U The Comprehensive Aramaic Lexicon

CAL CODE HELP CLICK HERE
click on the file description for more information

62007: P Ju

click on a word for lexical analysis
Click on a red-colored coordinate for comments and/or translations of the line

previous chapter


10:81 ܒܝ̈ܘܡܬܐ ܗܢܘܢ ܠܝܬ ܗܘܐ ܡܠܟܐ ܒܝܬ ܐܝܣܪܝܠ܂ ܘܒܝ̈ܘܡܬܐ ܗܢܘܢ ܫܒܛܐ ܕܕܢ ܒܥܐ ܗܘܐ ܠܗ ܦܠܓܘܬܐ ܠܡܬܒ܂ ܡܛܘܠ ܕܠܐ ܐܬܦܠܓܬ ܗܘܬ ܥܕܡܐ ܠܝܘܡܐ ܗܘ ܝܪܬܘܬܐ ܒܝܢܬ ܫܒ̈ܛܐ ܕܐܝܣܪܝܠ܀܀
20:81 ܘܫܕܪܘ ܒܢ̈ܝ ܕܢ ܡܢ ܫܪ̈ܒܬܗܘܢ܂ ܚܡܫܐ ܓܒܪ̈ܝܢ ܡܢ ܨܕܥܐ ܘܡܢ ܐܫܬܘܐܝܠ܂ ܠܡܓܫ ܐܪܥܐ ܘܠܡܒܕܩܗܿ܂ ܘܐܡܪ̈ܝܢ ܠܗܘܢ܂ ܙܠܘ ܒܘܕܩܘܗ ܠܐܪܥܐ܂ ܘܐܬܘ ܠܛܘܪܐ ܕܐܦܪܝܡ ܥܕܡܐ ܠܒܝܬ ܡܝܟܐ܂ ܘܒܬܘ ܬܡܢ܂
30:81 ܗܢܘܢ ܒܝܬ ܡܝܟܐ܂ ܘܐܫܬܘܕܥܘ ܠܩܠܗ ܕܥܠܝܡܐ ܠܘܝ܂ ܘܣܛܘ ܠܘܬܗ ܠܬܡܢ܂ ܘܐܡܪܘ ܠܗ܂ ܡܢܐ ܐܬܝܬ ܠܗܪܟܐ/ܠܟܐ#3#/܂ ܘܡܢܐ ܥܒܕ ܐܢܬ ܗܪܟܐ܂
40:81 ܐܡܪ ܠܗܘܢ܂ ܗܟܢܐ ܘܗܟܢܐ ܥܒܕ ܠܝ ܡܝܟܐ܂ ܘܐܓܪܢܝ ܘܗܘܝܬ ܠܗ ܟܘܡܪܐ܂
50:81 ܐܡܪܝܢ ܠܗ܂ ܫܐܠ ܠܢ ܒܐܠܗܐ܂ ܘܢܕܥ ܐܢ ܡܟܫܪܐ ܐܘܪܚܐ ܕܐܙܠܝܢܢ ܥܠܝܗ܂
60:81 ܐܡܪ ܠܗܘܢ ܟܘܡܪܐ܂ ܙܠܘ ܒܫܠܡܐ܂ ܘܡܪܝܐ ܢܬܩܢ ܐܘܪܚܟܘܢ ܕܬܐܙܠܘܢ ܥܠܝܗ܀܀
