U The Comprehensive Aramaic Lexicon

CAL CODE HELP CLICK HERE
click on the file description for more information

62034: P Esth

click on a word for lexical analysis
Click on a red-colored coordinate for comments and/or translations of the line

previous chapter


10:20 ܘܒܬܪ ܡ̈ܠܐ ܗܠܝܢ܃ ܟܕ ܐܬܬܢܝܚܬ ܚܡܬܗ ܕܡܠܟܐ ܐܚܫܝܪܫ ܐܬܕܒܪܗܿ ܠܘܫܬܝ ܡܠܟܬܐ܂ ܘܠܟܠܡܕܡ ܕܥܒܕܬ܂ ܘܠܟܠܡܕܡ ܕܦܣܩ ܥܠܝܗܿ܂
20:20 ܘܐܡܪܘ ܠܗ ܥܠ̈ܝܡܘܗܝ ܕܡܠܟܐ ܘܡܫܡܫ̈ܢܘܗܝ ܢܒܼܥܘܢ ܠܡܠܟܐ ܥܠܝ̈ܡܬܐ ܕܫܦܝܪ̈ܢ ܒܚܙܘܗܝܢ܂
30:20 ܘܢܦܩܘܕ ܡܠܟܐ ܒܟܠܗ̈ܝܢ ܡܕ̈ܝܢܬܐ܂ ܘܢܟܿܢܫܘܢ ܟܠܗ̈ܝܢ ܥܠ̈ܝܡܬܐ ܒܬܘ̈ܠܬܐ ܕܫܦܝܪ̈ܢ ܒܚܙܘܗܝܢ ܠܒܝܬ ܢܫ̈ܐ܂ ܠܘܬ ܗܓܝ ܡܗܝܡܢܐ ܢܿܛܪ ܢܫ̈ܐ܂ ܘܢܬܠ ܬܨܒܝܬܗܝܢ܂
40:20 ܘܥܠܝܡܬܐ ܕܬܫܦܪ ܩܕܡ ܡܠܟܐ܂ ܬܡܠܟ ܚܠܦ ܘܫܬܝ܂ ܘܫܦܪܬܿ ܡܠܬܐ ܒܥ̈ܝܢܝ ܡܠܟܐ ܘܥܒܕ ܗܟܢܐ܂
50:20 ܘܓܒܪܐ ܝܘܕܝܐ ܐܝܬ ܗܘܐ ܒܫܘܫܢ ܒܝܪܬܐ܂ ܘܫܡܗ ܡܘܪܕܟܝ܂ ܒܪ ܝܐܝܪ܂ ܒܪ ܫܡܥܝ܂ ܒܪ ܩܝܫ܂ ܡܼܢ ܫܒܛܐ ܕܒܢܝܡܝܢ܂
60:20 ܕܓܠܝ ܡܢ ܐܘܪܫܠܡ܂ ܥܡ ܓܠܘܬܐ ܕܓܠܝܬ ܥܡ ܝܘܟܢܝܐ܂ ܡܠܟܐ ܕܝܗܘܕܐ ܕܓܠܝ ܢܒܘܟܕܢܨܪ ܡܠܟܐ ܕܒܒܝܠ܂
70:20 ܘܗܘܼܐ ܡܪܒܐ ܠܗܕܣ ܕܗܝ ܐܣܬܝܪ ܒܪܬ ܕܕܗ܂ ܡܛܠ ܕܠܝܬ ܗܘܐ ܠܗܼ ܐܒܐ ܘܐܡܐ܂ ܘܥܠܝܡܬܐ ܫܦܝܪ ܗܘܐ ܚܙܘܗܿ܂ ܘܫܦܝܪ ܗܘ ܐܩܘܒܠܗܿ܂ ܘܟܕ ܡܼܝܬܘ ܐܒܘܗܿ ܘܐܡܗܿ܂ ܢܣܒܗܿ ܡܘܪܕܟܝ ܒܪܬܐ܂
