The Comprehensive Aramaic Lexicon

80:40-1	[ו]אמֶר֗ קַיִן לְהַבַל אַח֗[והי] לית דִין ולית ד֗י֗[ין ו]ל֗ית ע֗ל֗ם֗ [אחרן] [ול]ית אגַר טָב לְצֶד[יקיה] וְלֵית פֻורעָנֻותָה לְרֶשִעָאה וא֗[ת]יב הַבַל וא[מר לקין אח]ֻוהִי אִית דִין ואית דיין וְאִית ע֗[לם] אָחָרַן וְאי֗ת אגר֗ [טב] לְצֶדיקָיָה וְאִית פֻורְענותָה לְרַשִ֗[עאה] וַ֗הַוה בְּמִהְוי[הון באפי ברא] קם קַיִן לְהַבַל אַחֻוהִי וק֗[טל יתיה
52:83-1	ת֗מ֗[ר נפ]קַת לְמִתוֹ֗קְדָא בְנֻורָא֗ [ובעת] תְלָתָא סַהדא֗ וְלא א֗[שכח]ת֗ יָתהוֹן אתא סמאל [ואטמר יתהון] מן קָדָמֶה תלת֗ עינֶהָ א֗ל֗ [מרומ]א דִשְמַיָא וְאְמֶרֶת בְבַעֻו [מנך א]להא [ח]יא֗ וקימא֗ אֶת אלהיה [דאברהם יצח]ק וֶיִשׂרָאַל אַבַהָתִי עַנֵינִי בה[דא ש]עַת֗[ה דהיא שעת ע]קְיָא ואנָא מק֗[יי]מה֗ לָך תְלָת[ה] צדי֗קין בְבִקְ[ע]ת דו[רא] חַ֗נֶ֗נ֗יָה מישאל וַעַזר֗[יה] א^י^נֻון יִתְרַ[מו]ן֗ לְגוֹ אַתֻּון נֻורָא [יק]ד֗תא [٠٠٠]פק[ ٠٠٠ ל]הון בַהש֗עת[ה רמז יי ל]גבריאל [ונ]חת [٠٠٠] לְקדָם רַגלֵיהוֹן דדיָניָא וא[מר]ת ל[٠٠٠ ٠٠٠]מר ל֗מ֗ימר ^לִגבְרֵ^ דִאִלֵין דיליה מנֵיה אנָא מְעַדיָא בִבְנין [דז]נוֹ וְאְמֶרֶ[ת] ^א[ש]תמוֹדַע֗^ כְעַן דְמֶן עִ֗ז֗ק֗ת֗א֗ ו֗שו[שיפא] וְחֶטרָא֗ הָאִלֵין׃
62:83-1	וְהוה כַד [חמא] יְהודָה [٠٠٠ ו]אמר זַכָאה מִני מְעַדיָא לית היא מְעַדיָא בִבְנ[ין דזנו] קַבילֻו מִנִי אְחַי ^וְאֵינָשֵי^ [ביתא] דְאַבָּא בִמְכילתא דא[ינש] מֵכיל בֵיה מְכִילִין לֵיה כַד נִסֵבִית כִּתֻּונָא דְיוֹסֵף והט֗ב֗ל֗י֗ת יָתיה בִדְמָא {{א}} וְאותִיתי לְבֵית אַבָא וְאַמֶ[רי]ת֗ לֵיה אֵשְתֶמוֹדֶע כְּעֶן הַכִיתֻונָא דִבְרָך הי֗א֗ א[ן] לָא בְכֵין אְמֵרֻו לִי אִשְתְּמוֹדֶ[ע] כְעַן֗ דְמֶן עִזְקתָא ו[שו]שֶי֗פָא וְחֻוטְרָא הָאִלֵין בְכֵין קַבִילֻו מנִי אֵחַי ואֵי[נ]שי בֵיתָ[א] דְאַבָא טָב לִי לְמִידַן בְעָלְמָא [הדין] מ֗ן לְמ[ידן ב]עַלְמ[א] דא֗ת֗א טַב ל֗י לְמִידַן באֵשָא [דטפיא] מ֗[ן למי]דַ֗ן בְאִש֗א [א]כְלָא בְכֵן נְפק֗[ת ב]רַת קלא מן שְמַיָא וַאְמ[ר]ת לְהוֹן הָוֵיתוֹן תַרוְיכון [זכאין] או֗רי ^מִנֵיה^ יֵיתֵא משִיחָ[א] דַיָי וְיִשלוֹט עַל כָל אָמַיָא וְיַפֵּק יָת עַמִי מִ[בינ]י עַמְמַיָ[א] לבֵית מִקְדַשא בְכֵין חַדִּי ארי מּנּי הַוָה פִיתְגמָא בְכֵין אַמַר֗ יְהֻודָה אֲרֵי עַל כֵּן לָא יְהָבְתַה לְשֵלָה בְנִי וְלָא אוֹסֵף עוֹד ל֗מִידְ֗ע֗[ה]׃