70:81 ܘܐܙܠܘ ܚܡܫܐ ܓܒܪ̈ܝܢ ܠܠܝܫ܂ ܘܚܙܘ ܠܥܡܐ ܕܝܬܒ ܒܓܘܗܿ܂ ܕܝܬܒܝܢ ܒܫܠܝܐ ܐܝܟ ܢܡܘܣܐ ܕܨܝ̈ܕܢܝܐ܂ ܫܠܝܢ ܘܒܗܝܠܝܢ ܘܠܝܬ ܕܡܗܪ ܒܐܪܥܐ܂ ܐܦ ܠܐ ܕܐܠܨ ܘܡܥܝܩ܂ ܘܪܚܝܩܝܢ ܐܢܘܢ ܡܢ ܨܝܕ̈ܢܝܐ܂ ܘܡܠܬܐ ܠܝܬ ܠܗܘܢ ܥܡ ܒܪܢܫ܂
80:81 ܘܐܬܘ ܠܘܬ ܐܚܝ̈ܗܘܢ ܠܨܕܥܐ ܘܠܐܫܬܘܐܝܠ܂ ܘܐܡܪ̈ܝܢ ܠܗܘܢ ܐ̈ܚܝܗܘܢ܂ ܐܝܡܟܐ ܐܬܝܬܘܢ܂
90:81 ܘܐܡܪܝܢ ‍<‍ܠܗܘܢ#2#‍>‍ ܡܢ ܠܝܫ܂ ܩܘܡܘ ܗܫܐ ܢܣܩ ܥܠܝܗܘܢ܂ ܡܛܘܠ ܕܚܙܝܢܗܿ ܠܐܪܥܐ ܘܛܒܐ ܗܝ ܛܒ܂ ܘܐܢܬܘܢ ܠܐ ܬܫܬܩܘܢ ܐܦܠܐ ܬܬܚܒܢܘܢ ܠܡܐܙܠ ܘܠܡܥܠ ܘܠܡܐܪܬ ܐܪܥܐ܂
01:81 ܒܡ̈ܥܠܢܝܗܘܢ ܥܐܠܝܢ ܐܢܬܘܢ ܥܠ ܥܡܐ ܟܗܝܢܐ܂ ܘܐܪܥܐ ܐܪܘܚܬܐ/ܐܪܘܝܚܬܐ#3#/ ‍<‍ܗܝ#3#‍>‍ ܕܐ̈ܝܕܝܐ ܩܕܡܝܟܘܢ܂ ܡܛܘܠ ܕܐܫܠܡܗܿ ܐܠܗܐ ܒܐ̈ܝܕܝܟܘܢ܂ ܕܠܐ/ܘܠܐ#2܂3#/ ܬܚܣܪܘܢ ܡܕܡ ܒܐܪܥܐ ‍<‍ܗܝ#2#‍>‍܂
11:81 ܘܫܩܠܘ ܡܢ ܬܡܢ ܫܪܒܬܐ ܕܕܢ ܡܢ ܨܕܥܐ ܘܡܢ ܐܫܬܘܐܝܠ ܫܬܡܐܐ ܓܒܪ̈ܝܢ ܕܡܙܝܢ̈ܝܢ ܒܡܐ̈ܢܝ ܩܪܒܐ܂
21:81 ܘܣܠܩܘ ܘܫܪܘ ܒܩܘܪܝܬ ܢܥܪܝܢ ܕܝܗܘܕܐ܂ ܡܛܘܠ ܗܢܐ ܩܪܐܘܗܝ ܠܐܬܪܐ ܗܘ ܡܫܪܝܬܐ ܕܕܢ ܥܕܡܐ ܠܝܘܡܢܐ܂ ܗܐ ܒܣܬܪ ܩܘܪܝܬ ܢܥܪܝܢ܂
31:81 ܘܥܒܪܘ ܡܢ ܬܡܢ ܠܛܘܪܐ ܕܐܦܪܝܡ܂ ܘܐܙܠܘ ܥܕܡܐ ܠܒܝܬ ܡܝܟܐ܂
41:81 ܘܥܢܘ ܚܡܫܐ ܓܒܪ̈ܝܢ ܕܐܙܠܘ ܠܡܓܫ ܐܪܥܐ ܕܠܝܫ ܘܐܡܪܘ ܠܐܚܝ̈ܗܘܢ܂ ܝܕܥܝܢ ܐܢܬܘܢ ܕܐܝܬ ܒܪ̈ܡܬܐ ܗܠܝܢ ܦܕܬܐ ܘܦܪܝܣܐ܂ ܘܨܠܡܐ ܓܠܝܦܐ ܘܢܣܝܟܐ܂ ܘܗܫܐ ܕܥܘ ܡܢܐ ܥܒܕܝܢ ܐܢܬܘܢ܂
