U The Comprehensive Aramaic Lexicon

CAL CODE HELP CLICK HERE
click on the file description for more information

62001: P Gn

click on a word for lexical analysis
Click on a red-colored coordinate for comments and/or translations of the line

previous chapter


10:03 ܘܚܙܬ ܪܚܝܠ ܕܠܐ ܝܠܕܐ ܠܝܥܩܘܒ܂ ܘܛܢܬ ܒܚܬܗܿ܂ ܘܐܡܼܪܬ ܠܝܥܩܘܒ܂ ܗܒ ܠܝ ܒ̈ܢܝܐ ܘܐܠܐ ܡܝܬܐ ܐܢܐ܂
20:03 ܘܐܬܼܚܡܬ ܪܘܓܙܗ ܕܝܥܩܘܒ ܥܠ ܪܚܝܠ ܘܐܡܼܪ ܠܗܿ/#3#/܂ ܚܠܦ ܐܠܗܐ ܐܢܐ܂ ܕܟܠܼܐ ܡܢܟܝ ܦܐܪ̈ܐ ܕܟܪܣܐ܂
30:03 ܘܐܡܼܪܬ ܠܗ/#3#/܂ ܗܐ ܐܡܬܝ ܒܠܗܐ܂ ܥܘܠ ܥܠܝܗܿ ܘܬܐܠܕ ܥܠ ܒܘܪ̈ܟܝ܂ ܘܐܬܒܝܐ ܐܦ ܐܢܐ ܡܢܗܿ܂
40:03 ܘܝܗܼܒܬ ܠܗ ܠܒܠܗܐ ܐܡܬܗܿ ܐܢܬܬܐ܂ ܘܥܠ ܥܠܝܗܿ ‍<‍ܝܥܩܘܒ#3#‍>‍܂
50:03 ܘܒܛܢܼܬ ܒܠܗܐ ܘܝܠܼܕܬ ܠܝܥܩܘܒ ܒܪܐ܂
60:03 ܘܐܡܼܪܬ ܪܚܝܠ ܕܚܝ ܐܠܗܐ ܘܐܦ ܫܡܼܥ ܒܩܠܝ܂ ܘܝܗܼܒ ܠܝ ܒܪܐ܂ ܡܛܠ ܗܢܐ ܩܪܬ ܫܡܗ ܕܢ܂
70:03 ܘܒܼܛܢܬ ܬܘܒ ܒܠܗܐ ܐܡܬܗܿ ܕܪܚܝܠ ܘܝܠܕܬ ܒܪܐ ܐܚܪܢܐ ܠܝܥܩܘܒ܂
80:03 ܘܐܡܼܪܬ ܪܚܝܠ܂ ܒܥܝܿܬ ܡܢ ܡܪܝܐ ܘܐܬܿܟܫܦܬ ܥܡ ܚܬܝ܂ ܘܐܦ ܐܫܿܟܚܬ ܘܩܼܪܬ ܫܡܗ ܢܦܬܠܝ܂
90:03 ܘܚܙܬ ܠܝܐ ܕܩܡܬ ܡܢ ܝܠܕܐ܂ ܘܕܒܼܪܬ ܠܙܠܦܐ ܐܡܬܗܿ ܘܝܗܒܬܗܿ ܐܢܬܬܐ ܠܝܥܩܘܒ܂
01:03 ܘܝܠܼܕܬ ܙܠܦܐ ܐܡܬܗܿ ܕܠܝܐ ܠܝܥܩܘܒ ܒܪܐ܂
