U The Comprehensive Aramaic Lexicon

CAL CODE HELP CLICK HERE
click on the file description for more information

62011: P 2K

click on a word for lexical analysis
Click on a red-colored coordinate for comments and/or translations of the line

previous chapter


10:91 ܘܟܕ ܫܡܥ ܚܙܩܝܐ ܡܠܟܐ ܨܪܝ ܠܒ̈ܘܫܘܗܝ܂ ܘܐܬܟܣܝ ܣܩܐ ܘܥܠ ܠܒܝܬܗ ܕܡܪܝܐ܂
20:91 ܘܫܕܪ ܠܐܠܝܩܝܡ ܪܒ ܒܝܬܐ ܘܠܫܒܢܐ ܣܦܪܐ܂ ܘܠܣ̈ܒܐ ܕܟܗ̈ܢܐ ܟܕ ܡܟܣܝܢ ܣܩ̈ܐ܂ ܠܘܬ ܐܫܥܝܐ ܢܒܝܐ ܒܪ ܐܡܘܨ܂
30:91 ܘܐܡܪܘ ܠܗ܂ ܗܟܢܐ ܐܡܪ ܚܙܩܝܐ܂ ܝܘܡܐ ܗܘ ܕܐܘܠܨܢܐ ܘܕܡܟܣܢܘܬܐ܂ ܘܕܪܘܓܙܐ ܝܘܡܢܐ܂ ܡܛܠ ܕܡܛܝܘ \ܚܒ̈ܠܐ ܕܒܢ̈ܝܐ /ܒܢ̈ܝܐ ܠܚܒ̈ܠܐ#3#/ ܘܠܝܬ ܚܝܠܐ ܒܝܠܕܬܐ܂
40:91 ܛܟ ܢܫܡܥ ܡܪܝܐ ܐܠܗܟ ܡ̈ܠܘܗܝ ܕܪܒ ܫܩ̈ܐ܂ ܕܫܕܪܗ ܡܪܗ ܡܠܟܐ ܐܬܘܪܝܐ/ܕܐܬܘܪ#3#/܂ ܠܡܚܣܕܘ ܠܐܠܗܐ ܚܝܐ܂ ܘܢܟܣܝܘܗܝ ܒܡ̈ܠܐ ܕܫܡܥ ܡܪܝܐ ܐܠܗܟ܂ ܘܬܒܥܐ ܘܬܨܠܐ ܥܠ ܫܪܟܐ ܕܐܫܬܚܪܘ܀
50:91 ܘܐܬܘ ܥܒ̈ܕܘܗܝ \ܕܡܠܟܐ ܚܙܩܝܐ /ܕܚܙܩܝܐ ܡܠܟܐ#3#/ ܠܘܬ ܐܫܥܝܐ ܢܒܝܐ܂
60:91 ܘܐܡܪ ܠܗܘܢ ܐܫܥܝܐ ܗܟܢܐ ܬܐܡܪܘܢ ܠܡܪܟܘܢ܂ ܗܟܢܐ ܐܡܪ ܡܪܝܐ܂ ܠܐ ܬܕܚܠ ܡܢ ܡ̈ܠܐ ܕܫܡܥܬ܂ ܕܓܕܦܘ ܩܕܡܝ ܐܝ̈ܙܓܕܘܗܝ ܕܡܠܟܐ ܕܐܬܘܪ܂
70:91 ܗܐ ܝܗܒ ܐܢܐ ܒܗ ܪܘܚܐ܂ ܘܢܫܡܥ ܛܒܐ ܘܢܗܦܘܟ ܠܐܪܥܗ ܘܐܪܡܝܘܗܝ ܒܚܪܒܐ ܒܐܪܥܗ܀
80:91 ܘܗܦܟ ܪܒ ܫܩ̈ܐ ܘܐܫܟܚ ܠܡܠܟܐ ܕܐܬܘܪ ܟܕ ܡܬܟܬܫ ܥܠ/ܥܡ#3#/ ܠܒܢܐ܂ ܡܛܠ ܕܫܡܥ ܕܫܩܠ ܡܢ ܠܟܝܫ܂