81:44-1	וְקְרֵיב לְוָתֵיה יְהֻודָה [תקי]ף וְמִתְ[גבר] ונָהם כְאַרְיָה וַאְמר שְמֶע מנִי מלִתָ֗א הָא [בעידנא ק]דמַיתָא דַּאִתֵינָה לְוָתָך אַת אמַרְת מִן קָדָם [יי אנא] דָחֵיל וֻבעִדָנָא אֻוחְרָנָא ד֗אְ֗תַינָא לְוָתָך אַף אַמְרת מִן קְ[דם] פַרעֹה אַנָא דָחֵיל וֻבְעִיתָא עְלנַא֗ תְסְקֻופֵי מִלִין וִיהָבת֗א֗ ^ש֗י֗ן֗^ [כ]מְאַלְלֵי אַרעָא׃ שִמעוֹן אְחֻונָא אַפְרֵישתָא מִנַנָא וִיהַ[ב]תֵּיה בְבֵית מִטרָא לָ֗א אידכַר לָך ולָא אִשת֗מודַע לָ֗ך֗ מָה דַעְבַדֻו תְרֵין אְחַי ש֗מְ֗עוֹן ולֵוִ֗י בְ[ק]רתָא דחְמ֗[ו]ר אְבֻו[הי] דְשכם כַד [ע]לו לְגֵוַה וקטַלֻו כָל דְכֻורָא בְ֗[٠٠٠ דחר]ב֗ה אחְתָנָ[א ד]לית ה֗יא בְמנְיַן שִבְטַיָא וְלֵית לַה חֻולָק וְאַחְסָנָא בְפִלֻוג אַרְעָא דְיִשְׂרָאֵל הלא כַל <דכן> בִנְיָמִין אְחֻונַה דאִית לֵיה עִמָנָא חְלָק֗ וְאַחְסָנָא עְל אַחַת כַמָה וְכַמָה֗ וַאְנָא בְחֵיל[ ] דַיָי תַקִיף מִתר֗[ו]הון חַי יָי אְלָהָא דְיִ֗שְׂרָאֵל אַבָא [א]ם אַשלוֹף חַרְבִי מת֗[ר]ע֗ה לָא אַתֵיבְינַה לְנִדו֗נַה עַד דְאַקְ[טו]ל כָל [דכור]א דמִצְר[אי] בָּך [אנא] מַתְחִיל וֻפַרעֹה רַ[בך] א[נא מ]סָ֗יֵים֗ [٠٠٠] יוֹסֵף וְכָל אַנשֵי בֵיתֵיה וֻאַזְדַעְזַעֻו כָּל [מ]צְרָאֵי וֻנְפַל פַרעֹה מֵעַל כרסֵי מַלכֻותֵיה וִנְפַל כָּל וַלדָה מִ[מ]עֵי אּמֵה בַהְהִישַעְתָה כַּד חְ[מ]א֗ יוֹסֵף רְמַז לִבְרֵיה לְ[מְ]נַשֶה [וְ]מַ֗שִי יְדוֹהִי עַל כִּדְפֵה ^וֻבְעַט֗ בעַמֻוד[ה] דְהֵיכְלָה וֻרַ֗פְסַה^ כַד נָ֗ח רג[זיה] [א]מ֗ר֗ יהֻודָה דֵין גְּבָר כְּוָתִי [ר]ג֗לוֹהִי מְהוֹדְעִין לִי גַבְ^ר^ָא שִרא֗ מב[ית] א֗ב֗א בְכֵן תָב ומתח[נן] כַדקַדְמיתָה קְדָם שַלִיטָה֗ דְאַרעָא ות֗ב [מ]ללא עּ[מ]יה בְחִינֻונָא קדָם פַ֗ק֗י[ד דא]רעָא וַאֲמַר֗ בבעֻו [מנך] ימל[ל] כּעַן עַבְדָך פ֗תְגָמֵא קְדָ[ם] רְ֗בונִי וְלָא תתקַף ר֗ו֗ג֗זך בְעַבְדָך אְרֻום כְּפַרְעֹה כֵּן אַת׃