80:20 ܘܟܼܕ ܐܫܼܬܡܥ ܦܬܓܡܐ ܕܡܠܟܐ ܘܦܘܩܕܢܗ܂ ܘܟܕ ܡܬܟܢ̈ܫܢ ܒܬܘ̈ܠܬܐ ܣܓ̈ܝܐܬܼܐ ܠܫܘܫܢ ܒܝܪܬܐ܂ ܠܘܬ ܗܓܝ ܡܗܝܡܢܐ܂ ܐܬܕܒܪܬ ܐܦ ܐܣܬܝܪ ܠܒܝܬ ܡܠܟܐ܂ ܠܘܬ ܢܿܛܪ ܢ̈ܫܐ܂
90:20 ܘܫܦܪܬ ܥܠܝܡܬܐ ܒܥܝ̈ܢܘܗܝ܂ ܘܫܩܠܬ ܚܣܕܐ ܩܕܡܘܗܝ܂ ܘܣܪܗܒ ܥܠ ܬܨܒܝܬܗܿ ܘܥܠ ܡܢܘ̈ܬܗܿ ܠܡܬܠ ܠܗܿ܃ ܘܠܫܒ̈ܥ ܥܠ̈ܝܡܬܗܿ ܕܙܕ̈ܝܩܢ ܗܘ̈ܝ ܠܡܼܬܼܠ ܠܗܿ ܡܼܢ ܒܝܬܼ ܡܠܟܐ܂ ܘܦܼܪܫ ܠܗܿ ܘܠܥܠܝܡ̈ܬܗܿ ܛܿܒ ܡܼܢ ܟܠܗܝܢ ܢܫ̈ܐ܂
01:20 ܘܠܐ ܚܘܝܬ ܐܣܬܝܪ ܫܡܗܿ ܘܫܪܒܬܗܿ܂ ܡܛܠ ܕܡܘܪܕܟܝ ܦܩܕܗܿ ܗܘܐ ܕܠܐ ܬܚܘܝܢ܂
11:20 ܘܟܠܝܘܡ ܡܘܪܕܟܝ ܡܗܠܟ ܗܘܐ ܩܕܡ ܕܪܬ ܢܫ̈ܐ ܠܡܕܥ ܫܪܒܐ ܕܐܣܬܝܪ܂ ܘܡܢܐ ܘܬܥܒܕ ܠܗܿ܂
21:20 ܘܡܐ ܕܡܿܛܐ ܗܘܐ ܙܒܢܐ ܕܚܕܐ ܡܼܢ ܥܠܝܡ̈ܬܐ ܠܡܥܠ ܩܕܡ ܡܠܟܐ ܐܚܫܝܪܫ܃ ܡܐ ܕܫܠܡܘ ܠܗܿ ܬܪ̈ܥܣܪ ܝܘ̈ܡܬܐ ܐܝܟ ܢܡܘܣܐ ܕܢܫ̈ܐ܂ ܡܛܠܕܗܟܢܐ ܫ̈ܠܡܝܢ ܝܘ̈ܡܝ ܬܨܒܝܼܬܗܝܢ܂ ܫܬܐ ܝ̈ܘܡܝܢ ܕܡܫܚܐ ܕܡܘܪܐ܂ ܘܫܬܐ ܝ̈ܘܡܝܢ ܕܒܣܡܐ܂ ܘܒܬܨܒܝܼܬܐ ܕܢܫ̈ܐ܂
31:20 ܘܗܟܢܐ ܥܐܠܐ ܥܠܝܡܬܐ ܩܕܡ ܡܠܟܐ܂ ܘܟܠ ܡܕܡ ܕܐܡܪܐ ܡܬܝܗܼܒ ܠܗܿ܂ ܠܡܥܠ ܥܡܗܿ܂ ܡܼܢ ܒܝܬ ܢܫ̈ܐ ܘܥܕܡܐ ܠܒܝܬ ܡܠܟܐ܂
41:20 ܒܪܡܫܐ ܥܿܐܠܐ ܘܒܨܦܪܐ ܗܿܦܟܼܐ ܠܒܝܬ ܢܫ̈ܐ ܥܠ ܝܕ ܫܢܓܼܫܓܼܝܪ ܡܗܝܡܢܐ ܕܡܠܟܐ ܢܿܛܪ ܕܪ̈ܘܟܿܬܐ܂ ܘܬܘܒ ܠܐ ܥܐܠܐ ܩܕܡ ܡܠܟܐ܂ ܐܠܐ ܐܢ ܨܿܒܐ ܒܗܿ ܡܠܟܐ ܘܩܪܗܿ ܒܫܡܗܿ܂
