U The Comprehensive Aramaic Lexicon

CAL CODE HELP CLICK HERE
click on the file description for more information

62004: P Nm

click on a word for lexical analysis
Click on a red-colored coordinate for comments and/or translations of the line

previous chapter


10:12 ܘܫܡܥ ܟܢܥܢܝܐ ܡܠܟܐ ܕܓܕܪ ܕܥܿܡܪ ܒܬܝܡܢܐ܂ ܕܐܬܐ/ܘܐܬܐ#3#/ ܐܝܣܪܝܠ ܒܐܘܪܚܐ ܕܓܫ̈ܘܫܐ \ܘܐܬܟܬܫ ܥܡ /ܘܐܬܟܢܫ ܥܠ#3#/ ܐܝܣܪܝܠ܂ ܘܫܒܐ ܡܢܗܘܢ ܫܒܝܬܐ܂
20:12 ܘܢܕܪ ܐܝܣܪܐܝܠ ܢܕܪܐ ܠܡܪܝܐ ܘܐܡܪ܂ ܐܢ ܡܫܠܡܘ ܬܫܠܡ ܥܡܐ ܗܢܐ ܒܐ̈ܝܕܝ܂ ܐܚܪܡ ܐ̈ܢܝܢ ܩܘܪ̈ܝܗܘܢ܂
30:12 ܘܫܡܥ ܡܪܝܐ ܒܩܠܗ ܕܐܝܣܪܝܠ܂ ܘܐܫܠܡ ܐܢܘܢ ܠܟܢ̈ܥܢܝܐ ܒܐܝ̈ܕܝܗܘܢ܂ ܘܚܪܒܘ ܐܢܘܢ ܘܐܚܪܡܘ ܐܢܘܢ ܘܠܩܘܪ̈ܝܗܘܢ܂ ܘܩܪܘ ܫܡܗ ܕܐܬܪܐ ܗܿܘ ܚܪܡܐ܂
40:12 ܘܫܩܠܘ ܡܢ ܗܘܪ ܛܘܪܐ ܒܐܘܪܚܐ ܕܝܡܐ ܕܣܘܦ܂ ܠܡܬܟܪܟܘܬܗܿ ܠܐܪܥܐ ܕܐܕܘܡ܂ ܘܐܬܥܝܩܬ ܢܦܫܗ ܕܥܡܐ ܒܐܘܪܚܐ܂
50:12 ܘܪܛܢܘ ܥܡܐ ܥܠ ܐܠܗܐ ܘܥܠ ܡܘܫܐ ܘܐܡܪܘ܂ ܠܡܢܐ ܐܣܩܬܢ ܡܢ ܡܨܪܝܢ ܕܢܡܘܬ ܒܡܕܒܪܐ܂ ܡܛܠ ܕܠܝܬ ܠܚܡܐ ܘܠܐ/ܘܠܝܬ#3#/ ܡ̈ܝܐ ܘܢܦܫܢ ܥܩܬ ܒܠܚܡܐ ܙܥܘܪܐ܂
