U The Comprehensive Aramaic Lexicon

CAL CODE HELP CLICK HERE
click on the file description for more information

62001: P Gn

click on a word for lexical analysis
Click on a red-colored coordinate for comments and/or translations of the line

previous chapter


10:83 ܘܗܘܼܐ ܒܙܒܢܐ ܗܿܘ܂ ܘܢܚܼܬ ܝܗܘܕܐ ܡܢ ܠܘܬ ܐܚ̈ܘܗܝ܂ ܘܣܼܛܐ ܠܘܬ ܓܒܪܐ ܥܪܠܡܝܐ ܘܫܡܗ ܚܝܪܐ܂
20:83 ܘܚܼܙܐ ܬܡܢ/#3#/ ܝܗܘܕܐ ܒܪܬ ܓܒܪܐ ܟܢܥܢܝܐ܂ ܘܫܡܗܿ ܫܘܥ܂ ܘܢܣܒܗܿ ܘܥܠ ܠܘܬܗܿ܂
30:83 ܘܒܛܼܢܬ ܘܝܠܼܕܬ ܠܗ/#3#/ ܒܪܐ܂ ܘܩܪܐ ܫܡܗ ܥܝܪ܂
40:83 ܘܒܼܛܢܬ ܬܘܒ ܘܝܠܕܬ ܒܪܐ܂ ܘܩܼܪܐ ܫܡܗ ܐܘܢܢ܂
50:83 ܘܐܘܣܼܦܬ ܬܘܒ ܘܝܠܼܕܬ ܒܪܐ܂ ܘܩܼܪܐ ܫܡܗ ܫܠܐ܂ ܘܦܣܼܩܬ ܗܘܬ ܟܕ ܝܠܕܬܗ܂
60:83 ܘܢܣܼܒ ܝܗܘܕܐ ܐܢܬܬܐ ܠܥܝܪ ܒܘܟܪܗ܂ ܘܫܡܗܿ ܬܡܪ܂
70:83 ܘܗܘܼܐ ܥܝܪ ܒܘܟܪܗ ܕܝܗܘܕܐ ܒܝܫ ܩܕܡ ܡܪܝܐ܂ ܘܐܡܝܬܗ ܡܪܝܐ܂
80:83 ܘܐܡܼܪ ܝܗܘܕܐ ܠܐܘܢܢ ܒܪܗ/#3#/܂ ܥܘܠ ܥܠ ܐܢܬܬ ܐܚܘܟ ܘܝܒܡܝܗܿ܂ ܘܐܩܝܡ ܙܪܥܐ ܠܐܚܘܟ܂
90:83 ܘܝܕܥܼ ܐܘܢܢ ܕܠܗ ܠܐ ܗܿܘܐ ܙܪܥܐ܂ ܘܡܐ ܕܥܐܿܠ ܗܘܐ ܥܠ ܐܢܬܬ ܐܚܘܗܝ܂ ܡܿܚܒܠ ܗܘܐ ܥܠ ܐܪܥܐ ܕܠܐ ܢܩܝܡ ܙܪܥܐ ܠܐܚܘܗܝ܂
01:83 ܘܐܬܒܐܫ ܩܕܡ ܡܪܝܐ ܡܕܡ ܕܥܒܼܕ ܘܐܡܝܬܗ ܐܦ ܠܗ܀
