U The Comprehensive Aramaic Lexicon

CAL CODE HELP CLICK HERE
click on the file description for more information

62008: P 1S

click on a word for lexical analysis
Click on a red-colored coordinate for comments and/or translations of the line

previous chapter


10:41 ܘܗܘܐ ܝܘܡܐ܂ ܘܐܡܪ ܝܘܢܬܢ ܒܪ ܫܐܘܠ ܠܛܠܝܐ ܕܫܩܝܠ ܡܐ̈ܢܘܗܝ܂ ܬܐ ܢܥܒܪ ܠܩܝܡܐ ܕܦܠܫ̈ܬܝܐ ܠܥܒܪܐ ܕܠܗܠ܂ ܘܠܐܒܘܗܝ ܠܐ ܚܘܝ܂
20:41 ܘܫܐܘܠ ܝܬܿܒ ܒܣܘܦܐ ܕܪܡܬܐ܂ ܬܚܝܬ ܪܘܡܢܐ ܕܒܓܒܥܘܢ܂ ܘܥܡܐ ܐܝܬ ܗܘܐ ܥܡܗ ܐܝܟ/ܕܐܝܟ#3#/ ܫܬܡܐܐ ܓܒܪ̈ܝܢ܂
30:41 ܘܐܚܝܐ ܒܪ ܐܚܝܛܘܒ ܐܚܘܗܝ ܕܝܘܟܒܪ ܒܪ ܦܝܢܚܝܣ ܒܪ ܥܠܝ ܟܗܢܐ ܕܡܪܝܐ ܕܒܫܝܠܘ ܘܫܩܿܠ ܦܕܬܐ܂ ܘܥܡܐ ܠܐ ܝܕܥ ܕܐܙܠ ܝܘܢܬܢ
40:41 ܠܒܝܬ ܡܥܒܪܬܐ܂ ܘܒܥܐ ܕܢܥܒܪ ܠܩܝܡܐ ܕܦܠܫ̈ܬܝܐ܂ ܘܫܢܐ ܕܟܐܦܐ ܡܢ ܥܒܪܐ ܡܟܐ܂ ܘܫܢܐ ܐܚܪܬܐ ܕܟܐܦܐ ܡܟܐ܂ ܫܡܗܿ ܕܚܕܐ ܒܨܘܨ܂ ܘܫܡܗܿ ܕܐܚܪܬܐ ܣܝܥܐ܂
50:41 ܫܢܐ ܚܕܐ ܢܓܕܐ ܡܢ ܓܪܒܝܐ ܠܘܩܒܠ ܡܟܡܣ܂ ܘܐܚܪܬܐ ܡܢ ܬܝܡܢܐ ܠܘܩܒܠ ܓܒܥ܂
60:41 ܘܐܡܪ ܝܘܢܬܢ ܠܛܠܝܐ ܕܫܩܝܠ ܡܐ̈ܢܘܗܝ܂ ܬܐ ܢܥܒܪ ܠܩܝܡܐ ܕܥܘܪ̈ܠܐ ܗܠܝܢ܂ ܛܟ ܢܥܕܪܢ ܡܪܝܐ܂ ܡܛܠ ܕܠܝܬ ܟܠܝܬܐ ܠܡܪܝܐ܂ ܠܡܦܪܩ ܒܣܓܝ ܐܘ ܒܙܥܘܪ܂
