H The Comprehensive Aramaic Lexicon

CAL CODE HELP CLICK HERE
click on the file description for more information

51025: TgJ Ze

click on a word for lexical analysis
Click on a red-colored coordinate for comments and/or translations of the line

previous chapter


(1) 10:30 וְאַחזְיַנִי יָת יְהוֹשֻעַ כָהֲנָא רַבָא קָאֵים קְֹדָם מַלאֲכָא דַיוי וֻחטָא קָאֵים עַל יַמִינֵיה לְאַסטָנָא לֵיה׃
(1) 20:30 וַאֲמַר יוי לִחטָא יִגעַר״ינזיף#3#״ יוי בָך חְטָא וְיִגעַר״וינזיף#3#״ יוי בָך דְאִתרְעִי לְאַשרָאָה שְכִינְתֵיה בִירוּשלַם הֲלָא דֵין <הוא יהושע בר יהוצדק כהנא דדמי#3#״הלא דין צדיקא דמתיל לאודא#3#״> אוּד מְשֵיזָב מִיְקֵידָא׃
(1) 30:30 וִיהוֹשֻעַ הֲוָה לֵיה בְנִין דִנסִיבָן לְהוֹן נְשִין דְלָא כָשְרָן לִכהוּנְתָא וְקָאֵים קְֹדָם מַלאֲכָא <דייי#3#>׃
(1) 40:30 וַאֲתֵיב וַאֲמַר לְדִמשַמְשִין קְֹדָמוֹהִי לְמֵימַר אֵימַרוּ לֵיה״ליהושע#3#״ וְיַפֵיק נְשִין דְלָא כָשְרָן לִכהוּנְתָא מִבֵיתֵיה וַאֲמַר לֵיה חֲזִי דְאַעדִיתִי מִנָך חוֹבָך וְאַלבֵישִית יָתָך זָכְוָן׃
(1) 50:30 וַאֲמַר שַווֹ מַצנְפָא דַכיָא עַל רֵישֵיה וְשַוִיאוּ מַצנְפָא דַכיָא עַל רֵישֵיה וְאַסבוּהִי אִיתְתָא דְכַשְרָא לִכהוּנְתָא וֻמַלאֲכָא דַיוי קָאֵים׃
(1) 60:30 וְאַסהֵיד מַלאֲכָא דַיוי בִיהוֹשֻעַ לְמֵימַר׃
(1) 70:30 כִדנָן אֲמַר יוי צְבָאוֹת אִם בְאוֹרחָן דְתָקְנָן קְֹדָמַי״קדם ייי#3#״ תְהָך וְאִם יָת מַטֲרַת מֵימְרִי תִיטַר וְאַף אַת תְדִין לְדִמשַמְשִין בְבֵית מַקדְשִי וְאַף תִיטַר יָת עַזרָתָי וֻבאַחָיוּת מִיתַיָא אֲחֵינָך וְאַתֵין לָך רַגלִין <קלילין#3#> מְהַלְכָן בֵין סִרפַיָא״ספריא#3#״ הָאִלֵין׃
(1) 80:30 שְמַע כְעַן יְהוֹשֻעַ כָהֲנָא רַבָא אַת <וחנניה מישאל ועזריה#3#> וְחַברָך דְיָתְבִין קְֹדָמָך אֲרֵי גֻברִין כָשְרִין לְמַעֲבַד לְהוֹן נִסָא אִנוּן אֲרֵי הָאֲנָא מֵיתֵי יָת עַבדִי מְשִיחָא וְיִתגְלֵי׃
(1) 90:30 אֲרֵי הָא אַבנָא דִיהַבִית קְֹדָם יְהוֹשֻעַ עַל אַבנָא חֲדָא שִבעָה חָזיָן לַה הֲאֲנָא גָלֵי חָזיָתַה אֲמַר יוי צְבָאוֹת וְאַעדִי יָת חוֹב אַרעָא הַהִיא בְיוֹמָא חַד׃
(1) 01:30 בְעִדָנָא הַהוּא אֲמַר יוי צְבָאוֹת תְעָרְעוּן גְבַר לְחַברֵיה לִתחוֹת פֵירֵי גוּפנוֹהִי וְלִתחוֹת״וגבי לתחות#3#״ פֵירֵי תֵינוֹהִי׃

next chapter