H The Comprehensive Aramaic Lexicon

CAL CODE HELP CLICK HERE
click on the file description for more information

51025: TgJ Ze

click on a word for lexical analysis
Click on a red-colored coordinate for comments and/or translations of the line

previous chapter


(1) 10:80 וַהֲוָה פִתגָם נְבוּאָה מִן קְֹדָם יוי צְבָאוֹת לְמֵימַר׃
(1) 20:80 כִדנָן אֲמַר יוי צְבָאוֹת מִתפְרַע אֲנָא פוֹרעָנוּת צִיוֹן קִנאָה רַבָא וֻרגַז רַב מִן קְֹדָמַי עַל עַמְמַיָא דְאַקנְיוּהָא׃
(1) 30:80 כִדנָן אֲמַר יוי אֲתוּב <במימרי#3#> לְצִיוֹן וְאַשרֵי שְכִינְתִי בְגוֹ יְרוּשלַם וְתִתקְרֵי יְרוּשלַם קַרתָא דְקוּשטָא״דקודשא#3#״ וְטוּר בֵית מַקדְשָא דַיוי צְבָאוֹת טוּרָא קַדִישָא׃
(1) 40:80 כִדנָן אֲמַר יוי צְבָאוֹת עוֹד יִתְבוּן סָבִין וְסַבַן בִרחוֹבֵי״בשוקי#3#״ יְרוּשלַם וֻגבַר עוּבָדוֹהִי תָקְנַיָא יַגְנוּן עֲלוֹהִי מִסְגֵי יוֹמִין׃
(1) 50:80 וֻרחוֹבֵי קַרתָא יְרוּשלַם יִתמְלוֹן״יִתמַליָן#2#״ עוּלֵימִין וְעוּלֵימָן מְשַבְחִין בִפתָאַהָא׃
(1) 60:80 כִדנָן אֲמַר יוי צְבָאוֹת כַד תִיקַר״תיקד#3#״ דַחלְתִי בְעֵינֵי שְאָרַא דְעַמָא הָדֵין בְיוֹמַיָא הָאִינוּן אַף קְֹדָמַי יִיקְרוּן אֲמַר יוי צְבָאוֹת׃
(1) 70:80 כִדנָן אֲמַר יוי צְבָאוֹת הָאֲנָא פָרֵיק יָת עַמִי מֵאֲרַע רַחִיקָא״מַדנְחָא#2#״ וֻמֵאֲרַע מָעֲלָנֵי שִמשָא׃
(1) 80:80 וְאַעֵיל יָתְהוֹן וְיִשרוֹן בְגוֹ יְרוּשלַם וִיהוֹן קְֹדָמַי לְעַם וַאֲנָא אַהוֵי לְהוֹן לַאֲלָה בִקשוֹט וֻבזַכוּ׃
(1) 90:80 כִדנָן אֲמַר יוי צְבָאוֹת יִתַקְפָן יְדֵיכוֹן דְשָמְעִין בְיוֹמַיָא הָאִלֵין״האינון#3#״ יָת פִתגָמַיַא הָאִלֵין מִפוּם נְבִיַיָא <דייי#3#> דִביוֹמָא דְשָרִי לְאִשתַכלָלָא בֵית מַקדְשָא דַיוי צְבָאוֹת הֵיכְלָא לְאִתבְנָאָה׃
(1) 01:80 אֲרֵי קְֹדָם מֵיתֵי יוֹמַיָא הָאִנוּן״האילין#3#״ אַגרָא דַאֲנָשָא לָא הֲוָה וְאַגרָא דִבעִירָא לָיְתוֹהִי וְלנָפְקַיָא וֻלעָלַיָא לֵית שְלָמָא מִן מָעִיקָא וַאֲגָרֵי יָת כָל אֲנָשָא גְבַר בְחַברֵיה׃
(1) 11:80 וֻכעַן לָא כְיוֹמַיָא קַדמָאֵי אֲנָא לִשאָרָא דְעַמָא הָדֵין אֲמַר יוי צְבָאוֹת׃
