H The Comprehensive Aramaic Lexicon

CAL CODE HELP CLICK HERE
click on the file description for more information

51025: TgJ Ze

click on a word for lexical analysis
Click on a red-colored coordinate for comments and/or translations of the line

previous chapter


(1) 10:60 וְתַבִית וֻזקַפִית עֵינַי וַחֲזֵית וְהָא אַרבַע רַתִיכַיָא נָפְקָן מִבֵין תְרֵין טוּרַיָא וְטוּרַיָא טוּרֵי נְחָשָא׃
(1) 20:60 בִרתִיכָא קַדמֵיתָא סוּסָוָון סוּמָקִין וֻבִרתִיכָא תִניֵיתָא סוּסָוָון אוּכָמִין׃
(1) 30:60 וֻבִרתִיכָא תְלִיתֵיתָא סוּסָוָון חִוָרִין וֻבִרתִיכָא רְבִיעֵיתָא סוּסָוָון פַצִיחִין קִטמָנִין׃
(1) 40:60 וַאֲתֵיבִית וַאֲמַרִית לְמַלאֲכָא \דִי מְמַלֵיל ״דִממַלֵיל#2#״ עִמִי מָא אִלֵין רִבוֹנִי׃
(1) 50:60 וַאֲתֵיב מַלאֲכָא וַאֲמַר לִי אִלֵין אַרבַע מַלכְוָון דְאִנוּן״דְאִנִין#2#״ כְאַרבַע רוּחֵי שְמַיָא גָליָן מִלאִתעַתָדָא קְֹדָם רִבוֹן \כָל אַרעָא ״עלמא על ארעא#3#״׃
(1) 60:60 דְבַה סוּסָוָון אוּכָמִין נָפְקִין לַאֲרַע צִפוּנָא וְחִיוָרִין נְפַקוּ בָתְרֵיהוֹן וֻפַצִיחִין נְפַקוּ לַאֲרַע דָרוֹמָא׃
(1) 70:60 וְקִטמָנִין נְפַקוּ וֻבעוֹ לְמֵיזַל לְהַלָכָא בְאַרעָא וַאֲמַר אִיזִילוּ הַלִיכוּ בְאַרעָא וְהַלִיכוּ בְאַרעָא׃
(1) 80:60 וְאַכרֵיז עֲלַי וֻמַלֵיל עִמִי לְמֵימַר חֲזִי דְגָלַן״דְבָלַן#2#״דנפקינ#3#״ לַאֲרַע צִפוּנָא אֵימַר לְהוֹן עֲבִידוּ יָת רְעוּתִי בַאֲרַע צִפוּנָא׃
(1) 90:60 וַהֲוָה פִתגָם נְבוּאָה מִן קְֹדָם יוי עִמִי לְמֵימַר׃
(1) 01:60 סַב מִן בְנֵי גָלוּתָא מֵחַלדַי וֻמִן״בן#3#״ טוֹבִיָה וֻמִן יְדַעיָה וְתֵיתֵי אַת בְיוֹמָא״בעידנא#3#״ הַהוּא וְתֵיעוֹל לְבֵית יֹאשִיָה בַר צְפַניָה דַאֲתוֹ מִבָבַל׃
(1) 11:60 וְתִיסַב כְסַף וֻדהַב וְתַעֲבֵיד כְלִיל רַב וֻתשַוֵי״ותשרי#3#״ בְרֵיש יְהוֹשֻעַ בַר יְהוֹצָדָק כָהֲנָא רַבָא׃
(1) 21:60 וְתֵימַר לֵיה <לְמֵימַר#2#> כִדנָן אֲמַר יוי צְבָאוֹת לְמֵימַר הָא גֻברָא מְשִיחָא שְמֵיה עֲתִיד דְיִתגְלֵי וְיִתרַבֵי וְיִבנֵי יָת הֵיכְלָא דַיוי׃
(1) 31:60 וְהוּא יִבנֵי יָת הֵיכְלָא דַיוי וְהוּא יִטוּל זִיו וְיִתֵיב וְיִשלוֹט עַל כוּרסוֹהִי וִיהֵי כָהִין <רַב עַל כוּרסוֹהִי#2#״משמיש על כורסוהי#3#> וֻמִלכָא דִשלָמָא יְהֵי בֵין תַרוֵיהוֹן׃
(1) 41:60 וְתֻשבְחָא תְהֵי לְחֵילַם וֻלטוֹבִיָה וְלִידַעיָה וֻלחֵן בַר צְפַניָה לְדֻכרָנָא בְהֵיכְלָא דַיוי׃
(1) 51:60 וֻמֵאֲרַע רַחִיקָא יֵיתוֹן וְיִבנוֹן בְהֵיכְלָא דַיוי וְתִדְעוּן אֲרֵי יוי צְבָאוֹת שַלחַנִי לְאִתנָבָאָה לְכוֹן״עליכון#3#״ וִיהֵי אִם קַבָלָא תְקַבְלוּן לְמֵימְרָא דַיוי אֲלָהֲכוֹן׃

next chapter