U The Comprehensive Aramaic Lexicon

CAL CODE HELP CLICK HERE
click on the file description for more information

62082: 1Esdras(3 Ezra)

click on a word for lexical analysis
Click on a red-colored coordinate for comments and/or translations of the line

previous chapter


10:20 ܟܕ ܡܡܠܟ ܗܘܐ ܟܘܪܫ ܡܠܟܐ ܕܦܪ̈ܣܝܐ ܒܫܢܬܐ ܩܕܡܝܬܐ ܠܫܘܡܠܝܐ ܕܡܠܬܗ ܕܡܪܝܐ ܕܒܦܘܡܗ ܕܐܪܡܝܐ
20:20 ܐܥܝܪ ܡܪܝܐ ܠܪܘܚܗ ܕܟܘܪܫ ܡܠܟܐ ܕܦܪ̈ܣܝܐ ܘܐܟܪܙ ܒܟܠܗ ܡܠܟܘܬܐ ܕܝܠܗ ܘܐܟܚܕܐ ܒܝܕ ܟܬܝܒ̈ܬܐ ܟܕ ܐܡܪ
30:20 ܗܠܝܢ ܐܡܪ ܡܠܟܐ ܕܦܪ̈ܣܝܐ ܟܘܪܫ ܠܝ ܚܘܝ ܡܠܟܐ ܕܡܬܥܡܪܢܝܬܐ ܡܪܝܐ ܕܐܝܣܪܐܝܠ ܡܪܝܐ ܡܪܝܡܐ
40:20 ܘܫܘܕܥ ܠܝ ܠܡܒܢܐ ܠܗ ܒܝܬܐ ܒܐܘܪܝܫܠܡ ܗܝ ܕܒܝܗܘܕ
50:20 ܡܢܗ ܗܟܝܠ ܐܝܬܘܗܝ ܡܢ ܥܡܐ ܕܝܠܟܘܢ ܢܗܘܐ ܡܪܝܐ ܕܝܠܗ ܥܡܗ ܘܟܕ ܣܠܩ ܠܐܘܪܝܫܠܡ ܗܝ ܕܒܝܗܘܕ ܢܒܢܐ ܠܒܝܬܐ ܕܡܪܝܐ ܕܐܝܣܪܐܝܠ ܗܢܐ ܡܪܝܐ ܗܢܐ ܕܫܪܐ ܒܐܘܪܝܫܠܡ
60:20 ܟܠܗܘܢ ܗܟܝܠ ܗܢܘܢ ܕܒܟܠܕܘܟ ܥܡܪܝܢ ܢܥܕܪܘܢܝܗܝ ܘܗܢܘܢ ܕܒܕܘܟܬܐ ܕܝܠܗ ܒܕܗܒܐ ܘܣܐܡܐ ܒܡܘܗ̈ܒܬܐ ܥܡ ܪ̈ܟܫܐ ܘܒܥܝܪܐ ܥܡ ܐܚܪ̈ܢܝܬܐ ܕܒܢܕܪ̈ܐ ܡܘܣܦܢ ܒܗܝܟܠܗ ܕܡܪܝܐ ܗܘ ܕܒܐܘܪܝܫܠܡ