70:41 ܘܐܡܪ ܠܗ ܫܩܿܠ ܡܐ̈ܢܘܗܝ܂ ܥܒܕ ܟܘܠ ܕܒܠܒܟ ܘܣܛܝ ܙܠ܂ ܗܐ ܐܢܐ ܥܡܟ ܟܠ ܕܒܠܒܟ ܥܒܕ܂
80:41 ܘܐܡܪ ܠܗ ܝܘܢܬܢ܂ ܗܐ ܚܢܢ ܥܒܪܝܢܢ ܥܠ ܓܒܪ̈ܐ ܘܢܬܓܠܐ ܠܗܘܢ܂
90:41 ܐܢ ܗܟܢܐ ܢܐܡܪܘܢ ܠܢ܂ ܫܬܘܩܘ ܥܕ ܢܡܛܐ ܠܘܬܟܘܢ܂ ܢܩܘܡ ܒܕܘܟܬܢ ܘܠܐ ܢܣܩ ܥܠܝܗܘܢ܂
01:41 ܘܐܢ ܗܟܢܐ ܢܐܡܪܘܢ ܠܢ܂ ܣܩܘ ܠܘܬܢ ܢܣܩ܂ ܡܛܠ ܕܐܫܠܡ ܐܢܘܢ ܡܪܝܐ ܐܠܗܢ ܒܐܝܕܢ܂ ܗܕܐ ܠܢ ܐܬܐ܂
11:41 ܘܐܬܓܠܝܘ ܬܪ̈ܝܗܘܢ ܥܠ ܩܝܡܐ ܕܦܠܫ̈ܬܝܐ܂ ܘܐܡܪܘ ܦܠܫ̈ܬܝܐ܂ ܗܐ ܥܒܪ̈ܝܐ ܢܦܩܝܢ ܡܢ ܚ̈ܠܠܐ ܕܐܬܛܫܝܘ ܬܡܢ܂
21:41 ܘܥܢܘ ܐܢܫ̈ܝ ܩܝܡܐ ܠܝܘܢܬܢ ܘܠܫܩܿܠ ܡܐ̈ܢܘܗܝ ܘܐܡܪܘ ܣܩܘ ܠܘܬܢ ܘܢܘܕܥܟܘܢ ܦܬܓܡܐ܂ ܘܐܡܪ ܝܘܢܬܢ ܠܫܩܿܠ ܡܐ̈ܢܘܗܝ܂ ܣܩ ܒܬܪܝ܂ ܡܛܠ ܕܐܫܠܡ ܐܢܘܢ ܡܪܝܐ ܒܐܝܕܐ ܕܐܝܣܪܝܠ܂
31:41 ܘܣܠܩ ܝܘܢܬܢ ܥܠ ܐ̈ܝܕܘܗܝ ܘܥܠ ܪ̈ܓܠܘܗܝ܂ ܘܫܩܿܠ ܡܐ̈ܢܘܗܝ ܒܬܪܗ܂ ܘܢܦܠ ܩܝܡܐ ܕܦܠܫ̈ܬܝܐ ܩܕܡ ܝܘܢܬܢ܂ ܘܫܿܩܠ ܡܐ̈ܢܘܗܝ ܡܩܛܠ ܗܘܐ ܒܬܪܗ܂
41:41 ܘܗܘܬ ܡܚܘܬܐ ܩܕܡܝܬܐ ܕܡܚܐ ܝܘܢܬܢ ܘܫܩܿܠ ܡܐ̈ܢܘܗܝ ܐܝܟ ܥܣܪ̈ܝܢ ܓܒܪ̈ܝܢ܂ ܐܝܟ ܦܣ̈ܘܠܐ ܘܐܝܟ ܕܒܪ̈ܝ ܦܕܢܐ ܒܚܩܠܐ܂
51:41 ܘܗܘܬ ܙܘܥܬܐ ܡܢ ܡܫܪܝܬܐ ܕܒܚܩܠܐ܂ ܘܒܟܠܗ ܥܡܐ ܕܩܐܡ܂ ܘܡܚ̈ܒܠܢܐ ܙܥܘ ܘܐܦ ܗܢܘܢ܂ ܘܙܥܬ ܐܪܥܐ܂ ܘܗܘܬ ܥܠܝܗܘܢ ܕܚܠܬܗ ܕܡܪܝܐ/ܕܐܠܗܐ#3#/܂
61:41 ܘܚܙܘ ܕܘܩ̈ܐ ܕܫܐܘܠ ܕܒܓܒܥܬܐ ܕܒܢܝܡܝܢ܂ ܘܗܐ ܚܝܠܐ ܕܦܠܫ̈ܬܝܐ ܙܥ ܘܐܙܠ ܘܐܬܬܒܪ܀܀܂