51:81 ܘܣܛܘ ܘܥܠܘ ܠܒܝܬ ܥܠܝܡܐ ܠܘܝ܂ ܠܒܝܬ ܡܝܟܐ ܘܫܐܠܘ ܒܫܠܡܗ܂
61:81 ܘܫܬܡܐܐ ܓܒܪ̈ܝܢ ܕܡܙܝܢ̈ܝܢ ܒܡܐ̈ܢܝ ܩܪܒܐ܂ ܩܝܡܝܢ ܒܡܥܠܢܐ ܕܬܪܥܐ ܡܢ ܒܢ̈ܝ ܕܢ܀܂
71:81 ܘܣܠܩܘ ܚܡܫܐ ܓܒܪ̈ܝܢ ܕܐܙܠܘ ܠܡܓܫ ܐܪܥܐ܂ ܘܥܠܘ ܠܬܡܢ ܘܢܣܒܘ ܨܠܡܐ ܘܦܕܬܐ ܘܦܪܝܣܐ ܘܚܫܠܬܐ ܘܟܘܡܪܐ܂ ܟܕ ܩܐܡ ܒܡܥܠܢܐ ܕܬܪܥܐ܂ ܘܫܬܡܐܐ ܓܒܪ̈ܝܢ ܗܢܘܢ ܕܡܙܝܢܝܢ ܒܡܐ̈ܢܝ ܩܪܒܐ܂
81:81 ܥܠܘ ܠܒܝܬ ܡܝܟܐ܂ ܘܢܣܒܘ ܨܠܡܐ ܘܦܕܬܐ ܘܦܪܝܣܐ ܘܚܫܠܬܐ܂ ܐܡܪ ܠܗܘܢ ܟܘܡܪܐ ܡܢܐ ܥܒܕܝܢ ܐܢܬܘܢ܂
91:81 ܐܡܪܝܢ ܠܗ ܫܬܘܩ܂ ܣܝܡ ܐܝܕܟ ܥܠ ܦܘܡܟ ܘܬܐ ܥܡܢ܂ ܘܗܘܝ ܠܢ ܐܒܐ ܘܟܘܡܪܐ܂ ܐܝܢܐ ܛܒ ܠܟ ܕܬܗܘܐ ܟܘܡܪܐ \ܠܒܝܬ ܓܒܪܐ /ܠܓܒܪܐ#3#/ ܚܕ܂ ܐܘ ܕܬܗܘܐ ܟܘܡܪܐ ܠܛܘܗܡܐ ܘܠܫܪܒܬܐ ܕܐܝܣܪܝܠ/ܕܒܝܬ ܐܝܣܪܝܠ#3#/܂
02:81 ܘܫܦܪ ܠܒܗ ܕܟܘܡܪܐ܂ ܘܢܣܒ ܨܠܡܐ ܘܦܕܬܐ ܘܦܪܝܣܐ܂ ܘܐܙܠ ܥܡ ܥܡܐ܂
12:81 ܘܐܬܦܢܝܘ ܘܥܒܪܘ ܘܐܙܠܘ܂ ܘܢܩ̈ܘܬܐ ܘܩܢܝܢܐ ܘܒܥܝܪܐ ܩܕܡܝܗܘܢ܂
22:81 ܗܢܘܢ ܐܪܚܩܘ ܡܢ ܒܝܬ ܡܝܟܐ܂ ܘܓܒܪܐ ܕܐܝܬ ܒܒܝܬܐ ܥܠ ܓܢܒ ܒܝܬ ܡܝܟܐ܂ ܩܥܐ ܘܪܕܦ ܒܬܪ ܒ̈ܢܝ ܕܢ܂
32:81 ܘܩܪܐ ܠܒܢ̈ܝ ܕܢ ܘܐܬܦܢܝܘ ܘܐܡܪܘ ܠܡܝܟܐ܂ ܡܐ ܠܟ ܕܩܥܐ ܐܢܬ܂