90:91 ܘܫܡܥ ܥܠ ܬܪܗܩ ܡܠܟܐ ܕܟܘܫ ܕܢܦܩ ܠܡܬܟܬܫܘ ܥܡܗ܂ ܘܗܦܟ ܘܫܕܪ ܐܝ̈ܙܓܕܐ ܠܘܬ ܚܙܩܝܐ ‍<‍ܘܐܡܪ#3#‍>‍܂
01:91 ܗܟܢܐ ܬܐܡܪܘܢ ܠܚܙܩܝܐ ܡܠܟܐ ܕܝܗܘܕܐ܂ ܠܐ ܢܛܥܝܟ ܐܠܗܟ ܕܬܟܝܠ ܐܢܬ ܥܠܘܗܝ܂ ܘܐܡܪ ܐܢܬ ܕܠܐ ܡܫܬܠܡܐ ܐܘܪܫܠܡ ܒܐ̈ܝܕܘܗܝ ܕܡܠܟܐ ܕܐܬܘܪ܂
11:91 ܗܐ ܐܢܬ ܫܡܥܬ ܟܠ/ܡܕܡ#3#/ ‍<‍ܡܐ#3#‍>‍ ‍<‍ܡܕܡ#3#‍>‍ ܕܥܒܕܘ ܡ̈ܠܟܐ ܕܐܬܘܪ ܠܟܠܗܝܢ ܐܪ̈ܥܬܐ ܘܐܚܪܒܘ ܐ̈ܢܝܢ܂ ܘܐܢܬ ܡܬܦܨܐ ܐܢܬ܂
21:91 ܕܠܡܐ ܦܨܝܘ ܐ̈ܠܗܝܗܘܢ ܕܥܡ̈ܡܐ ܐܢܫ ܐܪܥܗ ܕܚܪܒܘ ܐ̈ܒܗܝ܂ ܠܓܘܙܢ ܘܠܚܪܢ ܘܠܪܨܦ܂ ܘܠܒܢ̈ܝ ܥܕܢ ܕܒܕܠܣܪ܂
31:91 ܐܝܟܐ ܗܘ ܡܠܟܐ ܕܚܡܬ ܘܡܠܟܐ ܕܪܦܕ܂ ܘܡܠܟܐ ܕܩܪܝܬܐ ܣܦܪܘܝܡ ܘܕܢܥ ܘܕܥܘܐ܀܀
41:91 ܘܢܣܒ ܚܙܩܝܐ ܐܓܪ̈ܬܐ ܡܢ ܐܝܕܐ ܕܐܝ̈ܙܓܕܐ ܘܩܪܐ ܐ̈ܢܝܢ܂ ܘܣܠܩ ܠܒܝܬܗ ܕܡܪܝܐ܂ ܘܦܪܣ ܐ̈ܢܝܢ ܚܙܩܝܐ ܐܓܪ̈ܬܐ/ܠܐܓܪ̈ܬܐ#3#/ ܩܕܡ ܡܪܝܐ܂
51:91 ܘܨܠܝ ܚܙܩܝܐ ܩܕܡ ܡܪܝܐ ܘܐܡܪ܂ ܡܪܝܐ ܚܝܠܬܢܐ ܐܠܗܐ ܕܐܝܣܪܝܠ ܝܬܒ/ܕܝܬܒ#3#/ ܥܠ ܟܪ̈ܘܒܐ܂ ܐܢܬ ܗܘ ܐܠܗܐ ܒܠܚܘܕܝܟ ܥܠ ܟܠܗܝܢ ܡ̈ܠܟܘܬܐ ܕܐܪܥܐ܂ ܐܢܬ ܥܒܕܬ ܫܡܝܐ ܘܐܪܥܐ܂
61:91 ܨܠܝ ܡܪܝܐ ܐܕܢܟ ܘܫܡܥ܂ ܦܬܚ ܡܪܝܐ ܥܝܢ̈ܝܟ ܘܚܙܝ܂ ܘܫܡܥ ܟܠܗܝܢ ܡ̈ܠܘܗܝ ܕܣܢܚܪܝܒ ܕܫܠܚ/ܕܫܕܪ#3#/ ܠܡܚܣܕܘ ܠܐܠܗܐ ܚܝܐ܂
71:91 ܫܪܝܪܐܝܬ ܡܪܝܐ ܚܪܒܘ ܡ̈ܠܟܐ ܕܐܬܘܪ ܠܟܘܠܗܝܢ ܐܪ̈ܥܬܐ/ܥܡ̈ܡܐ#3#/܂ ܘܐܪܥܗܘܢ
81:91 ܘܐ̈ܠܗܝܗܘܢ ܐܘܩܕܘ ܒܢܘܪܐ܂ ܡܛܠ ܕܠܐ ܗܘܘ ܐ̈ܠܗܐ܂ ܐܠܐ ܥܒܕ ܐ̈ܝܕܝܐ \ܕܒܢ̈ܝ ܐܢܫܐ /ܕܐܢܫܐ#3#/܂ ܕܩܝܣܐ ܘܕܟܐܦܐ ܘܐܘܩܕܘ ܐܢܘܢ܂
