דעד כדון לא מטא זימנא דבני ישראל למירת{א}<ה>
70:21neG ואיתגלי ייי לאברם ואמר לבנך אתין ית ארעא הדא ובנא תמן מדבחא קדם ייי דאיתגלי ליה
80:21neG ואיסתלק מתמן לטורא דממדנח לביתאל ופרסיה משכניה ביתאל מן מערבא ועי ממדינחא ובנא תמן מדבחא קדם ייי וצלי בשמא דייי
90:21neG ונטל אברם אזיל ונטיל לדרומא
01:21neG והוה כפנא בארעא ונחת אברם למצרים לאיתותבא תמן ארום תקיף כפנא בארעא
11:21neG והוה כמא דקריב למיעל לתחום מצרים ומטו לנהרא וגליאו בשריהון למיעבר ואמר אברם לשרי אינתתיה הא עד כדון לא איסתכלית בבישריך וכדון ידעית ארום אינתתא שפירת חזו אנת
21:21neG ויהי ארום יסתכלון ביך מצראי ויחמון ית שופריך ויימרון אינתתיה דא ויקטלון יתי ויתיך יקיימון
31:21neG אימרי בבעו דאחתי אנת בגין דייטב לי בגיניך ותתקיים נפשי אמטולתיך
41:21neG והוה כדי על אברם למצרים וחמון מצראי ית אינתתא ארום שפירא היא לחדא
51:21neG וחמון יתה רברבי פרעה ושבחו יתה לפרעה ואידברת אינתתא לבית מלכותא דפרעה
61:21neG ולאברם אוטב פרעה בגינה והוו ליה מדיליה עאן ותורין וחמרין ועבדין ואמהן ואתנין וגמלין
71:21neG וגרי מימר דייי בפרעה מכתשין רברבין וית אינש ביתיה על עיסק שרי איתת אברם
81:21neG וקרא פרעה לאברם ואמר מה דא עבדת לי למא לא חוית לי ארום אינתתך היא
91:21neG למא אמרת אחתי היא ודברית יתה לי לאינתו ומן יד איתגריאת בי מכתשא ולא קריבית לותה וכדון הא אינתתך דבר ואיזל
02:21neG ופקיד עילוי פרעה גוברין ואלויאו יתיה וית אינתתיה וית כל דיליה

next