51:20 ܘܟܕ ܡܛܐ ܙܒܢܗܿ ܕܐܣܬܝܪ ܒܪܬ ܐܒܝܚܠ ܕܕܗ ܕܡܘܪܕܟܝ܂ ܕܢܣܒܗܿ ܠܗ ܒܪܬܐ܃ ܠܡܥܿܠ ܩܕܡ ܡܠܟܐ ܠܐ ܒܥܬܿ ܡܕܡ ܐܠܐ ܡܕܡ ܕܐܡܿܪ ܗܓܝ ܡܗܝܡܢܐ ܢܿܛܪ ܢܫ̈ܐ܂ ܘܗܼܘܬ ܐܣܬܝܪ ܫܿܩܠܐ ܚܣܕܐ܂ ܒܥܝ̈ܢܝ ܟܠ ܕܚܙܝܝܗܿ܂
61:20 ܘܥܠܬ ܐܣܬܝܪ ܩܕܡ ܡܠܟܐ ܐܚܫܝܪܫ ܠܒܝܬ ܡܠܟܐ܂ ܒܝܪܚܐ ܕܥܣܪ̈ܐ ܕܗܼܘ ܟܢܘܢ ܐܚܪܝ܂ ܒܫܢܬ ܐܪ̈ܒܥ ܠܡܠܟܘܬܗ܂
71:20 ܘܪܚܡܗܿ ܡܠܟܐ ܠܐܣܬܝܪ ܛܿܒ ܡܼܢ ܟܠܗܝܢ ܢܫ̈ܐ܂ ܘܫܩܠܬ ܚܣܕܐ ܡܼܢ ܩܕܡܘܗܝ ܡܢ ܟܠܗܝܢ ܒܬܘ̈ܠܬܐ܂ ܘܩܒܠܬܼ ܬܐܓܐ ܕܡܠܟܘܬܼܐ ܒܪܝܫܗܿ܃ ܘܐܡܠܟܬ ܚܠܦ ܘܫܬܝ܂
81:20 ܘܥܼܒܕ ܡܠܟܐ ܡܫܬܝܐ ܪܒܐ ܠܟܠܗܘܢ ܪܒܪ̈ܒܢܘܗܝ܂ ܘܥܒܕ ܡܫܬܝܐ ܠܐܣܬܝܪ܂ ܘܢܝܿܚܐ ܠܡܕ̈ܝܢܬܐ ܥܼܒܕ܂ ܘܝܗܼܒ ܡܘܗ̈ܒܬܼܐ ܐܝܟܼ ܐܝܕܐ ܕܡܠܟܐ܂
91:20 ܘܟܕ ܡܬܟ̈ܢܫܢ ܒܬܘ̈ܠܬܐ ܕܬܪ̈ܬܝܢ ܙܒܢ̈ܝܢ܂ ܡܘܪܕܟܼܝ ܝܿܬܒ ܗܘܐ ܒܬܪܥܐ ܕܡܠܟܐ܂
02:20 ܘܠܐ ܡܚܘܝܐ ܐܣܬܝܪ ܫܪܒܬܗܿ ܘܥܡܗܿ ܐܝܟ ܕܦܩܕܗܿ ܡܘܪܕܟܼܝ܂ ܘܦܘܩܕܢܗ ܕܡܘܪܕܟܼܝ ܐܣܬܝܪ ܥܿܒܕܐ ܗܘܬ ܐܝܟ ܕܗܘܼܬܿ ܒܗܝܡܢܘܼܬܐ ܥܡܗ܂
12:20 ܘܒܝܘ̈ܡܬܼܐ ܗܿܢܘܢ ܡܘܪܕܟܼܝ ܝܬܼܒ ܗܘܐ ܒܬܼܪܥܐ ܕܡܿܠܟܐ܂ ܘܪܓܙܘ ܒܓܬܢ ܘܬܪܫ܂ ܬܪ̈ܝܢ ܡܗܝܡ̈ܢܘܗܝ ܕܡܠܟܐ ܢܛܪ̈ܝ ܬܪܥܐ܂ ܘܒܥܘ ܠܡܘܫܛܘ ܐܝܕ̈ܝܐ ܠܡܠܟܐ ܐܚܫܝܪܫ܂
22:20 ܘܐܬܓܠܝܬܼ ܡܠܬܐ ܠܡܘܪܕܟܝ ܘܓܠܗܿ ܠܐܣܬܝܪ ܡܠܟܬܼܐ ܘܐܡܼܪܬ ܐܣܬܝܪ ܠܡܠܟܐ܂ ܒܫܡ ܡܘܪܕܟܼܝ܂
32:20 ܘܐܬܥܩܒܬ ܡܠܬܐ ܘܐܫܬܟܚܬ ܘܐܙܕܩܦܼܘ ܬܪ̈ܝܗܘܢ ܥܠ ܙܩܝ̈ܦܐ܂ ܘܠܐ ܟܬܒܘ ܒܣܦܪ ܝܘܡ̈ܬܐ ܩܕܡ ܡܠܟܐ܃

next chapter