71:41 ܘܐܡܪ ܫܐܘܠ ܠܥܡܐ ܕܥܡܗ܂ ܦܩܘܕܘ ܘܚܙܘ ܡܢܘ ܐܙܠ ܡܢܢ܂ ܘܦܩܕܘ ܘܚܙܘ܂ ܘܗܐ ܠܝܬ ܝܘܢܬܢ ܘܫܩܿܠ ܡܐ̈ܢܘܗܝ܂
81:41 ܘܐܡܪ ܫܐܘܠ ܠܐܚܝܐ܂ ܩܪܒ ܐܪܘܢܗ ܕܐܠܗܐ/ܕܡܪܝܐ#3#/܂ ܡܛܠ ܕܬܡܢ ܗܘܐ ܐܪܘܢܗ ܕܡܪܝܐ ܒܝܘܡܐ ܗܿܘ܂ ܥܡ ܒܢ̈ܝ ܐܝܣܪܝܠ܂
91:41 ܘܗܘܐ ܕܟܕ ܐܡܪ ܫܐܘܠ ܠܟܗܢܐ܂ ܚܝܠܐ ܕܒܡܫܪܝܬܐ ܕܦܠܫ̈ܬܝܐ ܐܙܠ ܣܘܓܐܐ܂ ܘܐܡܪ ܫܐܘܠ ܠܟܗܢܐ܂ ܟܢܘܫ ܐܝܕܟ܂
02:41 ܘܩܥܐ ܫܐܘܠ ܘܟܠܗ ܥܡܐ ܕܥܡܗ܂ ܘܐܬܘ ܥܕܡܐ ܠܩܪܒܐ܂ ܘܗܐ ܗܘܬ ܬܡܢ ܚܪܒܗ ܕܓܒܪܐ ܒܚܒܪܗ܂ ܫܓܝܫܬܐ ܪܒܬܐ ܕܛܒ܂
12:41 ܥܒܪ̈ܝܐ ܘܦܠܫ̈ܬܝܐ ܐܝܟ ܕܐܬܡܠܝ ܘܐܝܟ ܕܡܢܬܡܠܝ܂ ܘܣܠܩܘ ܥܡܗܘܢ ܠܡܫܪܝܬܐ܂ ܘܚܕܝܪ̈ܝܢ ܐܦ ܗܢܘܢ ܠܡܗܘܐ ܥܡ ܒܢ̈ܝ ܐܝܣܪܝܠ ܘܥܡ ܫܐܘܠ ܘܝܘܢܬܢ/ܘܥܡ ܝܘܢܬܢ#3#/܂
22:41 ܘܟܠܗܘܢ ܓܒܪ̈ܐ ܕܐܝܣܪܝܠ ܕܡܛܫܝܢ ܒܛܘܪܐ ܕܐܦܪܝܡ ܫܡܥܘ ܕܥܪܩܘ ܦܠܫ̈ܬܝܐ ܡܢ ܩܕܡ ܒܢ̈ܝ ܐܝܣܪܝܠ܂ ܘܐܙܕܝܢܘ ܐܦ ܗܢܘܢ ܒܬܪܗܘܢ ܠܩܪܒܐ܂
32:41 ܘܦܪܩ ܡܪܝܐ ܠܐܝܣܪܝܠ ܒܝܘܡܐ ܗܿܘ܂ ܘܩܪܒܐ ܥܒܕ ܠܗܘܢ ܒܝܬ ܐܘܢ
42:41 ܠܓܒܪ̈ܐ ܕܐܝܣܪܝܠ܂ ܘܩܪܒ ܫܐܘܠ ܒܝܘܡܐ ܗܿܘ ܘܐܡܪ ܠܥܡܐ܂ ܠܝܛ ܗܘ ܓܒܪܐ ܕܢܐܟܘܠ ܠܚܡܐ ܥܕܡܐ ܠܪܡܫܐ܂ ܥܕܡܐ ܕܐܬܦܪܥ ܡܢ ܒ̈ܥܠܕܒܒܝ܂ ܘܠܐ ܛܥܡܘ ܟܠܗ ܠܚܡܐ܂
52:41 ܘܐܙܠܘ ܒܟܠܗܿ ܐܪܥܐ܂ ܘܥܠܘ ‍<‍ܥܡܐ#3#‍>‍ ܒܥܒܐ܂ ܘܗܐ ܕܒܫܐ ܒܥܒܐ ܥܠ ܐ̈ܦܝ ܚܩܠܐ܂