70:20 ܘܩܡܘ ܪ̈ܝܫܝ ܫܒܛܐ ܕܫܪܒܬܐ ܕܝܗܘܕ ܘܕܫܒܛܐ ܕܒܢܝܡܝܢ ܘܟܗ̈ܢܐ ܘܠܘ̈ܝܐ ܘܟܠܗܘܢ ܗܢܘܢ ܕܐܩܝܡ ܡܪܝܐ ܠܪܘܚܗܘܢ ܠܡܣܩ ܘܠܡܒܢܐ ܒܝܬܐ ܠܡܪܝܐ ܠܗܘ ܕܒܐܘܪܝܫܠܡ
80:20 ܘܗܢܘܢ ܕܒܚܘܕܪܐ ܕܝܠܗܘܢ ܥܕܪܘ ܒܟܠܗܝܢ ܒܣܐܡܐ ܘܒܕܗܒܐ ܘܒܪ̈ܟܫܐ ܘܒܒܥܝܪܐ ܘܒܢܕܪ̈ܐ ܣܓܝ̈ܐܐ ܣܓܝ̈ܐܐ ܕܗܢܘܢ ܕܗܘܢܗܘܢ ܩܡ
90:20 ܘܡܠܟܐ ܟܘܪܫ ܐܦܩ ܠܡ̈ܐܢܐ ܩܕܝܫ̈ܐ ܕܡܪܝܐ ܗܠܝܢ ܕܐܥܒܪ ܗܘܐ ܢܒܘܟܕܢܨܪ ܡܢ ܐܘܪܝܫܠܡ ܘܣܡ ܗܘܐ ܐܢܘܢ ܒܝܬ ܦܬܟܪ̈ܐ ܕܝܠܗ ܕܦܪ̈ܣܝܐ
01:20 ܘܐܫܠܡ ܐܢܘܢ ܠܡܝܬܪܝܕܐܛܐ ܢܛܪ ܓܙܐ ܕܝܠܗ
11:20 ܒܝܕ ܕܝܢ ܗܢܐ ܐܬܬܫܠܡܘ ܗܘܘ ܠܫܠܡܢܥܣܪ ܩܝܘܡܐ ܕܝܗܘܕ
21:20 ܡܢܝܢܐ ܕܝܢ ܕܗܠܝܢ ܐܝܬܘܗܝ ܗܘܐ ܡܢܝܩ̈ܝܬܐ ܕܕܗܒܐ ܐܠܦܐ ܘܦ̈ܝܢܟܐ ܕܣܐܡܐ ܥܣܪ̈ܝܢ ܘܬܫܥܐ ܘܦܝ̈ܠܣܐ ܕܕܗܒܐ ܬܠܬܝܢ ܘܕܣܐܡܐ ܬܪ̈ܝܢ ܐܠܦܝܐ ܘܐܪܒܥܡܐܐ ܘܥܣܪ ܘܐܚܪ̈ܢܐ ܡܐܢ̈ܐ ܐܠܦ̈ܐ
31:20 ܟܠܗܘܢ ܡ̈ܐܢܐ ܕܐܬܢܣܒܘ ܕܕܗܒܐ ܘܕܣܐܡܐ ܚܡ̈ܫܐ ܐܠܦܝܐ ܘܐܪܒܥܡܐܐ ܘܐܫܬܝܢ ܘܬܫܥܐ
41:20 ܣܠܩ ܕܝܢ ܡܢ ܫܠܡܢܥܣܪ ܥܡ ܫܒܝܬܐ ܡܢ ܒܒܝܠ ܠܐܪܝܫܠܡ
51:20 ܒܙܒܢܐ ܕܝܢ ܕܐܪܬܚܫܫܬ ܡܠܟܐ ܕܦܪ̈ܣܝܐ ܟܬܒ ܥܠܝܗܘܢ ܥܠ ܗܢܘܢ ܕܥܡܪܝܢ ܗܘܘ ܒܝܗܘܕ ܘܒܐܘܪܫܠܡ ܒܠܥܝܡ ܘܡܝܬܪܝܢܛܝܣ ܘܛܘܠܝܐܘܣ ܘܪܬܡܘܣ ܘܒܐܠܛܬܡܘܣ ܘܣܡܐܠܘܣ ܗܘ ܣܦܪܐ ܘܕܫܪܟܐ ܗܢܘܢ ܕܥܡ ܗܠܝܢ ܡܬܚܫܒܝܢ ܥܡܪܝܢ ܕܝܢ ܒܫܡܪܝܢ ܘܒܐܚܪ̈ܢܝܬܐ ܕܘ̈ܟܝܬܐ ܠܐܓܪܬܐ ܗܕܐ ܕܒܬܪܟܢ ܟܬܝܒܐ