10:94-1	[ו]קְרָא יַעְקֹב לִבְנוֹהִי וַאְמַ[ר] לְהוֹן אֶתְכַנֶשֻו וְאַתְנִי לְכוֹן נִיסַיָיא גנִיזָיָיא וְרָזַיָיא טְמִירַיָה֗ וֻמַתֶן אַגְרִהוֹן דְצַדִיקיא וְפרָעַנֻותְהון ד֗רַשִיעַיָא וְשַלְו[ו]תה דְעְדן מַה הִיא בְהַהַיא שַעְתָה הְווֹן מִתְכַנְשִין כַחְדא תַּרתֵּי עַשְׂרָה שִבְטַיָה דיַעְקֹב מַקִפִין לְדַרְגַשְ֗[א] ד֗דַהְבָה דְהַוָה אְבֻונַן יעקב רבִע עֲלַהַא סְבִירִין דְהֻוא מַגלֵי לְהוֹן קֵץ פ֗ו֗ר֗קנ֗א [ד]ייתא מַתְנֵי לְהוֹן יָת כָּל מָ֗ה דִי יְאַרע יָתְהוֹן לְסוֹף י֗וֹ֗מַיָא מָה דְאתְגַלִי לֵ^י^ה רָזָה א֗ת<ג>נַז מִנֵיה חְזֶר אַבָא יַעְקֹב גַבַר מִיסֶת כבּרְכַתֵיה בָרֵך יָתְה֗וֹן׃
81:94-1	אְמַר לְהוֹן יַעְקֹב אְבֻוהוֹן לָא֗ לְפ^ֻו^רְקָנֵיהא דְגִדְוֹ[ן בר] יוֹאָש סֶבָרִת דְהִיא פֻורְקָן שַעְתָא [ו]ל֗א לְפֻורְקָנֵיה ד[שמ]שון בַר מָנוַֹח [דהי]א פ֗ו֗ר֗ק֗ן ש֗עְתָא [א]לָ֗א [לפ]ֻורְקָנֵי[ה] ד[מל]כא מְשִיחָא דְהִ[י]א פֻרְקָנא לְ[ע]לְמִין דִי אְמַ[רת במימ]רך לְמֵיתֵיה לְעַמָך בֵית יִשְׂרָאֵל לֵי֗ה לְפֻורקָנֵה֗ סְבַרִית י׳ָי׃
10:05-1	וְאַ^רְ^בַע יוֹסֵף יָת אְבוהִי בְעַ[ר]סָא דְשֶן דְפִיל מְחַ֗[פיא ד]הַב טָב וְמִקבְעַה אֶב[ני]ן טָבִין וְמַרְגָלְיִין כ[ו]ל֗[א] מַלֵיא וְמַחְזְקה בחבלֵי בוצא [ו]אַרְגַוָנָא תַמָן שַפְכִין חַמְרָנִיין רֵיחֶנִין וְמוֹקְדִין תַמָן בִי֗[שמנין] טָבְין תַמָן קָיְמִ[ין] [גיברי]ן מִן דְבֵית עֵשָׂו תַמָן קָ[ימ]ין שַלִיטִין מִן דְבֵית֗ יִשְמָעֵאל תַמָן [קא]י֗ם אַריֵה יְהודָה [גיב]רֵיהוֹן דַאְחוֹהִי עְנָה יְהֻודָה וַאְמַר לֶאְחוֹהִי אְתוֹן וְנִבְכֵי עַ֗ל אַרְזָא רָמָא דְרֵאשֶי[ה] מָטֵי עַד צֵית שִמַיָא בר[ם] {שור שרחוהי} ^שרשוֹהי^ מָטְיָין עַד דָרִ[י] עָלְמָא דִי מִנֵיה קָ[מ]ֻו֗ תְרֵי עְשַר שִבְטִין וְדִי מִנֵיה קָימִין כהְנַיָא בְפִלֻוגְתְה^ו^ן וְלֵיוָאֵי בְמַחְלַקְתְהוֹן בַהְכְדֵין אִתְרַכֵן [יו]ס֗ף עַל אַפ[והי] דַאְבֻוהִי וֻ[ב]כָא עְ֗לוֹהִי [ונ]ש֗ק֗ יָ֗תֵיה׃
61:05-1	[ופ]קֵידֻו שִבְטַ[י]א יָת בִלְהָה [א]מְ^הָ^תַה דְרָחֵל [אמיה] ד֗יוסֵף למֵימַר אבוך פ֗[קד] קדם< עד> לא יְמות למֵימֶר׃
52:40-2	וְנִסְ֗בת צפֹרָה טִנַרָא וִגְזַרַת יָת עֻרְלַתֵיה דּברַה וֻקְרֵ^י^בַת יָתֵ[ה] קְדָם רַגְלוֹהִי דּמְחַבְלָה וַאְמַרָת חתָנָא [ב]עָא לְמּגְזֻור וַחְמוי לָא שְבֶק יָתֵיה יְכַפֶ[ר כע]ן֗ אְדָם גִזֻורתָה הָדָה עַל חוֹבֵי֗ חַתְנָה הָדֵין׃
