H The Comprehensive Aramaic Lexicon

CAL CODE HELP CLICK HERE
click on the file description for more information

51026: TgJ Ma

click on a word for lexical analysis
Click on a red-colored coordinate for comments and/or translations of the line

previous chapter


(1) 10:20 וֻכעַן לְכוֹן תַפקֵידתָא הָדָא כָהֲנַיָא׃
(1) 20:20 אִם לָא תְקַבְלוּן וְאִם לָא תְשַווֹן דַחלְתִי עַל לֵב לְמִיתַן״לשואה#3#״ יְקָרָא לִשמִי אֲמַר יוי צְבָאוֹת וְאַשלַח בְכוֹן יָת מְאֵירְתָא וַאֲלוּט יָת בִרכָתְכוֹן וְאַף אֲלוּטִינַה אֲרֵי לֵיתֵיכוֹן מְשַווֹן דַחלְתִי עַל לֵב׃
(1) 30:20 הַאֲנָא נָזֵיף לְכוֹן כְעַלְלַת אַרעָא״בר זרעא#3#״ וְאַגלֵי בַהתַת חוֹבֵיכוֹן עַל אַפֵיכוֹן וַאֲבַטֵיל רְבוּת חַגֵיכוֹן וְיִתמְנַע חוּלָקְכוֹן מִנֵיה׃
(1) 40:20 וְתִידְעוּן אֲרֵי שְלַחית לְוָתְכוֹן יָת תַפקֵידתָא הָדָא לְמִהוֵי קְיַמִי דְעִם לֵוִי אֲמַר יוי צְבָאוֹת׃
(1) 50:20 קְיָמִי הֲוָה עִמֵיה חַיֵי וֻשלָמָא וִיהַבִית לֵיה אוּלפַן אוֹרָיתִי שְלִים וֻדחֵיל מִן קְֹדָמַי וֻמִן קְֹדָם שְמִי דְחֵיל הוּא׃
(1) 60:20 אוֹרָיתָא דְקֻשטָא הְוָת בְפוּמֵיה וְשִקרָא לָא אִשתְכַח בְסִפוָתֵיה בִשלָמָא״בשלימותא#3#״ <וברעותא#3#> וֻבִתרִיצוּתָא הַלֵיך קְֹדָמַי וְסַגִיאִין אֲתֵיב מֵחוֹבַא׃
(1) 70:20 אֲרֵי סִפתֵי כָהִין יִטְרָן מַדַע וְאוֹרָאָה יִבעוֹן מִפוּמֵיה אֲרֵי מְשַמֵיש קְֹדָם יוי צְבָאוֹת הוּא׃
(1) 80:20 וְאַתוּן סְטֵיתוֹן מִן אוֹרחָא אַתקֵילתוּן סַגִיאִין בְאוֹרָיתָא חַבֵילתוּן קְיָמָא דְעִם לֵוִי אֲמַר יוי צְבָאוֹת׃
(1) 90:20 וְאַף אֲנָא יְהַבִית יָתְכוֹן בְסִירִין וְחַלָשִין \לְכָל עַמָא ״בעממיא#3#״ כְמָא דְלֵיתֵיכוֹן נָטְרִין יָת אוֹרְחָן דְתָקְנָן קְֹדָמַי וְנָסְבִין אַפִין בְאוֹרָיתָא׃
(1) 01:20 הֲלָא אַבָא חַד לְכוּלַנָא הֲלָא אֲלָה חַד בְרָא יָתַנָא מָדֵין נְשַקַר גְבַר בַאֲחוּהִי לְאַפָסָא קְיָמָא דְעִם אֲבָהָתַנָא״אלהנא#3#״׃
(1) 11:20 שַקַרוּ דְבֵית יְהוּדָה וְתוֹעֵיבָתָא אִתעֲבִידַת בְיִשרָאֵל וֻבִירוּשלַם אֲרֵי אַפִיסוּ״אפכו#3#״ דְבֵית יְהוּדָה נַפשְהוֹן דַהֲוָת קַדִישָא קְֹדָם יוי <די רחם#3#> וְאִתרְעִיאוּ לְמִיסַב לְהוֹן נְשִין מִבְנָת עַמְמַיָא׃
(1) 21:20 יְשֵיצֵי יוי לִגבַר דְיַעבְדִינַה בַר וֻבַר בַר מִקְרוֵֹי יַעֲקֹב וְאִם כָהִין הוּא <לא יהי ליה#3#״וישיצינא#3#״> מְקָרֵיב״ישיציניא מלקרבא#3#״ קֻרבַן בֵית מַקדְשָא דַיוי צְבָאוֹת \לָא יְהֵי לֵיה בַר ״#2#״׃
(1) 31:20 וְדָא תִניָנוּת דְאַתוּן עָבְדִין חֲפַת דִמעֲתָא יָת מַדבְחָא דַיוי דְבָכַן וֻדמִידַנקִין״וֻמִתאָנְחִין#3#״ מִדְלֵית עוֹד אִתפְנָאָה לְקֻרבָנָא וֻלקַבָלָא יָתֵיה בְרַעֲוָא מִיַדכוֹן׃
(1) 41:20 וְאִם תֵימְרוּן עַל מָה עַל דַיוי״ארי ייי#3#״ אַסהֵיד בֵינָך וֻבֵין אִיתַת יָנְקוּתָך דְאַת שַקַרת בַה וְהִיא שוּתָפוּתָך וְאִיתַת קְיָמָך׃
(1) 51:20 הֲלָא חַד הֲוָה אַברָהָם יְחִידַאי \דְמִנֵיה אִתבְרִי עָלְמָא ״דבדיליה איתרבי בעלמא דמיניה איתרבי בעלמא #3#״וֻמָא חַד בָעֵי אֲלָהֵין דְיִתקַיַים לֵיה וְלַד מִן קְֹדָם יוי וְתִסתַמרוּן בְנַפשָתְכוֹן וֻבאִיתַת יָנְקוּתָך לָא תְשַקַר׃
(1) 61:20 אֲרֵי אִם סְנֵית״סני את#3#״ לַה פַטרַה אֲמַר יוי אֲלָהָא דְיִשרָאֵל וְלַא תְכַס״תְכַסֵי#3#״ חִטאָה בִלבוּשָך אֲמַר יוי צְבָאוֹת וְתִסתַמרוּן בְרוּחֲכוֹן״בנפשתכון#3#״ וְלָא תְשַקְרוּן׃
(1) 71:20 אַהֲלִיתוּן״אלהיתון#3#״ קְֹדָם יוי בְפִתגָמֵיכוֹן וְאִם תֵימְרוּן בְמָא אַהַלִינָא״אלהינא#3#״ קְֹדָמוֹהִי בִדאַתוּן אָמְרִין כָל דְעָבֵיד בִיש תָקֵין קָדם יוי וֻבהוֹן רַעֲוָא קְֹדָמוֹהִי אוֹ אִיכַא דְעָבֵיד אֲלָהָא דִינָא׃

next chapter