The Comprehensive Aramaic Lexicon

10:34 1	וכפנא תקיף בארעא׃
20:34 1	והוי כדי אשלמו למיכל ית עיבורא די אייתון ממצרי׳ ואמר להון אבוהון חזורו זבונן לן זעיר מזון׃
30:34 1	ואמר ליה יהודה למימר הא מסהד׳ אסהד בן גברא למימר לא תחמון סבר אפוי ארום אלהן אחוכון עמכון׃
40:34 1	אן ברעותך משלחה ית אחונן עמן נחות ונזבון לך מזון׃
50:34 1	ואן לית את משלח לא נחות ארום גברא אמר לן לא תחמון סבר אפוי ארום אלהן אחוכון עמכון׃
60:34 1	ואמר ישראל למה אבישתון לי למתנייא לגברא הא כען אית לכון אחוי׃
70:34 1	ואמרן משאל שאל גברא לנא ולתלדותן למימר הא כען אבוכון קיים הא אית לכון אחוי ותנינן ליה על פום פתגמיא האליין ואמר יהוד׳ הא מידע הוינן ידעין ארום יימר אחיתו ית אחוכון׃
80:34 1	ואמר יהודה לישראל אבוי שלח טליא עמי ונקום ונזל ונחיה ולא נמות לחוד אנן ולחוד את ולחוד טפלינן׃
90:34 1	אנה ערב יתיה מנ{ו}<י> את תבע יתה אם לא אייתי יתיה לוותך ואקמית יתיה ניהוי מרחק מן שאלת בשלמך כל יומיא׃
01:34 1	ארום אלולי דאשתהינון ארום כדון חזרנון ואתינן דנה תרין זמנין׃
11:34 1	ואמר להון ישראל אבוהון אן כדן גמרתון דא עבדו סבא מן טובא דארעא במניכון ואחתו דורון קליל קטף וקליל דבש שעוה משח דבוטנין ודלוזין׃
21:34 1	וכסף בכפלה סבו בידכון וית כספא דאתחזר בפום טעוניכון תחזרון בידכון דילמא שלו הות׃
31:34 1	וית אחוכון סבו ואזלו חזרו לוות גברא׃
41:34 1	ואלה שמיא {ו}<י>שוי לכון רחמין קדם שליטיא וישלח לכון ית אחוכון חרנא וית בנימן ואנה היך מה דלא תכלת על יוסף ברי לא אוסף למתכלה על בנימן׃
51:34 1	ונסבו גבריא ית דורון הדא וכסף מכופלה נסבו בידיהון וית בנימן וקמו ונחתו למצרים וקמו קדם יוסף׃
61:34 1	<וחמא> יוסף עמהון ית בנימן ואמר למן דהוה ממני אפיטרופו<<ס>> על בייתיה אעיל ית גבריא לפלטורין ונכוס נכסון ואתקן ארום עמדי יאכלון גבריא באשון שירותא׃
71:34 1	ועבד גברא היך מה דאמר יוסף ואעל גברא ית גבריא לפלטורין דיוסף׃
81:34 1	ודחלו גבריא לפלטורין ארום אתעלו לפלטורין דיוסף ואמרין על עיסק כספא דאתחזר בטעונינון בקדמיתא אנן מתעלין למתרברבא עלינא ולמתעקפא עלינן ולמסב יתן לעבדין וית חמרינן׃
91:34 1	וקרבו לוות גברא דהוה ממני על פלטורין דיוסף ומללון עמיה בתרע<<א>> פלטורין׃
02:34 1	ואמרין בבעו מנך רבוני מחת נחתין בקדמיתא למזבן מזון׃
12:34 1	והוה ארום עלינן לבית אב<ת>ותה ופתחנן ית טעונינן והא כספא דגבר בפם טעונה כספינן במתקליה וחזרנן יתיה בידנא׃
22:34 1	וכספא חורן אחתנן בידינן למזבן מזון לא ידעינן מן שוי כספא בטעוננא׃
32:34 1	ואמר שלם לכון לא תדחלון אלה{ת}כון ואלהה דאבהתכון יהב לכון סימן בטעוניכון כספכון אתקבלת ואפק לוותהון ית שמעון׃
42:34 1	ואעיל גברא ית גבריא לפלטורין דיוסף ויהב להון מיא ואסחון רגליהון ויהב כסא לחמריהו<<ן>>׃
52:34 1	ואתקנו ית דורון עד זמן דאתא יוסף באשון שרותא ארום שמעו ארום תמן ייכלון לחם׃
62:34 1	ועל יוסף לגו בייתה״לפלטורין#2#״ ואייתון לה ית דורון די בידיהון לפלטורין ושאלון״ושאלו#2#״ בשלמיה בנימוס ארעא׃
72:34 1	ושאל להון בשלם״מלין דשלם#2#״ ואמר הא שלם הוא אבוכון סבא דאמריתון הא עד כען״כדון#2#״ הוא בחיין׃
82:34 1	ואמרין שלם לעבדך אבונן הא״הא עד כדון#2#״ הוא בחיין ועקדו ואודו ושבחו׃
92:34 1	ונטל עיינוי וחמא ית בנימן אחוי ברה דאמה ואמר הדין הוא אחוכון זעירא דאמרתון לי ואמר \מן קדם ייי יהוי מחוס עלך ״מימרי׳ דייי יחוס עלך#2#״ ברי׃
03:34 1	ואוחי יוסף ארום \גלו מעוי ״אתגללו רחמוי#2#״ על אחוי ובעא למבכי ועל לקיטונא ובכא תמן׃
13:34 1	ושגג״ושזג#2#״ אפוי ונפק ואזדרז״ואשתהי#2#״ ואמר שוון לחם״מזון#2#״׃
23:34 1	ושוון ליה לבלחודוי ולהן לבלחודיהון ולמצראי דאכלין עמיה לבלחודיהון ארום לא הוון יכלין מצראי למיכל עם עבריי לחם״מזון#2#״ ארום מרחקה הי֗א למצראי׃
33:34 1	\וארבע יתהון קדמוי ״ויתבו קדמוי#2#״ רבה כרביותה״כרבותי׳#2#״ וזעירא כזעירותה״וכי זעיר׳#2#״ ותמהו גברייא גבר לקבל חבריה׃
43:34 1	ונסב חולקין מן קדמוי ופלג להון \ורבי חולקא ״ואסגי חולקוי#2#״ דבנימן מן חולקיהון דכולן״דכולהון#2#״ חמשה חולקין ושתון ורוון״ורבון#2#״ עמיה׃