62:40-2	וְאַרפִי מַלֲאך מְחַבְלָ[ה מ]ניה הָא בְכֵין שַבַחָת צִפֹּרה ואְמַרָת מָה חָבִיב הוא אָדָם [ג]זורותָה הָדֵין דִי שֵזִיב יָת חַתָנָה הְדֵין מִן יְדוֹהִי דְמַלְ[א]^כה^ מְחַבְלָה׃
24:21-2	לילי <נ>טיר ומהימן לפר֗[ק]ן הוא קדם י׳ָי בזמן אפקותהון דבני ישׂראל פריקין מא֗ר֗עא דמצרים ארם ארבעה לילוון הינון דכתיבין בספר דוכרניא ליליא קדמאה כד אתגלי מימריה די׳ָי על עלמא למברי יתה֗ והוה עלמ֗[א] ת֗הי ובהי וחש֗וכא פריס [ע]ל אפי תהומ[א] ומ[מיריה] די׳ָי הוה [נהו]ר ומנהר וקרא֗ יתיה ליליא [ק]ד֗מא֗[ה ליליא] תנינא כד את[ג]לי מימר[י]ה֗ די׳ָי ביני בתריא [הוה אברהם] בר מ֗[א]ה֗ שני֗ן ושׂרה הות ברת ת֗שעין שנין בזמנה ההוא הלא בר תלתין ושבע ש֗נין הוה יצחק בזימנה֗ ד֗י֗ ד֗א֗תקרב על ג֗בי מדבח֗א קדישה ש[מיא] אמכון ונחתו וחמה יצח[ק] ית שכלוליהון ל[٠٠]נ֗יה וכהיין עינוהי וקרא֗ יתיה ל[י]לי תנינא׃ לילי תליתאה כד אתגלי מימ׳ ד[י׳י על מצר]אי בפלג֗[ו]ת לילייה [ה]ות שמאליה ר֗מה ו֗מקטלה֗ בבכוריהון דמצראי ויד ימיניה משזבה בכ^ו^ריה֗[ון] דישראל למקימה מה֗ [ד]אמר בא^ו^ריתה בני בוכרי ישׂר[א]ל וקרא ית^י^ה לילי תליתא[ה] לילי רביעאה כד [י]שלים עלמא ק^י^צ^י^ה למתפרקה א֗ב֗[٠٠]הון דרשיעיא ישתיצ֗ון ו֗נירי פרזלא יתברון משה ייסק מן גוא מדבר[ה] <٠٠٠٠٠> דין ידבר בראש עמא ודין מדבר בראש [עמ]א ומי[מ]ר֗יה מדבר בִראש ת֗[רי]הון ואנא והינון מ֗[ה]ל֗[כי]ן כחדא הוא ל[י]ל פ֗ס֗חה ק֗ד֗[ם] י׳ָי דקרא יתיה רבון כל עלמיא לילי רביעאה בסוף עלמ[א] נטיר֗ ומזמן לכל בני ישׂראל ל֗דריהון׃
31:41-2	[א]רבע כּיתין את֗[ע]בידו בני ישׂראל בשע֗ה דק[מו להון על] כ֗י֗ף ימא דסוף כיתה֗ חדה הות֗ אמרה ניפול לימא וכיתה [ח]דה אמר֗ה נחז֗[ור] למ[צ]רים כית֗ה֗ חדה הות אמרה נסדרה לקובליהון סדרי קר[בה ו]כיתה חדה הות אמרה נלבלב[י] לקובליהו֗ן֗ ונע֗רבבה ית[הו]ן דכיתה דהות אמרה ניפול לימא אמר להון משה לא תד[ח]לון אתעתדו ו֗ח֗מ֗ון ית פ^ו^רקנא די׳י אלהכון די יעביד לכון יומ[א] דין ודכיתה דהות אמרא נחזור למצרים אמר להון משה לא תד֗ח֗לון ארום היך מה דיחמיתון ית מצראי יומא דין לא תוספו֗ן למחמי יתהון עוד לעלמ֗[א