61:20 ܠܡܠܟܐ ܐܪܬܚܫܫܬ ܡܪܢ ܥܒ̈ܕܐ ܕܝܠܟ ܕܐܬܡܘܣ ܗܘ ܕܗܠܝܢ ܕܓܕܫ̈ܢ ܘܣܐܡܐܠܘܣ ܗܘ ܣܦܪܐ ܘܗܢܘܢ ܕܫܪܟܐ ܕܒܘܠܐ ܕܝܠܗܘܢ ܘܕܝܢ̈ܐ ܗܢܘܢ ܕܒܣܘܪܝܐ ܥܡܝܩܬܐ ܘܒܦܘܢܝܩܐ
71:20 ܘܗܫܐ ܝܕܥܬܐ ܬܗܘܐ ܠܡܪܢ ܡܠܟܐ ܡܛܠ ܝܘ̈ܕܝܐ ܗܢܘܢ ܕܣܠܩܘ ܡܢ ܠܘܬܟܘܢ ܟܕ ܠܘܬܢ ܐܬܘ ܠܐܘܪܝܫܠܡ ܠܡܕܝܢܬܐ ܗܝ ܡܪܚܩܢܝܬܐ ܘܒܝܫܬܐ ܒܢܝܢ ܘܠܫܘܩ̈ܐ ܕܝܠܗ ܘܠܫܘܪ̈ܐ ܡܐܣܝܢ ܘܗܝܟܠܐ ܕܝܬܝܪ ܡܥܠܝ ܡܫܬܐܣܝܢ
81:20 ܐܢ ܗܟܝܠ ܡܕܝܢܬܐ ܗܕܐ ܬܬܒܢܐ ܘܫܘܪ̈ܐ ܢܫܬܡܠܝܘܢ ܡܕܐܬܐ ܠܐ ܡܣܝܒܪܝܢ ܠܡܬܠ ܐܠܐ ܠܘܩܒܠ ܡ̈ܠܟܐ ܩܝܡܝܢ ܘܡܛܠ ܕܡܬܬܥܒ̈ܕܢ ܗܠܝܢ ܕܥܠ ܗܝܟܠܐ ܕܫܦܝܪܐܝܬ ܠܗ ܡܣܒܪܝܢܢ ܕܠܐ ܢܬܬܗܡܐ ܒܕܐܝܟ ܗܕܐ ܐܠܐ ܠܡܐܡܪ ܠܘܬ ܡܪܢ ܡܠܟܐ ܐܝܟܢܐ ܕܐܢ ܡܬܚܙܐ ܠܟ ܢܣܬܥܪ ܒܟܬܒ̈ܐ ܗܠܝܢ ܕܡܢ ܐܒܗ̈ܐ ܕܝܠܟ
91:20 ܘܬܫܟܚ ܒܝܬ ܥܘܗ̈ܕܢܐ ܐܝܠܝܢ ܕܟܬܝܒ̈ܢ ܡܛܠܗܕܐ ܘܬܕܥ ܕܡܕܝܢܬܐ ܗܝ ܐܝܬܝܗ ܗܘܬ ܡܪܚܩܢܝܬܐ ܘܠܡ̈ܠܟܐ ܘܠܡܕܝ̈ܢܬܐ ܡܠܙܐ ܗܘܬ ܘܝܘ̈ܕܝܐ ܡܪ̈ܚܩܢܐ ܘܡܢ ܚܒܝܫܘܬ ܩܪܒܐ ܟܕ ܩܦܝܣܝܢ ܒܗ ܬܘܒ ܡܢ ܥܠܡ ܕܡܛܠܬܗ ܕܥܠܬܐ ܡܕܝܢܬܐ ܗܕܐ ܚܪܒܬ
02:20 ܗܫܐ ܗܟܝܠ ܡܚܘܝܢܢ ܠܟ ܡܪܢ ܡܠܟܐ ܡܛܠ ܕܐܢ ܡܕܝܢܬܐ ܗܕܐ ܬܬܒܢܐ ܘܕܗܕܐ ܫܘܪ̈ܐ ܢܩܘܡܘܢ ܡܚܬܬܐ ܠܟ ܬܘܒ ܠܐ ܗܘܝܐ ܠܣܘܪܝܐ ܥܡܝܩܬܐ ܘܠܦܘܢܝܩܐ