11:03 ܘܐܡܼܪܬ ܠܝܐ ܐܬܼܐ ܓܕܝ܂ ܘܩܪܬ ܫܡܗ ܓܕ܂
21:03 ܘܝܠܼܕܬ ܙܠܦܐ ܐܡܬܗܿ ܕܠܝܐ ܒܪܐ ܕܬܪ̈ܝܢ ܠܝܥܩܘܒ܂
31:03 ܘܐܡܼܪܬ ܠܝܐ܂ ܒܬܫܒܘܚܬܝ ܕܫܒܚܢܝ ܒܢ̈ܬܐ/ܒܝܬܐ#2܂3#/܂ ܘܩܪܬ ܫܡܗ ܐܫܝܪ܂
41:03 ܘܐܙܼܠ ܪܘܒܝܠ ܒܝ̈ܘܡܝ ܚܨܕܐ ܕܚ̈ܛܐ ܘܐܫܟܚ ܝܒܪ̈ܘܚܐ ܒܚܩܠܐ܂ ܘܐܝܬܝ ܐܢܘܢ ܠܠܝܐ ܐܡܗ܂ ܘܐܡܼܪܬ ܪܚܝܠ ܠܠܝܐ܂ ܗܒܝ ܠܝ ܡܢ ܝܒܪ̈ܘܚܐ ܕܒܪܟܝ܂
51:03 ܘܐܡܼܪܬ ܠܗܿ ܠܝܐ/#3#/܂ ܠܐ ܟܕܘ ܠܟܝ ܕܕܒܪܬܝ ܒܥܠܝ܂ ܐܠܐ ܐܦ ܕܬܣܒܝܢ ܝܒܪ̈ܘܚܐ ܕܒܪܝ܂ ܘܐܡܼܪܬ ܪܚܝܠ܂ ܡܛܠ ܗܢܐ ܢܕܡܟ ܥܡܟܝ ܒܠܠܝܐ ܗܢܐ/#3#/ ܚܠܦ ܝܒܪ̈ܘܚܐ ܕܒܪܟܝ܂
61:03 ܘܥܠ ܝܥܩܘܒ ܡܢ ܚܩܠܐ ܒܪܡܫܐ܂ ܘܢܦܼܩܬ ܠܝܐ ܠܐܘܪܥܗ ܘܐܡܼܪܬ ‍<‍ܠܗ#2܂3#‍>‍܂ ܠܘܬܝ ܥܐܠ ܐܢܬ܂ ܡܛܠ ܕܡܐܓܪ ܐܓܪܬܟ ܒܝܒܪ̈ܘܚܐ ܕܒܪܝ܂ ܘܕܡܼܟ ܥܡܗܿ ܒܠܠܝܐ ܗܿܘ܂
71:03 ܘܫܡܥܗܿ ܐܠܗܐ ܠܠܝܐ܂ ܘܒܼܛܢܬ ܘܝܠܼܕܬ ܠܝܥܩܘܒ ܒܪܐ ܕܚܡܫܐ܂
81:03 ܘܐܡܼܪܬ ܠܝܐ܂ ܝܗܼܒ ܐܠܗܐ ܐܓܪܝ ܕܝܗܿܒܬ ܐܡܬܝ ܠܒܥܠܝ ܘܩܪܬ ܫܡܗ ܐܝܣܟܪ܂
91:03 ܘܒܛܢܼܬ ܬܘܒ ܠܝܐ܂ ܘܝܠܼܕܬ ܒܪܐ ܕܫܬܐ ܠܝܥܩܘܒ܂
02:03 ܘܐܡܪܬܿ ܠܝܐ܂ ܙܒܕܢܝ ܐܠܗܐ ܙܒܕܐ ܛܒܐ܂ ܙܒܢܐ ܗܢܐ ܢܬܿܢܩܦ ܠܝ ܒܥܠܝ܂ ܡܛܠ ܕܝܿܠܕܬ ܠܗ ܫܬܐ ܒ̈ܢܝܢ܂ ܘܩܪܬ ܫܡܗ ܙܒܘܠܘܢ܂
12:03 ܘܒܬܪܟܢ ܝܠܼܕܬ ܒܪܬܐ܂ ܘܩܪܬ ܫܡܗܿ ܕܝܢܼܐ܀܂
22:03 ܘܐܬܕܟܪܗܿ ܐܠܗܐ ܠܪܚܝܠ܂ ܘܫܡܥܗܿ ܐܠܗܐ ܘܦܬܼܚ ܡܪܒܥܗܿ܂
32:03 ܘܒܼܛܢܬ ܘܝܠܕܬ ܒܪܐ ܘܐܡܼܪܬ܂ ܐܥܒܪ ܐܠܗܐ ܚܣܕܝ܂