91:91 ܘܗܫܐ ܡܪܝܐ ܐܠܗܢ ܦܪܘܩܝܢ ܡܢ ܐ̈ܝܕܘܗܝ܂ ܕܢܕܥܝܢ ܟܠܗܝܢ ܡ̈ܠܟܘܬܐ ܕܐܪܥܐ܂ ܕܐܢܬ ܗܘ ܡܪܝܐ ܐܠܗܐ ܒܠܚܘܕܝܟ܀
02:91 ܘܫܠܚ ܐܫܥܝܐ ܒܪ ܐܡܘܨ ܠܚܙܩܝܐ ܘܐܡܪ܂ ܗܟܢܐ ܐܡܪ ܡܪܝܐ ܐܠܗܐ ܕܐܝܣܪܝܠ܂ ܟܠ/ܡܕܡ#3#/ ܕܨܠܝܬ ܩܕܡܝ ܥܠ ܣܢܚܪܝܒ ܡܠܟܐ ܕܐܬܘܪ ܫܡܥܬ܂
12:91 ܗܢܐ ܦܬܓܡܐ ܕܐܡܪ ܥܠܘܗܝ ܡܪܝܐ܂ ܫܝܛܐ ܠܟ ܘܡܡܝܩܐ ܒܟ ܒܬܘܠܬܐ ܒܪܬ ܨܗܝܘܢ܂ ܘܡܢܝܕܐ ܪܝܫܗ ܒܬܪܟ ܒܪܬ ܐܘܪܫܠܡ܂
22:91 ܠܡܿܢ ܚܣܕܬ ܘܩܕܡ ܡܿܢ ܓܕܦܬ܂ ܘܥܠ ܡܿܢ ܐܪܝܡܬ ܩܠܟ܂ ܐܪܝܡܬ ܥܝܢܝ̈ܟ ܠܡܪܘܡܐ ܥܠ ܩܕܝܫܐ ܕܐܝܣܪܝܠ܂
32:91 ܘܒܐܝܕܐ ܕܐܝ̈ܙܓܕܝܟ ܚܣܕܬ ܠܡܪܝܐ܂ ܘܐܡܪܬ \ܕܒܣܘܓܐ ܕܡܪ̈ܟܒܬܝ /ܒܣܓܐܬ ܪ̈ܟܒܝ#3#/܂ ܐܢܐ ܐܣܩ ܠܪܘܡܐ ܕܛܘܪ̈ܐ ܘܠܫ̈ܦܘܠܘܗܝ ܕܠܒܢܢ܂ ܘܐܦܣܘܩ ܩ̈ܘܡܬܐ ܕܐܪ̈ܙܘܗܝ ܘܓܒ̈ܝܐ ܕܫܪ̈ܘܝܢܘܗܝ܂ ܘܐܥܘܠ ܠܪܘܡܐ ܕܣܟܗ ܕܥܒܐ ܕܟܪܡܠܐ܂
42:91 ܐܢܐ ܐܚܦܘܪ ܘܐܫܬܐ ܡ̈ܝܐ ‍<‍ܢܘܟܪ̈ܝܐ#3#‍>‍܂ ܘܐܘܒܫ/ܘܐܘܒܕ#3#/ ܒܦܪ̈ܣܬܐ ܕܪ̈ܟܫܝ ܟܠܗܘܢ ܢܗܪ̈ܘܬܐ ܥܫ̈ܝܢܐ/ܥܡܝܩ̈ܐ#3#/܂
52:91 ܠܐ ܫܡܥܬ ܕܡܢ ܪܘܚܩܐ ܠܗ ܥܒܕܬ܃ ܘܡܢ ܝܘܡ̈ܬܐ ܩܕܡ̈ܝܐ ܠܗ ܥܬܕܬ܂ ܘܗܫܐ ܐܝܬܝܬܗ ܕܬܗܘܐ ܠܚܘܪܒܐ ܘܠܨܕܝܐ܂ ܐܝܟ ܡܕܝܢ̈ܬܐ ܥܫ̈ܝܢܬܐ
62:91 ܕܝܬܒܝ̈ܗܝܢ ܙܥܪ ܚܝܠܗܘܢ܂ ܐܬܬܒܪܘ ܘܒܗܬܘ܂ ܘܗܘܘ ܐܝܟ ܥܣܒܐ ܕܚܩܠܐ/ܕܕܒܪܐ#3#/܂ ܘܐܝܟ ܝܘܪܩܐ ܕܬܕܐܐ܂ ܘܐܝܟ ܥܡܝܪܐ ܕܐܓܪܐ܂ ܘܐܝܟ ܒܘܚܫܝܢܐ ܩܕܡ ܩܝܡܬܐ܂
72:91 ܡܘܬܒܟ ܘܡܥܠܟ ܘܡܦܩܟ ܝܕܥ ܐܢܐ܂ \ܘܕܐܬܪܘܪܒܬ ܥܠܝ /ܘܐܡܪܚܬ ܩܕܡܝ#3#/܂