12:20 ܗܝܕܝܢ ܦܢܝ ܟܬܒ ܡܠܟܐ ܠܪܐܬܘܡܘܣ ܗܘ ܕܟܬܒ ܗܘܐ ܗܠܝܢ ܕܓܕܫ̈ܢ ܗܘܝ ܘܠܒܠܛܬܘܡܘܣ ܘܠܣܐܡܐܠܐܘܣ ܣܦܪܐ ܘܠܕܫܪܟܐ ܕܗܢܘܢ ܕܡܬܚܫܒܝܢ ܥܡܗܘܢ ܘܥܡܪܝܢ ܒܫܡܪܝܢ ܘܒܣܘܪܝܐ ܘܒܦܘܢܝܩܝܐ ܗܠܝܢ ܕܟܬܝܒ̈ܢ ܡܢ ܠܬܚܬ
22:20 ܩܪܝܬ ܐܓܪܬܐ ܗܝ ܕܫܕܪܬܘܢ ܠܘܬܝ ܦܩܕܬ ܗܟܝܠ ܠܡܣܥܪ ܘܐܫܟܚܬ ܕܐܝܬܝܗ ܡܕܝܢܬܐ ܗܝ ܡܢ ܥܠܡ ܕܕܠܩܘܒܠܐ ܕܡ̈ܠܟܐ ܣܥܪܐ
32:20 ܘܐܢܫܐ ܕܡܬܪ̈ܚܩܢܘܬܐ ܘܩܪ̈ܒܐ ܒܗ ܡܫܡܠܝܢ ܘܕܡ̈ܠܟܐ ܚܝ̈ܠܬܢܐ ܘܩܫܝ̈ܐ ܐܝܬ ܗܘܐ ܒܐܘܪܝܫܠܡ ܕܫܠܝܛܝܢ ܗܘܘ ܘܓܒܝܢ ܡܕܐܬܐ ܠܣܘܪܝܐ ܥܡܝܩܬܐ ܘܠܦܘܢܝܩܝܐ
42:20 ܗܫܐ ܗܟܝܠ ܦܩܕܬ ܠܡܟܠܐ ܠܐܢܫܐ ܗܢܘܢ ܡܢ ܕܠܡܒܢܝܗ ܠܡܕܝܢܬܐ ܘܕܢܬܝܨܦ ܐܝܟܢܐ ܕܠܐ ܡܕܡ ܠܒܪ ܡܢ ܗܠܝܢ ܢܗܘܐ ܘܠܐ ܢܫ̈ܬܘܫܛܢ ܝܬܝܪܐ ܗܠܝܢ ܕܒܝܫܘܬܐ ܐܝܟ ܕܠܡ̈ܠܟܐ ܠܡܠܙܘ
52:20 ܗܝܕܝܢ ܟܕ ܐܬܩܪ̈ܝܝܢ ܗܠܝܢ ܕܡܢ ܡܠܟܐ ܐܪܬܚܫܫܬ ܐܬܟܬܒ̈ܝܢ ܪܐܬܘܡܘܣ ܘܣܡܐܠܘܣ ܗܘ ܣܦܪܐ ܘܗܢܘܢ ܕܥܡ ܗܠܝܢ ܡܬܚܫܒܝܢ ܟܕ ܗܦܟܘ ܥܡ ܝܨܝܦܘܬܐ ܠܐܘܪܝܫܠܡ ܥܡ ܪ̈ܟܫܐ ܘܟܢܫܐ ܡܣܪܗܒܐܝܬ ܫܪܝܘ ܠܡܟܠܐ ܠܗܢܘܢ ܕܒܢܝܢ ܗܘܘ ܘܒܛܝܠ ܗܘܐ ܒܢܝܢܐ ܕܗܝܟܠܐ ܗܘ ܕܒܐܘܪܝܫܠܡ ܥܕܡܐ ܠܫܢܬܐ ܬܪܝܢܝܬܐ ܕܡܠܟܘܬܐ ܕܕܪܝܘܫ ܡܠܟܐ ܕܦܪ̈ܣܝܐ

next chapter