42:03 ܘܩܪܬ ܫܡܗ ܝܘܣܦ ܘܐܡܼܪܬ܂ ܢܘܣܦ ܠܝ ܐܠܗܐ ܒܪܐ ܐܚܪܢܐ܂
52:03 ܘܟܕ ܝܠܼܕܬ ܪܚܝܠ ܠܝܘܣܦ܂ ܐܡܼܪ ܝܥܩܘܒ ܠܠܒܢ܂ ܫܕܪܝܢܝ ܐܙܠ ܠܐܬܪܝ ܘܠܐܪܥܝ܂
62:03 ܗܒ ܠܝ ܢܫ̈ܝ ܘܒܢ̈ܝ ܕܦܠܚܬܟ ܒܗܘܢ ܘܐܙܼܠ܂ ܡܛܠ ܕܐܢܬ ܝܕܥܿ ܐܢܬ ܦܘܠܚܢܐ ܕܦܠܚܬܟ܂
72:03 ܘܐܡܼܪ ܠܒܢ ܠܝܥܩܘܒ/#3#/܂ ܐܢ ܐܫܿܟܚܬ ܪ̈ܚܡܐ ܒܥܝܢ̈ܝܟ ܢܣܿܝܬ ܕܒܪܟܢܝ ܡܪܝܐ ܡܛܠܬܟ܂
82:03 ܘܐܡܼܪ ‍<‍ܠܗ#3#‍>‍ ܦܪܘܫ ܐܓܪܟ ܥܠܝ ܘܐܬܠ܂
92:03 ܐܡܿܪ ܠܗ ܝܥܩܘܒ܂ ܐܢܬ ܝܕܥܿ ܐܢܬ ܦܘܠܚܢܐ ܕܦܠܚܬܟ܂ ܘܕܗܘܐ ܩܢܝܢܟ ܥܡܝ܂
03:03 ܡܛܠ/#3#/ ܕܩܠܝܠ ܐܝܬ ܗܘܐ ܠܟ ܩܕܡܝ ܘܣܼܓܝ ܛܒ܂ ܘܒܪܟܟ ܡܪܝܐ ܡܛܠܬܝ/ܒܪܓܠܝ#3#/ ܘܗܫܐ ܡܢܐ ܐܥܒܕ ܘܐܦ ܐܢܐ ܠܒܝܬܝ܂
13:03 ܐܡܿܪ ܠܗ/#3#/ ܠܒܢ/#3#/ ܡܢܐ ܐܬܠ ܠܟ܂ ܐܡܿܪ ܠܗ/#3#/ ܝܥܩܘܒ܂ ܠܐ ܬܬܠ ܠܝ ܡܕܡ܂ ܐܢ ܬܥܒܕ ܠܝ/#3#/ ܦܬܓܡܐ ‍<‍ܗܢܐ#2܂3#‍>‍ \ܕܐܡܿܪ ܐܢܐ ܠܟ /#3#/܂ ܐܗܦܘܟ ܐܪܥܐ ܥܢܟ ܘܐܛܪ܂
23:03 ܐܥܒܪ ܒܟܠܗܿ ܥܢܟ ܝܘܡܢܐ܂ ܘܐܦܪܘܫ ܠܝ/#3#/ ܡܢ ܬܡܢ ܟܠ ܐܡܪܐ ܕܩܪܚ ܘܦܝܣܟܝ܂ ܘܟܠ ܐܡܪܐ ܕܐܿܟܡ ܒܚܘܪ̈ܬܐ ܘܦܝܣܟܝ ܘܩܪܚ ܒܥ̈ܙܐ ܘܢܗܘܐ ܐܓܪܝ܂
33:03 ܘܬܣܗܕ ܥܠܝ ܙܟܘܬܝ ܐܝܟ ܕܝܘܡܢܐ܂ ܕܡܚܪ ܟܕ ܬܥܘܠ ܥܠ ܐܓܪܝ ܩܕܡܝܟ܂ ܟܠ ܕܠܐ ܗܘܐ ܩܪܚ ܘܦܝܣܟܝ ܒܥ̈ܙܐ ܘܐܿܟܡ ܒܚܘܪ̈ܬܐ ܓܢܝܒܐ ܗܼܘ ܠܝ܂
43:03 ܐܡܿܪ ܠܗ/#3#/ ܠܒܢ܂ ܐܝܢ ܢܗܘܐ ܐܝܟ ܡܠܬܟ܂