82:91 ܥܠ ܕܐܡܪܚܬ ܘܐܬܪܘܪܒܬ ܥܠܝ܂ ܘܓܘܕܦܟ ܣܠܩ ܒܐ̈ܕܢܝ܂ ܐܪܡܐ ܩܠܕܐ ܒܢܚܝܪܟ ܘܒܠܡܐ ܒܣ̈ܦܘܬܟ܂ ܘܐܗܦܟܟ ܒܐܘܪܚܐ ܕܐܬܝܬ ܒܗ܂
92:91 ܘܗܕܐ ܐܬܐ ܬܗܘܐ/ܕܬܗܘܐ#3#/ ܠܟ܂ ܐܟܠ ܐܢܬ ܫܢܬܐ ܗܕܐ ܟܐܬܐ܂ ܘܫܢܬܐ ܕܬܪ̈ܬܝܢ ܟܬ ܟܐܬܐ܂ ܘܫܢܬܐ ܬܠܝܬܝܬܐ ܙܪܘܥܘ ‍<‍ܐܢܬܘܢ#3#‍>‍ ܘܚܨܘܕܘ܂ ܘܨܘܒܘ ܟܪ̈ܡܐ ܘܐܟܘܠܘ ܦܐܪ̈ܝܗܘܢ܂
03:91 ܘܢܘܣܦܘܢ ܫܪܟܐ ܕܒܝܬ ܝܗܘܕܐ ܕܐܫܬܚܪܘ܂ ܫܕܝܢ ܥܩܪܐ ܠܬܚܬ ܘܥܒܕܝܢ ܦܐܪ̈ܐ ܠܥܠ܂
13:91 ܡܛܠ ܕܡܢ ܐܘܪܫܠܡ ܢܦܘܩ ܫܪܟܢܐ܂ ܘܦܘܠܛܐ ܡܢ ܛܘܪܐ ܕܨܗܝܘܢ܂ ܩܢܐܬܗ ܕܡܪܝܐ ܚܝܠܬܢܐ ܬܥܒܕ ܗܕܐ܀
23:91 ܡܛܠ ܗܢܐ ܗܟܢܐ ܐܡܪ ܡܪܝܐ ܥܠ ܡܠܟܐ ܕܐܬܘܪ܂ ܠܐ ܢܥܘܠ ܠܩܪܝܬܐ ܗܕܐ܂ ܘܠܐ ܢܫܕܐ ܬܡܢ ܓܐܪܐ܂ ܘܠܐ ‍{‍ܢܩܪܡܝܗ‍}‍‍<‍ܢܩܕܡܝܗ‍>‍ ܒܣܟܪ̈ܐ܂ ܘܠܐ ܢܟܡܢ ܥܠܝܗ ܟܡܐ̈ܢܐ܂
33:91 ܐܠܐ ܒܐܘܪܚܐ ܕܐܬܐ ܒܗ ܢܗܦܘܟ܂ ܘܠܩܪܝܬܐ ܗܕܐ ܠܐ ܢܥܘܠ ܐܡܪ ܡܪܝܐ܂
43:91 ܘܐܓܢ ܥܠ ܩܪܝܬܐ ܗܕܐ ܘܐܦܪܩܝܗ܂ ܡܛܠܬܝ ܘܡܛܠ ܕܘܝܕ ܥܒܕܝ܀܀
53:91 ܘܗܘܐ ܒܠܠܝܐ ܗܘ܂ ܘܢܦܩ ܡܠܐܟܗ ܕܡܪܝܐ ܘܩܛܠ ܒܡܫܪܝܬܗ/ܡܢ ܡܫܪܝܬܗ#3#/ ܕܐܬܘܪܝܐ/ܕܐܬܘܪ#3#/܂ ܡܐܐ ܘܬܡܢܐܝܢ ܘܚܡܫܐ ܐ̈ܠܦܝܢ܂ ܘܩܕܡܘ ܒܨܦܪܐ ܘܚܙܝܢ ܘܗܐ ܟܠܗܘܢ ܦܓܪ̈ܐ ܡܝ̈ܬܐ܂
63:91 ܘܫܩܠܘ ܘܐܙܠܘ܂ ܘܗܦܟ ܣܢܚܪܝܒ ܡܠܟܐ ܕܐܬܘܪ ܘܝܬܒ ܒܢܝܢܘܐ܂
73:91 ܘܟܕ ܣܓܕ ܗܘܐ ܒܝܬ ܢܣܪܟ ܐܠܗܗ܂ ܐܕܪܡܠܟ ܘܫܪܐܨܪ ܒܢ̈ܘܗܝ ܩܛܠܘܗܝ ܒܚܪܒܐ܂ ܘܗܢܘܢ ܐܬܦܠܛܘ ܠܐܪܥܐ ܕܐܪܕܛ܂ ܘܐܡܠܟ ܣܪܚܕܘܡ ܒܪܗ ܒܬܪܗ܀܀

next chapter