H The Comprehensive Aramaic Lexicon

CAL CODE HELP CLICK HERE
click on the file description for more information

54001: TN Gen chapter 42

click on a word for lexical analysis
Click on a red-colored coordinate for comments and/or translations of the line

previous


10:24 1 וחמא יעקב ברוח קודשא ארום אית עיבור מזדבן במצרים ואמר יעקב לבנוי למה כען תתחמון שביעין ביני כפנין׃
20:24 1 ואמר הא שמעית ארו<<ם>> עיבור מזדבן במצרים חותו לתמן וזבונן לן מתמן ונחי ולא נמות׃
30:24 1 ונחתו אחו<<י>> יוסף עשרה למז{ד}בן עבור מן מצרים׃
40:24 1 וית בנימין אחוי דיוסף לא שלח יעקב עם אחוי ארום אמר דלא יערע יתיה סקל׃
50:24 1 ועלו בני ישראל למזבן בגו עלליה ארום הוה כפנא בארעא דכנען׃
60:24 1 ויוסף הוא הוה שליט על ארעא והוא הוה מזבן לכל עמא דארעא ואתון אחוי דיוסף ושאלו בשלמיה כנימוס ארעא׃
70:24 1 וחמא יוסף ית אחוי וחכם יתהון ואתדבב עליהון ומלל עמהון מלין קשין ואמר להון מן אן אתי{ה}<ת>ון ואמרין מן ארעא דכנען למזבן מזון׃
80:24 1 וחכם יוסף ית אחוי ואנון לא חכמו יתיה׃
90:24 1 ואדכר יוסף ית חלמיא די חלם להון ואמר להון ילילין אתון למיחמי ית מעלליא דארע<<א>> אתי{ה}<ת>ון׃
01:24 1 ואמרין ליה <לא> רבוני ועבדיך אתון למזבן מזון׃
11:24 1 כלנן בנוי דגבר חד אנן היימינן אנן לא הוון עבדיך ילילין׃
21:24 1 ואמר להון ארום מעללי דארעא אתיתון למיח<<מי>>׃
31:24 1 ואמרין תרין עשר עבדך אחין אנן בנוי דגבר חד בארעא דכנען והא זעירא עם אבונן יומא הדין וחד מנן מן דנפק מן לוותן לית אנן ידעין מה הוה בסופיה׃
41:24 1 ואמר להון יוסף הא פתגמא די מלילת עמכון למימר ילילין אתון׃
51:24 1 בדא תבדקון חיי רישיה דפרעה אן תפקון מן הכה ארום אלהן אתא אחוכון זעירא להכה׃
61:24 1 שלחו מנכון חד וייתי ית אחוכון ואתון אתחבשו ויבדקון מליכון הא קושטנין אתון אן לא חיי רישיה דפרעה ארום ילילין אתון׃
71:24 1 וחבש יתהון במטרא תלתא יומין׃
81:24 1 ואמר להון יוסף ביומא תליתא דא עבדו וחיון מן קדם ייי אנה דחיל׃
91:24 1 אם היימנין אתון חד מנכון אחוכון חרנא יתחבש בבית חבושיכון ואתון אזלו אוביל{ן}<ו> מזון עבור כפנים בתיכון׃
02:24 1 ואת אחוכון זעירא תייתון לוותי ויתהימנן מליכ{י}<ו>ן ולא תמותון ועבדו כדין׃
12:24 1 ואמרין גבר לאחוי ברם חייבין אנן באדמה דאחונה די חמינן בעקת נפשיה כד הוה מפרפר קדמינן ולא שמעינן בגין כך אתת עלינן עקתה רבתה הדה׃
22:24 1 וענה ראובן יתהון למימר לא תחטון הלא אמרית לכון לא תחטון בטלייא ולא שמעתון ולחוד דמיה הא מתבע׃
32:24 1 ואנון לא ידעין ארום <٠٠٠ּ> היך תרגומן הוה מנשה קיים ביניהו<<ן>>׃
42:24 1 וסטה מלוותיהון ובכה וחזר לוותהון ומלל עמהון ונסב מן לוותהון ית שמעון וחבש יתיה קדמיהון׃
52:24 1 ופקיד יוסף ומלון ית מניהון עבור ולמחזרה כספהון גבר לשקיה ולמיתן להון זבדין לארחא ועבד להון כדון׃
62:24 1 ונטלו ית עבריהון על חמריהון ואזלו מן תמן׃
72:24 1 ופתח חד מינהון ית שקיה למיתן כסה לחמריה בבית אבתותתה וחמא ית כספא והא הוא בפום טעונה׃
82:24 1 ואמר לאחוי אחזר כספי והא הוא בפום טעוני ואזדעזע לבהון וחרדו גבר לקבל אחוי למימר מה הוא דא דעבד ייי לנא׃
92:24 1 ואתון לוות יעקב אבוהון לארעא דכנען ותנון לה ית כל מה די יערע יתהון למימר׃
03:24 1 מלל גברא רבוני דארעא עמין מלין קשיין ושוי יתן כמילילין ית ארעא׃
13:24 1 ואמרנא ליה היימינין אנן לא הווינן מיללין׃
23:24 1 תרין עשר אנן אחין בנוי דאבונן חד מנן מן דנפק מלוותן לית אנן ידעין מה הוה בסופיה וזעירא יומא דן עם אבונן בארעא דכנען׃
33:24 1 ואמר לן גברא רבוניה דארעא בדא אדע ארום היימנין אתון חד מנכון אצנעון לוותי וית כפנים בתיכון סבו ואזילו׃
43:24 1 ואייתון ית אחוכון ית זעירא לוותי ואדע ארום לא יללין אתון ארום לא היימנין אתון ית אחוכון אתן לכון וית ארעא תחסנון׃
53:24 1 והוו אינון מפנין שקיהון והא גבר צררא דכספא בסקיה וחמון ית צרריהון דכספיהון אינון ואבוהון ודחילו׃
63:24 1 ואמר להון יעקב אבוהון יתי תכלתון יוסף מן דשלחת יתיה לוותכון לדותינא לית אנא <ידע> מה הוה בסופיה ואתון בעין למיסב ית בנימין ואנון סכימין עלוי למקמה תרין עשרתי שבטיא׃
73:24 1 ואמר ראובן לאבוי למימר ית תרין בניי תקטול אין לא אייתית יתיה לוותך מסר יתיה על ידיי ואנה אחזר יתיה לוותך׃
83:24 1 ואמר לא יחות ברי עמכון ארום אחוי מית והוא בלחודוי אשתייר ויארע יתיה סקול באורחא תהלכון בה ותחתון ית שיבתי בדוי לשאול׃

next