60:12 ܘܫܕܪ ܡܪܝܐ ܥܠ ܥܡܐ ܚܘܘ̈ܬܐ ܚܪ̈ܡܢܐ ܘܢܟܬܘܗܝ ܠܥܡܐ܂ ܘܡܝܬܘ ܥܡܐ ܣܓܝܐܐ ܡܢ ܐܝܣܪܝܠ܂
70:12 ܘܐܬܘ ܥܡܐ ܠܘܬ ܡܘܫܐ ‍<‍ܩܕܡ ܡܪܝܐ#3#‍>‍ ܘܐܡܪܘ ܠܗ܂ ܚܛܝܢ ܥܠ ܕܪܛܢܢ ܥܠ ܡܪܝܐ ܘܐܦ ܥܠܝܟ܂ ܨܠܐ ܩܕܡ ܡܪܝܐ ܘܢܦܪܩ ܡܢܢ ܚ̈ܘܘܬܐ܂ ܘܨܠܝ ܡܘܫܐ ܥܠ ܥܡܐ܂
80:12 ܘܐܡܪ ܡܪܝܐ ܠܡܘܫܐ܂ ܥܒܕ ܠܟ ܚܘܝܐ ܚܪܡܢܐ ܕܢܚܫܐ ܘܣܝܡܝܗܝ ܠܐܬܐ܂ ܘܟܠ ܡܿܢ ܕܢܿܟܬ ܠܗ ܚܘܝܐ܂ ܢܚܙܝܘܗܝ ܘܢܚܐ܂
90:12 ܘܥܒܕ ܡܘܫܐ ܚܘܝܐ ܕܢܚܫܐ ܘܣܡܗ ܠܐܬܐ܂ ܘܡܐ ܕܢܿܟܬ ‍<‍ܗܘܐ#3#‍>‍ ܚܘܝܐ ܠܓܒܪܐ܂ ܚܿܐܪ ܒܚܘܝܐ ܕܢܚܫܐ ܘܚܿܝܐ܂
01:12 ܘܫܩܠܘ ܒ̈ܢܝ ܐܝܣܪܝܠ ܘܫܪܘ ܒܐܒܘܬ܂
11:12 ܘܫܩܠܘ ܡܢ ܐܒܘܬ܂ ܘܫܪܘ ܒܥܝܢܐ ܕܥܒܪ̈ܝܐ܂ ܒܡܕܒܪܐ ܕܩܕܡ ܡܘܐܒ܂ ܡܢ ܡܕܢܚܐ ܡܢ ܡܕܢܚ̈ܝ ܫܡܫܐ܂
21:12 ܘܡܢ ܬܡܢ ܫܩܠܘ ܘܫܪܘ ܒܢܚܠܐ ܕܙܪܕ܂
31:12 ܘܡܢ ܬܡܢ ܫܩܠܘ ܘܫܪܘ ܒܥܒܪܐ ܕܐܪܢܘܢ܂ ܒܡܕܒܪܐ ܕܢܦܩ ܡܢ ܬܚܘܡܐ ܕܐܡܘܪ̈ܝܐ܂ ܡܛܠ ܕܐܪܢܘܢ ܬܚܘܡܐ ܗܘ ܕܡ̈ܘܐܒܝܐ܂ ܒܝܬ ܡܘܐ̈ܒܝܐ ܠܒܝܬ ܐܡܘܪ̈ܝܐ܂
41:12 ܡܛܠ ܗܢܐ ܡܬܐܡܪ ܒܣܦܪ ܩܪ̈ܒܘܗܝ ܕܡܪܝܐ܂ ܫܠܗܒܝܬܐ ܒܥܠܥܠܐ ܘܒܢܚܠܐ ܕܐܪܢܘܢ܂
51:12 ܘܐܬܩܢ ܢܚ̈ܠܐ ܕܨܠܝܢ ܗܘܘ ܠܝܬܒܐ ܕܥܕ/ܕܥܒܕ#3#/܂ ܘܣܿܡܟܝܢ/ܘܡܣܡܟܝܢ#3#/ ܗܘܘ ܥܠ ܬܚܘܡܐ ܕܡܘܐ̈ܒܝܐ܂