62:41 ܘܥܠܘ ܥܡܐ ܒܥܒܐ܂ ܘܪ̈ܕܐ ‍<‍ܗܘܐ#3#‍>‍ ܕܒܫܐ܂ ܘܠܝܬ ܕܡܘܫܛ ܐܝܕܗ ܠܦܘܡܗ܂ ܡܛܠ ܕܕܚܠܘ ܥܡܐ ܡܢ ܡܘܡ̈ܬܐ܂
72:41 ܘܝܘܢܬܢ ܠܐ ܫܡܥ ܟܕ ܐܘܡܝ ܐܒܘܗܝ ܠܥܡܐ܂ ܘܐܘܫܛ ܗܘ ܒܪܝܫ ܚܘܛܪܐ ܕܒܐܝܕܗ܂ ܘܛܡܫܗ ܒܟܟܪܝܬܐ ܕܕܒܫܐ܂ ܘܐܗܦܟ ܐܝܕܗ ܠܦܘܡܗ ܘܢܗܪ ܥܝ̈ܢܘܗܝ܂
82:41 ܘܥܢܐ ܓܒܪܐ ܡܢ ܥܡܐ ܘܐܡܪ ܠܝܘܢܬܢ܂ ܡܘܡܝܘ ܐܘܡܝ ܐܒܘܟ ܠܥܡܐ ܘܐܡܪ܂ ܠܝܛ ܗܘ ܓܒܪܐ ܕܢܐܟܘܠ ܠܚܡܐ ܝܘܡܢܐ܂ ܘܐܬܛܪܦ ܥܡܐ܂
92:41 ܘܐܡܪ ܝܘܢܬܢ܂ ܕܠܚܗܿ ܐܒܝ ܠܐܪܥܐ܂ ܚܙܘ ܕܢܗܪ ܥܝܢ̈ܝ ܕܛܥܡܬ ܩܠܝܠ ܡܢ ܕܒܫܐ ܗܢܐ܂
03:41 ܘܐܦ ܡܛܠ ܕܠܐ ܐܟܠ ܥܡܐ ‍<‍ܗܢܐ#3#‍>‍ ܝܘܡܢܐ ܡܢ ܒܙܬܐ ܕܒ̈ܥܠܕܒܒܘܗܝ ܕܐܫܟܚ܂ ܡܛܠ ܗܘ ܠܐ ܣܓܝܐܐ ܡܚܘܬܐ ܒܦܠܫ̈ܬܝܐ/ܕܦܠܫ̈ܬܝܐ#3#/܂
13:41 ܘܚܪܒܢ ܝܘܡܢܐ ܒܦܠܫ̈ܬܝܐ ܡܢ ܡܟܡܣ ܐܝܠܘܢ܂ ܘܐܬܛܪܦ ܥܡܐ ܛܒ܂
23:41 ܘܐܬܠܥܒܘ/ܘܐܬܥܠܒܘ#2#/ ܥܡܐ ܥܠ ܒܙܬܐ܂ ܘܕܒܪܘ ܥܢܐ ܘܬܘܪ̈ܐ ܘܥ̈ܓܠܐ ܘܢܟܣܘ ܥܠ ܐܪܥܐ܂ ܘܐܟܠܘ ܥܡܐ ܥܠ ܕܡܐ܂
33:41 ܘܚܘܝܘ ܠܫܐܘܠ ܘܐܡܪܘ ܠܗ܂ ܗܐ ܥܡܐ ܚܛܘ ܠܡܪܝܐ ܘܐܟܠܝܢ ܥܠ ܕܡܐ܂ ܘܐܡܪ ܫܐܘܠ܂ ܐܥܠܝܬܘܢ܂ ܓܙܘܪܘ ܠܝ ܝܘܡܢܐ ܟܐܦܐ ܪܒܬܐ܂
43:41 ܘܐܡܪ ܫܐܘܠ܂ ܐܬܟܪܟܘ ܒܥܡܐ ܘܐܡܪ ܠܗܘܢ܂ ܩܪܒܘ ܓܒܪ ܬܘܪܗ ܘܓܒܪ ܥܪܒܗ ܘܟܘܣܘ ܗܪܟܐ܂ ܘܠܐ ܬܚܛܘܢ ܠܡܪܝܐ ܘܬܐܟܠܘܢ ܥܠ ܕܡܐ܂ ܘܩܪܒܘ ܟܠܗ ܥܡܐ ܓܒܪ ܬܘܪܗ ܒܐܝܕܗ ܒܠܠܝܐ ܘܢܟܣܘ ܬܡܢ܂
