U The Comprehensive Aramaic Lexicon

CAL CODE HELP CLICK HERE
click on the file description for more information

62028: P Job

click on a word for lexical analysis
Click on a red-colored coordinate for comments and/or translations of the line

previous chapter


10:33 ܒܪܡ ܕܝܢ ܫܡܥ ܐܝܘܒ ܡ̈ܠܝ܂ ܘܟܠܗܘܢ ܦܬ̈ܓܡܝ ܨܘܬ܂
20:33 ܗܐ ܦܬܚܬ ܦܘܡܝ܂ ܘܒܦܘܡܝ ܡܡܠܠ ܠܫܢܝ/ܠܫܢ#3#/܂
30:33 ܬܪܝܨ ܗܘ ܡܡܠܠܗ ܕܦܘܡܝ/ܕܠܒܝ#3#/܂ ܘܓܒܐ ܗܘ/#3#/ ܡܐܡܪܐ ܕܣ̈ܦܘܬܝ܂
40:33 ܪܘܚܗ ܕܐܠܗܐ ܐܥܝܪܬܢܝ܂ ܘܢܫܡܬܗ ܕܐܠܗܐ ܐܚܝܬܢܝ܀
50:33 ܐܢ ܡܫܟܚ ܐܢܬ ܐܬܝܒܝܢܝ ܦܬܓܡܐ܂ ܐܬܛܝܒ ܘܩܘܡ ܩܕܡܝ܂
60:33 \ܐܢܐ /ܐܦ ܐܢܐ#3# /ܘܐܦ ܐܢܐ#3#/ ܐܟܘܬܟ ܐܢܐ ܠܘܬ ܐܠܗܐ܂ ܘܐܦ ܐܢܐ ܡܢ ܛܝܢܐ ܐܬܓܒܠܬ܂
70:33 ܘܗܫܐ ܕܚܠܬܝ ܠܐ ܬܙܝܥܟ܂ ܘܐܘܟܦܢܝ ܥܠܝܟ ܠܐ ܢܐܩܪ ܂
80:33 ܒܪܡ ܐܡܪܬ ܒܐ̈ܕܢܝ܂ ܘܩܠ ܡ̈ܠܝܟ ܫܡܥܬ܂
90:33 ܕܐܡܪܬ ܕܙܟܝ ܐܢܐ ܕܠܐ ܚ̈ܘܒܝܢ܂ ܘܙܕܝܩ ܐܢܐ ܘܠܝܬ ܒܝ ܚ̈ܛܗܐ܂ ܘܡܦܨܝ ܐܢܐ ܡܢ ܥܘܼܠܐ܂
01:33 ܕܗܐ ܥ̈ܠܠܬܐ ܥܠܝ ܡܫܟܚ܂ ܘܚܫܒܢܝ ܠܗ ܐܝܟ ܒܥܠܕܒܒܐ܂
11:33 ܘܣܡ ܒܣܪܐ ܪ̈ܓܠܝ܂ ܘܢܛܪ ܒܟܠܗܝܢ ܐܘܪ̈ܚܬܝ܂
21:33 ܒܗܕܐ ܠܐ ܡܫܟܚ ܐܢܬ ܠܡܙܟܐ܂ ܐܬܠ ܠܟ ܦܬܓܡܐ ܕܪܒ ܗܘ ܐܠܗܐ ܡܢ \ܐܢܫܐ /ܒܢ̈ܝ ܐܢܫܐ#3#/܂
31:33 ܡܛܠ ܡܢܐ ܕܢܬ ܥܡܗ܂ ܘܒܟܠܗܘܢ ܦܬ̈ܓܡܘܗܝ ܠܐ ܥܢܐ܂
41:33 ܡܛܠ ܕܒܚܕܐ ܗܘ ܡܡܠܠ ܐܠܗܐ܂ ܘܒܬܪ̈ܬܝܢ ܠܐ ܡܘܣܦ܂ ܘܒܣ̈ܦܘܬܐ ܠܐ ܡܣܬܟܠ܂