61:12 ܘܬܡܢ ܒܪܐ܂ ܗܿܝ ܒܪܐ ܕܐܡܪ ܡܪܝܐ/ܐܠܗܐ#3#/ ܠܡܘܫܐ܂ ܟܢܫ ܠܝ ܥܡܐ/ܠܥܡܐ#3#/ ܘܐܬܠ ܠܗܘܢ ܡ̈ܝܐ/ܐܓ̈ܡܐ#3#/܂
71:12 ܗܿܝܕܝܢ ܫܒܚ ܐܝܣܪܝܠ ܬܫܒܘܚܬܐ ܗܕܐ ܣܩܝ ܒܪܐ ܥܢܘ ܠܗܿ܂
81:12 ܒܪܐ ܕܚܦܪܘܗܿ ܪ̈ܘܪܒܢܐ܂ ܘܚܛܘܗܿ ܫ̈ܠܝܛܢܐ ܕܥܡܐ܂ ܘܒܕܩܘܗܿ ܒܚܘܛܪ̈ܝܗܘܢ܂ ܘܡܢ ܡܕܒܪܐ ܐܬܝܗܒܬ ܠܡ̈ܬܢܐ܂
91:12 ܘܡܢ ܡܬ̈ܢܐ ܠܢܚܠܐܝܠ܂ ܘܡܢ ܢܚܠܐܝܠ ܠܒܡܘܬ܂
02:12 ܘܡܢ ܒܡܘܬ ܕܢܚܠܐ ܕܒܚܩܠܐ ܕܡܘܐܒ܂ ܠܪܝܫ ܪܡܬܐ ܕܡܬܚܙܝܐ ܠܘܩܒܠ ܐܫܝܡܘܢ܂
12:12 ܘܫܕܪ ܐܝܣܪܝܠ ܐܝ̈ܙܓܕܐ ܠܘܬ ܣܝܚܘܢ ܡܠܟܐ ܕܐܡܘܪ̈ܝܐ ܘܐܡܪ ܠܗ܂
22:12 ܐܥܒܪ ܒܐܪܥܟ܂ ܘܠܐ ܢܣܛܐ ܒܚܩܠܐ ܘܒܟܪܡܐ܂ ܘܠܐ ܢܫܬܐ ܡܢ ܡ̈ܝܐ ܕܓܘ̈ܒܐ܂ ܐܠܐ ܒܐܘܪܚ ܡܠܟܐ ܢܐܙܠ܂ ܥܕܡܐ ܕܢܥܒܪ ܬܚܘܡܟ܂
32:12 ܘܠܐ ܫܒܩ ܣܝܚܘܢ ܠܐܝܣܪܝܠ ܕܢܥܒܪ ܒܬܚܘܡܗ܂ ܘܟܢܫ ܣܝܚܘܢ ܠܟܘܠܗ ܚܝܠܗ/ܥܡܗ#3#/܂ ܘܢܦܩ ܠܐܘܪܥܐ ܕܐܝܣܪܝܠ ܠܡܕܒܪܐ ܘܐܬܐ ܠܝܗܨ܂ ܘܐܬܟܬܫ ܥܡ ܐܝܣܪܝܠ܂
42:12 ܘܡܚܝܗܝ ܐܝܣܪܝܠ ܒܦܘܡܐ ܕܣܝܦܐ/ܕܚܪܒܐ#3#/܂ ܘܝܪܬܘ ܐܪܥܗ ܡܢ ܐܪܢܘܢ ܘܥܕܡܐ ܠܝܒܩ܂ ܘܥܕܡܐ ܠܒ̈ܢܝ ܥܡܘܢ܂ ܡܛܘܠ ܕܥܫܝܢ ܗܘܐ ܬܚܘܡܐ ܕܒ̈ܢܝ ܥܡܘܢ܂
52:12 ܘܢܣܒ ܐܝܣܪܝܠ ܗܠܝܢ ܟܠܗܝܢ ܩܘܪ̈ܝܐ ܘܝܬܒ ܐܝܣܪܐܝܠ ܒܟܠܗܝܢ ܩܘܪ̈ܝܐ ܕܐܡܘܪ̈ܝܐ܂ ܒܚܫܒܘܢ ܘܒܟܠܗܘܢ ܟܦܪ̈ܘܢܝܗܿ܂