11:83 ܘܐܡܼܪ ܝܗܘܕܐ ܠܬܡܪ ܟܠܬܗ܂ ܬܒܝ ܒܐܪܡܠܘܬܐ ܒܝܬ ܐܒܘܟܝ܂ ܥܕܡܐ ܕܢܪܒܐ ܫܠܐ ܒܪܝ܂ ܡܛܠ ܕܐܡܼܪ܂ ܕܠܡܐ ܢܡܘܬ ܐܦ ܗܼܘ ܐܝܟ ܐܚ̈ܘܗܝ܂ ܘܐܙܠܼܬ ܬܡܪ ܘܝܬܼܒܬ ܒܝܬ ܐܒܘܗܿ܂
21:83 ܘܣܓܝܘ ܝܘܡ̈ܬܐ܂ ܘܡܝܬܬ ܒܪܬ ܫܘܥ ܐܢܬܬܗ ܕܝܗܘܕܐ܂ ܘܐܬܒܝܐ ܝܗܘܕܐ܂ ܘܣܠܼܩ ܠܘܬ ܓܙܝ̈ ܥܢܗ܂ ܗܼܘ ܘܚܝܪܐ ܪܚܡܗ ܥܪܠܡܝܐ ܠܬܡܢܬ܂
31:83 ܘܚܘܝܘ/ܘܐܬܚܘܝ#3#/ ܠܬܡܪ ܘܐܡܪܘ ܠܗܿ܂ ܗܐ ܚܡܘܟܝ ܣܿܠܩ ܠܬܡܢܬ ܠܡܓܙ ܥܢܗ܂
41:83 ܘܐܥܒܼܪܬ ܠܒܘ̈ܫܝ ܐܪܡܠܘܬܗܿ ܡܢܗܿ܂ ܘܐܬܟܣܝܬ ܒܐܪܕܝܕܐ ܘܐܨܛܒܬܬ ܘܝܬܼܒܬ ܒܦܠܫܬ ܐܘܪ̈ܚܬܐ܂ ܕܒܐܘܪܚܐ ܕܬܡܢܬ܂ ܡܛܠ ܕܚܙܬ ܕܪܒܐ ܫܠܐ܂ ܘܗܼܝ ܠܐ ܡܬܝܗܒܐ ܠܗ ‍<‍ܐܢܬܬܐ#3#‍>‍܂
51:83 ܘܚܙܗܿ ܝܗܘܕܐ ܘܚܫܒܗܿ ܐܝܟ ܙܢܝܬܐ܂ ܡܛܠ ܕܟܣܼܝܬ ܐ̈ܦܝܗܿ܂
61:83 ܘܣܼܛܐ ܠܘܬܗܿ ܠܐܘܪܚܐ ܘܐܡܼܪ ܠܗܿ/#3#/܂ ܬܝ ܐܥܘܠ ܠܘܬܟܝ܂ ܡܛܠ ܕܠܐ ܝܕܥܿ ܗܘܐ ܕܟܠܬܗ ܗܝ܂ ܘܐܡܼܪܬ ܠܗ/#3#/܂ ܡܢܐ ܝܗܿܒ ܐܢܬ ‍<‍ܠܝ#3#‍>‍ ܕܥܐܿܠ ܐܢܬ ܠܘܬܝ܂
71:83 ܘܐܡܼܪ ܐܢܐ ܐܫܕܪ ܓܕܝܐ ܕܥ̈ܙܐ ܡܢ ܥܢܐ܂ ܘܐܡܼܪܬ ܐܢ ܬܬܠ ܠܝ/#3#/ ܡܫܟܢܐ ܥܕܡܐ ܕܡܫܕܪ ܐܢܬ܂
81:83 ܘܐܡܼܪ ܡܢܐ ܡܫܟܢܐ ܐܬܠ ܠܟܝ܂ ܘܐܡܼܪܬ ܥܙܩܬܟ ܘܫܘܫܦܟ ܘܚܘܛܪܟ ܕܒܐܝܕܟ܂ ܘܝܗܼܒ ܠܗܿ ܘܥܠ ܠܘܬܗܿ܂ ܘܒܼܛܢܬ ܡܢܗ܂
91:83 ܘܩܡܬ ܘܐܙܠܼܬ܂ ܘܐܥܒܼܪܬ ܐܪܕܝܕܐ ܡܢܗܿ܂ ܘܠܒܫܼܬ ܠܒܘܫ̈ܝ ܐܪܡܠܘܬܗܿ܂
02:83 ܘܫܕܪ ܝܗܘܕܐ ܓܕܝܐ ܕܥ̈ܙܐ ܒܝܕ ܪܚܡܗ ܥܪܠܡܝܐ܂ ܠܡܣܒ ܡܫܟܢܐ ܡܢ ܐ̈ܝܕܝܗܿ ܕܐܢܬܬܐ ܘܠܐ ܐܫܟܚܗܿ܂