53:41 ܘܒܢܐ ܬܡܢ ܫܐܘܠ ܡܕܒܚܐ ܠܡܪܝܐ܂ ܘܫܪܝ ܠܡܒܢܐ ܡܕܒܚܐ ܠܡܪܝܐ܂ ܘܐܡܪ ܫܐܘܠ܂ ܢܚܘܬ ܒܬܪ ܦܠܫ̈ܬܝܐ ܘܢܒܘܙ ܒܗܘܢ ܥܕܡܐ ܕܢܗܪ ܨܦܪܐ܂ ܘܠܐ ܢܫܒܘܩ ܡܢܗܘܢ ܓܒܪ܂ ܘܐܡܪܘ܂ ܟܠ ܕܫܦܝܪ ܒܥܝܢ̈ܝܟ ܢܥܒܕ܀
73:41 ܘܐܡܪ ܫܐܘܠ ܠܐܠܗܐ܂ ܐܚܘܬ ܒܬܪ ܦܠܫ̈ܬܝܐ ܡܫܠܡ ܐܢܬ ܠܗܘܢ ܒܐܝܕܐ ܕܐܝܣܪܝܠ܂ ܘܠܐ ܥܢܝܗܝ ܡܪܝܐ ܒܝܘܡܐ ܗܘ܂
83:41 ܘܐܡܪ ܫܐܘܠ܂ ܩܪܒܘ ܠܝ ܗܪܟܐ/ܠܗܪܟܐ#3#/ ܟܠܗܝܢ/ܠܟܠܗܝܢ#3#/ ܫܪ̈ܒܬܗ ܕܥܡܐ܂ ܘܕܥܘ ܘܚܙܘ ܒܡܢܐ/ܒܡܢܘ#2#/ ܗܘܬ ܚܛܝܬܐ ܗܕܐ ܝܘܡܢܐ܂
93:41 ܡܛܠ ܕܚܝ ܡܪܝܐ ܕܦܪܩ ܠܐܝܣܪܝܠ܂ ܕܐܢ ܐܝܬ ܒܝܘܢܬܢ ܒܪܝ܂ ܐܠܐ ܡܡܬ ܢܡܘܬ܂ ܘܠܝܬ ܕܥܢܝܗܝ ܡܢ ܟܠܗ ܥܡܐ܂
04:41 ܘܐܡܪ ‍<‍ܫܐܘܠ#2܂3#‍>‍ ܠܟܠܗ ܐܝܣܪܐܝܠ܂ ܐܢܬܘܢ ܗܘܘ ܒܣܛܪܐ ܚܕ܂ ܘܐܢܐ ܘܝܘܢܬܢ ܒܪܝ ܢܗܘܐ ܒܣܛܪܐ ܚܕ܂ ܘܐܡܪܘ ܥܡܐ ܠܫܐܘܠ܂ ܟܠ ܕܫܦܝܪ ܒܥܝܢ̈ܝܟ ܠܡܥܒܕ ܥܒܕ܂
14:41 ܘܐܡܪ ܫܐܘܠ܂ ܡܪܝܐ ܐܠܗܐ ܕܐܝܣܪܝܠ ܗܒ ܫܠܡܘܬܐ܂ ܘܐܬܬܚܕ ܫܐܘܠ ܘܝܘܢܬܢ ‍<‍ܒܪܗ#3#‍>‍ ܘܢܦܩܘ ܥܡܐ܂
24:41 ܘܐܡܪ ܫܐܘܠ܂ ܐܪܡܘ ܒܝ̈ܢܝ ܘܠܝܘܢܬܢ ܒܪܝ܂ ܘܐܬܬܚܕ ܝܘܢܬܢ܂
34:41 ܘܐܡܪ ܫܐܘܠ ܠܝܘܢܬܢ܂ ܚܘܢܝ ܡܢܐ ܥܒܕܬ܂ ܘܚܘܝܗ ܝܘܢܬܢ ܘܐܡܪ ܠܗ܂ ܒܪܝܫ ܚܘܛܪܐ ܕܒܐܝܕܝ ܩܠܝܠ ܛܥܡܬ ܕܒܫܐ܂ ܡܛܠ ܗܘ ܡܐܬ ܐܢܐ܂