41:41-2	וכיתה דהות אמרה נסדר לקובליהון סדר֗[י] קרבא אמר להון משה לא תדחלון [י׳י] גיברה ביקר ש[כ]נתיה ה֗ו֗א די[ס]דר ל[כון קרב]כון וכית֗ה֗ דהו֗ת [א]מ֗רה נלבלב֗ ל֗קובלהון ונערב֗ב֗ [ית]ה֗ון [אמר] להון משה [לא תדחלון] ק֗ומו שתוקו ויהבו יקר ותשבחה ורוממו לאלהכון׃
10:51-2	הא בכין שבח משה֗ [ו]בני ישראל ית שירת [תושבחתא הדה קד]ם י׳י ואמר[ו] למימר נודה ונש֗[ב]חה [קדם י׳י דהוא רם על רמיא] ומנטלי על מנטלי֗א֗ [٠٠٠ וכל מן] דמ[תג]אי קדמוהי [٠٠٠ סוסוון דפרעה ו]רוכביהון על די [אתגאו ורדפו] בתר עמ[יה] בני ישרא֗ל֗ רמא וטבע בימא דסוף֗׃
30:51-2	י׳י ג[י]ברא הוא ד֗ע֗בד לכון֗ סדרי נצחני קרביכון י׳ָ[י] ש֗מיה כשמיה כן גבורת֗[יה י]ה֗א שמיה מברך לעל֗מי עלמין
21:51-2	ימא וארעא הוון מדיינין תַרְוֵיהון כחדא ואמרין דין כל ק[ו]ב֗יל די[ן] ימא הוה אמר{{ה}} לארעא קבילי ב֗נ֗י֗י֗ך֗ [וארעא הו]ת אמרה לימ֗א קבל קטול[יך] תרויהון הוו֗ן ד[חלי]ן מן יום דינא רבא֗ לא ארע֗א֗ הות בעיא למבלוע יתהון ולא ימ[א הוה בעי לקבלה יתהון] דחילה הות ארעא מן [יום] דינא רבא [דלא יתבע יתהון] [מי]נה לעלמ[א] ד[א]תא [٠٠٠ ארכינת] [ידך] בשבועה על [ארעא דלית את תבע יתהון מינה] לעלמ֗א דא֗[ת]א֗ [מן יד פ]תחת ארעא ית פומא ובלע[ת י]ת֗הון
81:51-2	אמרין בני ישראל מה [י]אי הוא לך [כ]ל֗י֗ל֗ [מלכו]תא יוי כ[ד ח]מון ניסי גבורתך ע֗ל֗ ימא וגבורתך [ביני ג]ל[י]ליא ב[ההיא] שעתא פתחו כ֗ו֗לוהן פו֗מהון כחדא֗ [ו]א֗מרין די׳י היא מלכותה בעלמא הד֗ין ובעלמא דאת֗יא ודידיה היא עד לעלמין ולעלמי עלמין׃
21:71-2	וידוי דמשה הוו פריסי֗ן בצלו [ונסבו אב]נא ושויאו ת[ח]ותוהי ויתיב ע֗לה֗ ו֗אהרן ו[חור הוו אח]דן בתרתין ידוה[י ח]ד מן דין סט֗רה וחד מן דין ס[טר]ה֗ אה֗ר֗[ן
61:71-2	יסדר סד[רי קרבא ٠٠٠] יתהון ומה דמשתייר [٠٠٠] וי׳י [ב]מימריה אמ֗[ר ٠٠٠
62:02-2	ע֗ריתכון ע[לוהי
10:10-3	[٠٠٠] בגויה עד זמן די [٠٠٠] מ֗ש֗כן֗ זמנה ד֗ר֗בויה [٠٠٠
91:01-3	קדם י׳י ٠٠٠
02:01-3	[٠٠٠] מן משה [٠٠٠] אחי אליף יתה לי וע[ל] די [٠٠٠] סגין ושמע משה וש֗[פר ٠٠٠
72:22-3	[٠٠٠] לן על חובינן וכדון דג[רמו ٠٠٠] [٠٠٠ ונ]חתו וחמה יצחק ית [٠٠٠] מרומיא מן בגין זכה [٠٠٠ ٠٠٠]א [٠٠٠ משכ]ין דגדיין בני עז[ין] ועבד תבשיל[י]ן
33:22-3	אנא הוא י׳י די פרק[ת ו]אפ[קת ٠٠٠