62:12 ܡܛܠ ܕܚܫܒܘܢ ܩܪܝܬܗ ܗܝ ܕܣܝܚܘܢ ܡܠܟܐ ܕܐܡܘܪ̈ܝܐ܂ ܘܗܘ ܐܬܟܬܫ ܥܡ ܡܠܟܐ ܕܡܘܐܒ ܩܕܡܝܐ/ܩܕܡܐ#3#/ ܘܢܣܒ ܟܠܗܿ ܐܪܥܗ܂ ܡܢ ܬܚܘܡܗ ܘܥܕܡܐ ܠܐܪܢܘܢ܂
72:12 ܡܛܠ ܗܢܐ ܐܿܡܪܝܢ ܒܡܬܠܐ܂ ܥܘܠܘ ܠܚܫܒܘܢ܂ ܬܬܒܢܐ ܘܬܬܩܢ/ܘܬܬܒ#3#/ ܩܪܝܬܗ ܕܣܝܚܘܢ܂
82:12 ܡܛܠ ܕܢܘܪܐ ܢܦܩܬ ܡܢ ܚܫܒܘܢ܂ ܘܫܠܗܒܝܬܐ ܡܢ ܟܪܟܐ ܕܣܝܚܘܢ܂ ܘܐܟܠܬ ܠܥܕ ܕܡܘܐܒ܂ ܘܠܦܠܚܿܝ ܥܿܠܘܬܐ ܕܐܪܢܘܢ܂
92:12 ܘܝ ܠܟ ܐܪܢܘܢ܂ ܘܝ ܠܟ ܡܘܐܒ܂ ܐܒܕܬ ܥܡܐ ܕܟܡܘܫ܂ ܝܿܗܒ ܒܢ̈ܘܗܝ ܒܗܡܝܪ̈ܐ܂ ܘܒ̈ܢܬܗ ܒܫܒܝܐ܂ ܠܣܝܚܘܢ ܡܠܟܐ ܕܐܡܘܪ̈ܝܐ܂
03:12 ܘܚܩ̈ܠܬܐ/ܘܫܘܠܛܢܐ#3#/ ܕܚܫܒܘܢ ܐܒܕ ܥܕܡܐ ܠܪܝܒܘܢ܂ ܘܨ̈ܕܝ ܥܕܡܐ ܠܢܟܚ ܕܒܡܕܒܪܐ܂
13:12 ܘܝܬܒ ܐܝܣܪܝܠ ܒܐܪܥܐ ܕܐܡܘܪ̈ܝܐ܂
23:12 ܘܫܕܪ ܡܘܫܐ ܠܡܓܫ ܠܝܥܙܝܪ܂ ܘܟܒܫ ܟܦܪ̈ܘܢܝܗܿ܂ ܘܐܘܒܕ ܠܐܡܘܪ̈ܝܐ ܕܬܡܢ܂
33:12 ܘܗܦܟܘ ܣܠܩܘ ܠܐܪܥܐ ܕܡܬܢܝܢ܂ ܘܢܦܩ ܥܘܓ ܡܠܟܐ ܕܡܬܢܝܢ ܠܐܘܪܥܗܘܢ܂ ܗܘ ܘܟܠܗ ܥܡܗ ܠܩܪܒܐ ܒܐܪܕܥܝ܂
43:12 ܘܐܡܪ ܡܪܝܐ ܠܡܘܫܐ܂ ܠܐ ܬܕܚܠ ܡܢܗ܂ ܡܛܠ ܕܒ̈ܐܝܕܝܟ ܡܫܠܡ ܐܢܐ ܠܗ ܘܠܟܘܠܗ ܥܡܗ܂ ܘܠܟܠܗܿ ܐܪܥܗ܂ ܘܥܒܕ ܠܗ ܐܝܟ ܕܥܒܕܬ ܠܣܝܚܘܢ ܡܠܟܐ ܕܐܡܘܪ̈ܝܐ ܕܝܿܬܒ ܗܘܐ ܒܚܫܒܘܢ܂
53:12 ܘܚܪܒܘܗܝ ܠܗ ܘܠܒ̈ܢܘܗܝ ܘܠܟܠܗ ܥܡܗ܂ ܘܠܐ ܫܒܩܘ ܠܗ ܣܪܝܕܐ܂ ܘܝܪܬܘ ܐܪܥܗ܂

next chapter