51:33 ܒܚܠܡܐ ܘܒܚܙܘܐ ܕܠܠܝܐ܂ ܟܕ ܢܦܠܐ ܫܢܬܐ ܥܠ ܐܢܫܐ ܒܢܘܡܬܐ ܥܠ ܡܫܟܒܐ܂
61:33 \ܗܝܕܝܢ /ܗܿܝ ܕܝܢ#2#/ ܓܿܠܐ ܐܕܢܗ ܕܐܢܫܐ܂ ܘܒܡܪܘܕܘܬܗܘܢ ܢܡܟܟ ܐܢܘܢ܂
71:33 ܠܡܥܒܪܘ ܐܢܫܐ ܡܢ ܥܒܿܕܘ̈ܗܝ܂ ܘܓܘܫܡܗ ܕܓܒܪܐ ܡܟܣܐ܂
81:33 ܢܚܣܘܟ ܢܦܫܗ ܡܢ ܚܒܠܐ ܘܚܝ̈ܘܗܝ ܡܢ ܐܒܕܢܐ܂
91:33 ܘܢܟܣܐ ܒܟܐܒܐ ܥܠ ܡܫܟܒܗ܂ ܘܣܘܓܐܐ ܕܓܪ̈ܡܘܗܝ ܢܥܫܢ܂
02:33 ܢܓܡܪ ܒܣܪܗ ܡܢ ܕܚܠܬܗ܂ ܘܢܦܫܗ ܠܐ ܢܣܒܥ ܠܚܡܐ/ܠܚܡܗ#3#/܂ ܘܢܦܫܗ ܡܐܟܘܠܬܐ ܬܪܓ܂
12:33 ܢܐܟܘܠ ܒܣܪܗ ܡܢ ܕܚܠܬܗ܂ ܘܣܘܓܐܐ ܕܓܪ̈ܡܘܗܝ ܠܐ ܢܚܙܐ܂
22:33 ܘܬܩܪܘܒ ܠܚܒܠܐ ܢܦܫܗ܂ ܘܚ̈ܝܘܗܝ ܠܡܘܬܐ܂
32:33 ܐܢ ܐܝܬ ܠܗ ܡܠܐܟܐ ܕܫܿܡܥ ܠܗ ܚܕܐ ܡܢ ܐܠܦ܂ ܢܚܘܐ ܠܐܢܫܐ ܬܪܝܨܘܬܗ܂
42:33 ܘܢܪܚܡ ܥܠܘܗܝ ܘܢܐܡܪ܂ ܦܪܘܩܝܗܝ ܕܠܐ ܢܚܘܬ ܠܚܒܠܐ܂ ܘܠܗ ܢܫܟܚ ܦܘܪܩܢܐ܂
52:33 ܢܬܚܠܦ ܒܣܪܗ ܐܝܟ ܕܒܛܠܝܘܬܗ܂ ܘܢܗܦܘܟ ܠܝ̈ܘܡܝ ܥܠܝܡܘܬܗ܂
62:33 ܘܢܨܠܐ ܩܕܡ ܐܠܗܐ ܘܢܫܡܥܝܘܗܝ܂ ܘܢܨܛܒܐ ܒܗ ܘܢܬܚܙܐ ܩܕܡܘܗܝ ܒܫܘܒܚܐ܂ ܘܢܦܪܘܥ ܠܒܪܢܫܐ ܙܕܝܩܘܬܗ܂
72:33 ܘܬܪܝܨܘܬܐ ܥܠ ܐܢܫܐ ܢܐܡܪ܂ ܘܢܐܡܪ ܚܛܝܬ ܘܫܪܝܪܐܝܬ ܐܣܟܠܬ܂ ܘܠܐ ܐܗܢܝܬ ܢܦܫܝ܂
82:33 ܦܪܘܩ ܢܦܫܝ ܡܢ ܐܒܕܢܐ ܕܚܒܠܐ܂ ܘܢܦܫܝ ܬܚܙܐ ܢܘܗܪܐ܂
92:33 ܗܠܝܢ ܟܠܗܝܢ ܥܿܒܕ ܐܠܗܐ ܬܠܬ ܙܒ̈ܢܝܢ ܥܡ ܓܒܪܐ܂
03:33 ܡܗܦܟ ܢܦܫܗ ܡܢ ܚܒܠܐ܂ ܠܡܚܙܐ ܢܘܗܪܐ ܕܚ̈ܝܐ܂
13:33 ܨܘܬ ܐܝܘܒ ܘܫܡܥܿ ܘܫܬܘܩ ܘܐܢܐ ܐܡܠܠ܂
23:33 ܐܢ ܐܝܬ ܠܟ ܡ̈ܠܐ ܐܬܝܒܝܢܝ܂ ܡܛܠ ܕܨܿܒܐ ܗܘ ܕܬܙܟܐ܂
33:33 ܘܐܢ ܠܐ ܫܿܡܥ ܐܢܬ ܠܝ܂ ܫܬܘܩ ܘܐܠܦܟ ܚܟܡܬܐ܀

next chapter