H The Comprehensive Aramaic Lexicon

CAL CODE HELP CLICK HERE
click on the file description for more information

81001: TgPsJon Gen chapter 05

click on a word for lexical analysis
Click on a red-colored coordinate for comments and/or translations of the line

previous


10:50neG דין ספר ייחוס תולדת אדם ביומא דברא ייי אדם בדיוקנא דייי עבידתיה
20:50neG דכר ונוקבא ברנון ובריך יתהון בשום מימריה וקרא ית שומהון אדם ביומא דאיתברייו
30:50neG וחיא אדם מאה ותלתין שנין ואולד ית שת דדמי לאיקוניה ולדמותיה ארום מן קדמת דנא אולידת חוה ית קין דלא מיניה ולא דמי ליה והבל איתקטל על ידוי דקין וקין איטרד ולא איתייחסו זרעיתיה בספר יחוס אדם ובתר כן אוליד ית דדמי ליה וקרת ית שמיה שת
40:50neG והוו יומי אדם בתר דאוליד ית שת <٠٠٠>
50:50neG <٠٠٠٠٠>
60:50neG <٠٠٠٠٠>
70:50neG <٠٠٠٠٠> תמני מאה ושבע שנין ואוליד בנין ובנן
80:50neG והוו כל יומי שת תשע מאה ותרתי סירי שנין ומית
90:50neG וחיא אנוש תשעין שנין ואוליד ית קינן
01:50neG וחיא אנוש בתר דאוליד ית קינן תמני מאה וחמיסר שנין ואוליד בנין ובנן
11:50neG והוו כל יומי אנוש תשע מאה וחמש שנין ומית
21:50neG וחיא קינן שובעין שנין ואוליד ית מהללאל
31:50neG וחיא קינן בתר דאוליד ית מהללאל תמני מאה וארבעין שנין ואוליד בנין ובנן
41:50neG והוו כל יומי קינן תשע מאה ועשר שנין ומית
51:50neG וחיא מהללאל שיתין וחמש שנין ואולד ית ירד
61:50neG וחיא מהללאל בתר דאוליד ית ירד תמני מאה ותלתין שנין ואולד בנין ובנן
71:50neG והוו כל יומי מהללאל תמני מאה ותשעים וחמש שנין ומית
81:50neG וחיא ירד מאה ושיתין ותרתי שנין ואוליד ית חנוך
91:50neG וחיא ירד בתר דאוליד ית חנוך תמני מאה שנין ואולד בנין ובנן
02:50neG והוו כל יומי ירד תשע מאה ושיתין ותרתין שנין ומית
12:50neG וחיא חנוך שתין וחמש שנין ואולד ית מתושלח
22:50neG ופלח חנוך בקשוט קדם ייי בתר דאולד ית מתושלח תלת מאה שנין ואולד בנין ובנן
32:50neG והוו כל יומי חנוך עם דיירי ארעא תלת מאה ושיתין וחמש שנין
42:50neG ופלח חנוך בקושטא קדם ייי והא ליתוהי עם דיירי ארעא ארום איתניגיד וסליק לרקיעא במימר קדם ייי וקרא שמיה מיטטרון ספרא רבא
52:50neG וחיא מתושלח מאה ותמנן ושבע שנין ואולד ית למך
62:50neG וחיא מתושלח בתר דאולד ית למך שבע מאה ותמנן ותרתין שנין ואולד בנין ובנן
72:50neG והוו כל יומי מתושלח תשע מאה ושיתין ותשע שנין ומית
82:50neG וחיא למך מאה ותמנן ותרתין שנין ואולד בר
92:50neG וקרא ית שמיה נח למימר דין ינחמיננא מפולחננא דלא מצלחא ומליעות ידנא מן ארעא דלטא ייי בגין חובי בני אינשא
03:50neG וחיא למך בתר דאולד ית נח חמש מאה ותשעין וחמש שנין ואולד בנין ובנן
13:50neG והוו כל יומי למך שבע מאה ושובעין ושבע שנין ומית
23:50neG והוה נח בר חמש מאה שנין ואולד נח ית שם וית חם וית יפת

next