12:83 ܘܫܐܿܠ ܠܐܢܫ̈ܝ ܐܬܪܐ ܘܐܡܼܪ܂ ܐܝܟܐ ܗܝ ܙܢܝܬܐ ܕܝܬܒܐ ܒܦܠܫܬ ܐܘܪ̈ܚܬܐ ܘܐܡܪܘ܂ ܠܝܬ ܗܪܟܐ ܙܢܝܬܐ܂
22:83 ܘܗܼܦܟ ܠܘܬ ܝܗܘܕܐ ܘܐܡܪ܂ ܠܐ ܐܫܟܚܬܗܿ܂ ܘܐܦ ܐܢܫ̈ܝ ܐܬܪܐ ܐܡܪ̈ܝܢ܂ ܠܝܬ ܗܪܟܐ ܙܢܝܬܐ܂
32:83 ܘܐܡܼܪ ܝܗܘܕܐ܂ ܬܣܒ ܠܗܿ ܕܠܡܐ ܐܗܘܐ ܓܘܚܟܐ܂ ܗܐ ܫܿܕܪܬ ܓܕܝܐ ܗܢܐ \ܘܐܢܬ ܠܐ /ܘܠܐ#3#/ ܐܫܟܚܬܗܿ܀
42:83 ܘܗܘܼܐ ܡܢ/#3#/ ܒܬܪ ܬܠܬܐ ܝܪ̈ܚܝܢ܂ ܘܐܬܚܘܝ ܠܝܗܘܕܐ ܘܐܡܪܘ ܠܗ܂ ܙܢܝܬ ܬܡܪ ܟܠܬܟ܂ ܘܗܐ ܡܢ ܙܢܝܘܬܐ ܒܛܢܐ܂ ܘܐܡܼܪ ܝܗܘܕܐ܂ ܐܦܩܘܗܿ ܘܬܐܩܕ܂
52:83 ܘܟܕ ܗܼܢܘܢ ܡܦܩܝܢ ܠܗܿ܂ ܫܠܚܐ ܠܚܡܘܗܿ ‍<‍ܘܐܡܪܐ#3#‍>‍܂ ܡܢ ܓܒܪܐ ܕܗܠܝܢ ܕܝܠܗ ܡܢܗ ܒܛܢܐ ܐܢܐ ܘܐܡܪܬ܂ ܐܫܬܘܕܥ ܕܡܿܢ ܗܝ ܥܙܩܬܐ ܘܫܘܫܦܐ ܘܚܘܛܪܐ ܗܠܝܢ܂
62:83 ܘܗܼܘ ܐܫܬܘܕܥ ܘܐܡܼܪ ܝܗܘܕܐ܂ ܙܟܝܐ ܗܝ ܡܢܝ܂ ܡܛܠ ܗܢܐ ܠܐ ܝܗܒܬܗܿ ܠܫܠܐ ܒܪܝ܂ ܘܠܐ ܐܘܣܦ ܬܘܒ ܠܡܕܥܗܿ܂
72:83 ܘܗܘܼܐ ܙܒܢ ܡܘܠܕܗܿ܂ ܘܗܐ ܬܐ̈ܡܐ ܒܟܪܣܗܿ܂
82:83 ܘܗܘܼܐ ܕܟܕ ܝܠܕܐ ܝܗܼܒ ܐܝܕܗ܂ ܘܢܣܼܒܬ ܚܝܬܐ ܚܘܛܐ ܕܙܚܘܪܝܬܐ ܘܩܛܪܬ ܥܠ ܐܝܕܗ ܘܐܡܼܪܬ܂ ܗܢܐ ܢܦܘܩ ܩܕܡܝܬ܂
92:83 ܘܟܕ ܐܗܦܟ ܐܝܕܗ ܢܦܼܩ ܐܚܘܗܝ ܘܐܡܼܪܬ܂ ܡܐ ܐܬܬܪܥܼܬ ܥܠܝܟܝ ܬܘܪܥܬܐ ܘܩܪܬ ܫܡܗ ܦܪܨ܂
03:83 ܘܒܬܪܟܢ ܢܦܼܩ ܐܚܘܗܝ ܕܥܠ ܐܝܕܗ ܚܘܛܐ ܕܙܚܘܪܝܬܐ܂ ܘܩܪܬ ܫܡܗ ܙܪܚ܀

next chapter