53:03 ܘܦܪܼܫ ܒܝܘܡܐ ܗܿܘ܂ ܬܝܫ̈ܐ ܩܪ̈ܚܐ ܘܦܝܣ̈ܟܝܐ܂ ܘܟܠܗܝܢ ܥ̈ܙܐ ܩܪ̈ܚܬܐ ܘܦܝܣ̈ܟܝܬܐ܂ ܘܟܠ ܕܐܝܬ ܒܗܝܢ ܚܘܪܐ܂ ܘܟܠ ܕܐܿܟܡ ܒܚܘܪ̈ܬܐ܂ ܘܝܗܼܒ ܒܝܕ ܒܢ̈ܘܗܝ܂
63:03 ܘܥܒܼܕ ܡܪܕܐ ܬܠܬܐ ܝܘܡ̈ܝܢ ܒܝܢ̈ܘܗܝ ܠܠܒܢ܂ ܘܝܥܩܘܒ ܪܥܼܐ ‍<‍ܗܘܐ#3#‍>‍ ܥܢܗ ܕܠܒܢ ܗܿܝ ܕܐܫܬܼܚܪܬ܂
73:03 ܘܢܣܼܒ ܠܗ ܝܥܩܘܒ ܙܩ̈ܬܐ ܚܘܪ̈ܬܐ ܪ̈ܛܝܒܬܐ܂ ܕܠܘܙܐ ܘܕܕܘܠܒܐ܂ ܘܩܠܼܦ ܒܗܝܢ ܩ̈ܠܦܐ ܚܘܪ̈ܬܐ܂ ܘܡܚܘܪ ܚܘܪܐ ܕܒܙܩ̈ܬܐ܂
83:03 ܘܕܥܼܨ ܐܢܝ̈ܢ ܠܙܩ̈ܬܐ ܕܩܠܼܦ ܒܪ̈ܗܛܐ ܕܡ̈ܝܐ܂ ܒܝܬ ܡܫܬܝܐ ‍<‍ܕܡ̈ܝܐ#3#‍>‍܂ ܟܪ ܕܐܬܝܢ ܥܢܐ ܠܡܫܬܐ܂ ܠܘܩܒܠ ܥܢܐ܂ ܘܚܡܝܢ ܡܐ ܕܐܬܝܢ ܠܡܫܬܐ܂
93:03 ܘܚܿܡܢ ܥܢܐ ܥܠ ܙܩ̈ܬܐ܂ ܘܝ̈ܠܕܢ ܥܢܐ ‍<‍ܐܡܪ̈ܐ#3#‍>‍ ܩܪ̈ܚܐ ܘܦܝܣ̈ܟܝܐ ‍<‍ܘܐܡܪ̈ܐ#3#/ܒܪ̈ܕܐ#3#‍>‍܂
04:03 ܘܦܼܪܫ ܝܥܩܘܒ ܘܝܗܼܒ ܩܕܡ ܥܢܐ ܐܡܪ̈ܐ ܩܪ̈ܚܐ ܘܦܝܣ̈ܟܝܐ/#3#/܂ ܘܟܠ ܕܐܿܟܡ ܒܥܢܗ ܕܠܒܢ܂ ܘܥܒܼܕ ܠܗ ܓܙܪܐ ܒܠܚܘܕܘܗܝ܂ ܘܠܐ ܚܠܼܛ ܐܢܘܢ ܒܥܢܗ ܕܠܒܢ܂
14:03 ܘܒܟܠ ܫܥܐ/ܫܢܐ#2܂3#/ܙܒܢܐ#3#/ ܕܚܿܡܐ ܥܢܐ ܒܟܝܪܝܬܐ܂ ܣܐܡ ܝܥܩܘܒ ܙܩ̈ܬܐ ܩܕܡ ܥܢܐ܂ ܒܪ̈ܗܛܐ ܕܢܚܡܝܢ ܒܙܩ̈ܬܐ܂
24:03 ܘܒܠܩܝ̈ܫܝܐ܂ ܕܥܢܐ ܠܐ ܣܐܡ ܗܘܼܐ܂ ܘܗܘܝܢ ܠܩܝܫ̈ܝܐ ܠܠܒܢ܂ ܘܒܟܝܪ̈ܝܐ ܠܝܥܩܘܒ܂
34:03 ܘܥܬܼܪ ܓܒܪܐ ܛܒ ܛܒ/#3#/܂ ܘܗܘܬ ܠܗ ܥܢܐ ܣܓܝܐܬܐ܂ ܘܥܒ̈ܕܐ ܘܐܡ̈ܗܬܐ ܘܐ̈ܬܢܐ/#3#/ ܘܓܡ̈ܠܐ ܘܚܡܪ̈ܐ܂

next chapter