(1) 21:80 אֲרֵי בְעִדָנָא הַהוּא זַרעָא יְהֵי שְלָם גוּפנָא תִתֵין אִבַה וְאַרעָא תִתֵין יָת עֲלַלתַה וֻשמַיָא יְשַמְשוּנוּנוּן בְטַלְהוֹן וְאַחסֵין \יָת שְאָרָא ״לִשאָרָא#2#״ דְעַמָא הָדֵין יָת כָל בִרכָתָא הָאִלֵין׃
(1) 31:80 וִיהֵי כְמָא דַהֲוֵיתוֹן לוֹטָא בְעַמְמַיָא בֵית יְהוּדָה וֻבֵית יִשרָאֵל כֵין אַפרוֹק יָתְכוֹן וֻתהוֹן מְבָרְכִין לָא תִידחֲלוּן יִתַקְפָן יְדֵיכוֹן׃
(1) 41:80 אֲרֵי כִדנָן אֲמַר יוי צְבָאוֹת כְמָא דְחַשֵיבִית לְאַבאָשָא לְכוֹן כַד אַרגִיזוּ אֲבָהָתְכוֹן קְֹדָמַי אֲמַר יוי צְבָאוֹת וְלָא תָב מֵימְרִי׃
(1) 51:80 כֵין תַבִית חַשֵיבִית בְיוֹמַיָא הָאִלֵין״האינון#3#״ לְאֵיטָבָא לְיָתְבֵי יְרוּשלַם וְלִדבֵית יְהוּדָה לָא תִדחֲלוּן׃
(1) 61:80 אִלֵין פִתגָמַיָא דְתַעבְדוּן מַלִילוּ קֻשטָא גְבַר עִם חַברֵיה קוּשטָא וְדִינָא דִשלָמָא דִינוּ בְקִרוֵיכוֹן״בארעכון#3#״׃
(1) 71:80 וֻגבַר יָת בִישוּת חַברֵיה לָא תַחשְבוּן בְלִבְכוֹן וֻשבוּעֲתָא דְשִקרָא לָא תִרחֲמוּן אֲרֵי יָת כָל אִלֵין דְרַחֵיקִית אֲמַר יוי׃
(1) 81:80 וַהֲוָה פִתגָם נְבוּאָה מִן קְֹדָם יוי צְבָאוֹת עִמִי לְמֵימַר׃
(1) 91:80 כִדנָן אֲמַר יוי צְבָאוֹת צוֹמָא רְבִיעָאָה וְצוֹמָא חֲמִישָאָה וְצוֹמָא שְבִיעָאָה וְצוֹמָא עֲסִירָאָה יְהֵי לְבֵית יְהוּדָה לִביָע וֻלחַדוָא וֻלמוֹעֲדִין טָבִין וְקֻשטָא וֻשלָמָא רְחַמוּ׃
(1) 02:80 כִדנָן אֲמַר יוי צְבָאוֹת עוֹד דְיֵיתוֹן״דיתבון#3#״ עַמְמִין וְיַתְבֵי קִרוִין סַגִיאָן׃
(1) 12:80 וִיהָכוּן יָתְבֵי חֲדָא עִם חֲדָא לְמֵימַר נֵיזֵיל מֵיזָל לַצַלָאָה קְֹדָם יוי וֻלמִתבַע אוּלפָן מִן קְֹדָם יוי צְבָאוֹת דֵין לְדֵין יֵימַר אֵיזֵיל אַף אֲנָא׃
(1) 22:80 וְיֵיתוֹן עַמְמִין סַגִיאִין וֻמַלכְוָון רַברְבָן לְמִתבַע אוּלפָן מִן קְֹדָם יוי צְבָאוֹת בִירוּשלַם וֻלצַלָאָה קְֹדָם יוי׃
(1) 32:80 כִדנָן אֲמַר יוי צְבָאוֹת בְיוֹמַיָא הָאִנוּן דְיַתקְפוּן עַסרָה גֻברִין מִכָל לִישָנֵי עַמְמַיָא וְיַתקְפוּן בִכנַף גְבַר יְהוּדַאי לְמֵימַר נֵיזֵיל עִמְכוֹן אֲרֵי שְמַענָא דְמֵימְרָא דַיוי בְסַעדְכוֹן׃

next chapter