44:41 ܘܐܡܪ ܫܐܘܠ܂ ܗܟܢܐ ܢܥܒܕ ܠܝ ܐܠܗܐ ܘܗܟܢܐ ܢܘܣܦ ܠܝ܂ ܕܡܡܬ ܬܡܘܬ ܝܘܢܬܢ܂
54:41 ܘܐܡܪ ܥܡܐ ܠܫܐܘܠ܂ ܝܘܢܬܢ ܢܡܘܬ ܕܥܒܕ ܦܘܪܩܢܐ ܠܐܝܣܪܝܠ܂ ܚܣ ܚܝ ܡܪܝܐ ܐܠܗܐ ‍<‍ܕܐܝܣܪܝܠ#3#‍>‍܂ ܐܢ ܢܦܠ ܡܢ ܣܥܪܐ ܕܪܝܫܗ ܥܠ ܐܪܥܐ܂ ܡܛܠ ܕܥܡܗ ܕܐܠܗܐ ܦܪܩ ܝܘܡܢܐ܂ ܘܦܨܝܗ ܥܡܐ ܠܝܘܢܬܢ ܘܠܐ ܡܝܬ܂
64:41 ܘܗܦܟ ܫܐܘܠ ܡܢ ܒܬܪ ܦܠܫܬ̈ܝܐ܂ ܘܦܠܫ̈ܬܝܐ ܐܙܠܘ ܠܐܬܪܗܘܢ܂
74:41 ܘܐܚܕ ܫܐܘܠ ܡܠܟܘܬܐ ܕܐܝܣܪܝܠ܂ ܘܐܬܟܬܫ ܒܚܕܪ̈ܘܗܝ ܘܒܟܠܗܘܢ ܒ̈ܥܠܕܒܒܘܗܝ܂ ܒܡܘܐܒ ܘܒܒ̈ܢܝ ܥܡܘܢ ܘܒܐܕܘܡ ܘܒܡܠܟܘܬܐ ܕܨܘܒܐ ܘܒ̈ܦܠܫܬܝܐ܂ ܘܠܐܝܟܐ ܕܡܬܦܢܐ ܗܘܐ ܙܟܐ ܗܘܐ܂
84:41 ܘܟܢܫ ܚܝܠܐ ܘܚܪܒ ܠܥܡܠܝܩ܂ ܘܦܨܝ ܠܐܝܣܪܝܠ ܡܢ ܐܝܕܐ ܕܒܙܘ̈ܙܘܗܝ܀
94:41 ܘܗܠܝܢ ܗܘܘ ܒܢ̈ܘܗܝ ܕܫܐܘܠ܂ ܝܘܢܬܢ ܘܝܫܘܝ ܘܡܠܟܝܫܘܥ ܘܐܫܒܫܘܠ܂ ܘܫܡ̈ܗܐ ܕܬܪ̈ܬܝܢ ܒܢ̈ܬܗ܂ ܫܡܗܿ ܕܩܫܝܫܬܐ ܢܕܒ܂ ܘܫܡܗܿ ܕܙܥܘܪܬܐ ܡܠܟܠ܂
05:41 \ܘܫܡܗܿ ܕܐܢܬܬܗ /ܘܫܡ ܐܢܬܬܗ#3#/ ܕܫܐܘܠ ܐܚܝܢܥܡ ܒܪܬ ܐܚܝܡܥܨ܂ ܘܫܡ ܪܒ ܚܝܠܗ ܐܒܢܝܪ ܒܪ ܢܝܪ ܕܕܗ ܕܫܐܘܠ܂
15:41 ܘܩܝܫ ܐܒܘܗܝ ܕܫܐܘܠ ܘܢܝܪ܂ ܒܪ ܐܒܝܠ ܐܒܘܗܝ ܕܐܒܢܝܪ܂
25:41 ܘܗܘܐ ܩܪܒܐ ܥܫܝܢܐ ܥܡ ܦܠܫ̈ܬܝܐ ܟܠܗܘܢ ܝܘܡ̈ܬܗ ܕܫܐܘܠ܂ ܘܚܙܐ ܗܘܐ ܫܐܘܠ ܟܠ ܓܒܪܐ ܕܓܢܒܪ܂ ܘܟܠ ܓܒܪܐ ܕܐܝܬ ܒܗ ܚܝܠܐ܂ ܘܟܢܫ ܗܘܐ ܠܗ ܠܘܬܗ܀

next chapter