42:81 ܐܡܪ ܠܗܘܢ܂ ܐܠܗܐ ܕܥܒܕܬ ܢܣܒܬܘܢ܂ ܘܐܦ ܠܟܘܡܪܐ ܕܒܪܬܘܢ ܘܐܙܠܬܘܢ܂ ܘܡܢܐ ܐܝܬ ܠܝ ܬܘܒ ܕܐܡܪܝܢ ܐܢܬܘܢ ܠܝ ܡܐ ܠܟ܂
52:81 ܘܐܡܪܘ ܠܗ ܒܢ̈ܝ ܕܢ܂ ܠܐ ܬܫܡܥ ܩܠܟ ܠܘܬܢ܂ ܕܠܡܐ ܢܦܓܥܘܢ ܒܟ ܐܢܫܐ ܡܪ̈ܝܪܝ ܢܦܫܐ܂ ܘܬܘܒܕ ܢܦܫܟ ܘܢܦܫܐ ܕܒܢܝ̈ܟ ‍<‍ܥܡܟ#3#‍>‍܂
62:81 ܘܐܙܠܘ ܒܢ̈ܝ ܕܢ ܠܐܘܪܚܗܘܢ܂ ܘܟܕ ܚܙܐ ܡܝܟܐ ܕܥܫܝܢܝܢ ܐܢܘܢ ܡܢܗ܂ ܐܬܦܢܝ ܘܐܬܐ ܠܒܝܬܗ܂
72:81 ܘܗܢܘܢ ܢܣܒܘ ܠܡܕܡ/ܡܕܡ#3#/ ܕܥܒܕ ܡܝܟܐ ܘܕܒܪܘ ܠܟܘܡܪܐ ܕܐܝܬ ܗܘܐ ܠܗ ܘܥܠܘ ܠܠܝܫ܂ ܥܠ/ܠܘܬ#3#/ ܥܡܐ ܟܗܝܢܐ ܘܫܠܝܐ܂ ܘܡܚܘ ܐܢܘܢ ܒܦܘܡܐ ܕܚܪܒܐ܂ ܘܠܩܪܝܬܐ ܐܘܩܕܘ ܒܢܘܪܐ܂
82:81 ܘܠܝܬ ܡܿܢ ܕܡܦܨܐ܂ ܡܛܠ ܕܪܚܝܩܐ ܗܘܬ ܡܢ ܨܝܕܢ܂ ܘܡܠܬܐ ܠܝܬ ܗܘܐ ܠܗܘܢ ܥܡ ܒܪ ܐܢܫ܂ ܘܗܝ ܒܥܘܡܩܐ ܗܘܬ ܕܒܝܬ ܪܚܘܒ܂ ܘܒܢܐܘܗ ܠܩܪܝܬܐ ܘܐܝܬܒܘ ܒܗܿ܂
92:81 ܘܩܪܘ ܫܡܗܿ ܕܩܪܝܬܐ ܕܢ܂ ܥܠ ܫܡ \ܕܢ ܐܒܘܗܘܢ /ܕܐܒܘܗܘܢ#3#/ ܕܐܬܝܠܕ ܠܐܝܣܪܝܠ܂ \ܒܪܡ ܠܘܙ /ܘܠܘܙ#3#/ ܫܡܗܿ ܗܘܐ ܠܩܪܝܬܐ ܡܢ ܩܕܝܡ܂
03:81 ܘܐܩܝܡܘ ܠܗܘܢ ܒܢ̈ܝ ܕܢ ܨܠܡܐ܂ ܘܝܘܢܬܢ/ܘܝܘܬܡ#2#/ ܒܪ ܓܪܫܘܢ ܒܪ ܡܢܫܐ ܗܘ ܘܒܢ̈ܘܗܝ܂ ܗܘܘ ܟܘܡܪ̈ܐ ܠܫܒܛܐ ܕܕܢ ܥܕܡܐ ܠܝܘܡܐ ܕܐܫܬܒܝܬ ܐܪܥܐ܂
13:81 ܘܣܡܘܗܝ ܠܗܘܢ ܨܠܡܐ/ܠܨܠܡܐ#3#/ ܕܡܝܟܐ ܕܥܒܕܘ ܟܠܗܘܢ ܝܘܡ̈ܬܐ ܕܗܘܐ ܒܝܬܗ/ܒܒܝܬܗ#3#/ ܕܐܠܗܐ/ܕܡܪܝܐ#3#/ ܒܫܝܠܘ܀܀܂

next chapter