The Comprehensive Aramaic Lexicon

10:72 4	וקרבין״<וקר>בן#2#״ בנתה דצלפחד בר חפר בר גלעד בר מכיר בר מנשה לזרעיית מנשה בר יוסף ואלין״ואליין#2#״ שמהת בנתיה מחלה נעה חגלה מלכה ותרצה׃
20:72 4	וקיימן קדם משה וקדם אלעזר כהנה וקדם רברבניה וקדם כל עם כנשתה בתרע משכן זמנא למימר׃
30:72 4	אבונן מית במדברה והוא לא הוה בגו עם כנשתה דאתרעמו״דית׳#2#״ קדם ייי בעצתה דקרח ארום בחובוי מית ובנין דכרין לא הוון״^הווה#2#^״הוו#2#״ ליה׃
40:72 4	למה כען יתמנע שם אבונן״אבהתן#2#״ מן גו זרעיתיה ארום לית ליה בר דכר הב לן אחסנה בגו אחי אבונן״אבהתן#2#״׃
50:72 4	דן חד מן ארבעה דינין דקמו קדם משה בתרין מנהון הוה משה זריז ובתרין מנהון הוה משה מתין״<מ>תון#2#״ \ובאילין ובאילין ״ובאליין ובאליין#2#״ אמר \״משה#2#״ לא שמעית במסאבין דלא יכלו מעבד״למ׳#2#״ פסחא בז<י>מניה ובתרין בנתיה דצלפחד הוה זריז מן בגלל דהוון דיניהון דיני״<ד>ין#2#״ ממון במקוששה דחליל שבתה בזדנו ובמחרף דפרש שמה קדישה בגדפין הווה משה מתין״<מ>תון#2#״ מן בגלל דהוון דיניהון דיני נפש למלפה לדייניה דקיימין בתריה״בתר משה#2#״ די הוון זריזין בדיניה ממונא ומתינין {בדיני} בדיניה נפשן״נפש#2#״ דלא יהוון קטלין בפריע ית מן״מה#2#״ דחמי ליה למתקטלה בדינה ולא יהוון בהתין למימר לא שמענן דמשה רבהון אמר לא שמעית וקרב משה ית סדר דיניהון קדם ייי׃
60:72 4	ואמר ייי למשה למימר׃
70:72 4	כדין״כן#2#״ בנתיה״בנתה#2#״ דצלפחד מלילו מתן תתן להון ירתו ואחסנה בגו אחי אבוהון ותעברון ית אחסנות אבוהון להון׃
80:72 4	ועם בני ישראל תמלל למימר גבר ארום ימות ובר דכר לית״דלית#2#״ ליה ותעברון ית אחסנתיה לברתה׃
90:72 4	ואין״ואם#2#״ לית ליה ברת ותתנון״ותתנו#2#״ ית אחסנתיה לאחוי׃
01:72 4	ואין לית ליה אחין ותתנון ית אחסנתיה לאחוי דאבוי׃
11:72 4	ואין לית אחין לאבוי ותתנון ית אחסנתיה לקריבות בשריה דקריב לוותיה מן זרעיתיה וירת יתה ותיהווי לבני ישראל לקיים דרין היך מה די פקד ייי ית משה׃
21:72 4	ואמר ייי למשה סוק לטור עבריה הדין ותחמי״וחמי#2#״ ית ארעא די יהבית לבני״דב׳#2#״ ישראל׃
31:72 4	ותחמי יתה ותתכנש לוות עמך אוף את היך מה דאתכנש אהרן אחוך׃
41:72 4	היך מה די סרבתון על פם גזרת מימרי במדברה דצין במי דייני עם כנישתה למקדשה שמי קדמיהון על עסק מיא אינון מי דייני רקם מדברא דצין׃
51:72 4	ומליל משה עם ייי למימר׃
61:72 4	ימני ייי אלה דשליט בנשמת כל בשרא גבר מהימן על עם כנשתה׃
71:72 4	די יפוק קדמיהון ודי יעול קדמיהון ודי יפק יתהון לסדרי קרבא ודי יעל יתהון מן סדרי קרבא בשלם דלא תיהווי כנשתה דייי כעין די לית ליה רעי׃
81:72 4	ואמר ייי למשה סב לך ית יהושע בר נון גבר \דרוח קדש ״דירוח דק׳#2#״ מן קדם ייי שרייה עלוי ותסמוך ית ידך עלוי׃
91:72 4	ותקים י{ד}<ת>יה קדם אלעזר כהנא וקדם רברבניה וקדם כל עם כנישתה ותפקד״ופקד#2#״ יתיה קדמיהון׃
02:72 4	ותתן ית מן רבותך עלוי מן בגלל די ישמעון כל כנישתה ^דבני ישראל#2#^׃
12:72 4	וקדם אלעזר כהנא יקום וישאול״<ויש>אל#2#״ לה בסדר דינהון דאוריתה קדם ייי על גזירת פמה יפקון ועל גזירת פמה ייעלון הוא ^וכל#2#^ בני ישראל עמה וכל עם כנישתה׃
22:72 4	ועבד משה היך מה די פקד ייי יתיה ודבר ית יהושע ואקים יתיה קדם אלעזר כהנא וקדם כל עם כנשתה׃
32:72 4	וסמך ית ידוי עלוי ופקד עלוי ופקד יתיה \מה די מלל ״היך מה דפקד#2#״ ייי על ידוי דמשה׃