H The Comprehensive Aramaic Lexicon

CAL CODE HELP CLICK HERE
click on the file description for more information

51019: TgJ Jonah

click on a word for lexical analysis
Click on a red-colored coordinate for comments and/or translations of the line

previous chapter


(1) 10:40 וֻבאֵיש לְיוֹנָה בִישָא רַבָא וֻתקֵיף לֵיה׃
(1) 20:40 וְצַלִי קְֹדָם יוי וַאֲמַר קַבֵיל בָעוּתִי יוי הֲלָא דֵין״דא#3#״ פִתגָמִי \עַד דַהֲוֵיתִי ״כד הויתי#3#״ קַיָים עַל אַרעִי עַל כֵין אוֹחִיתִי לְמִערַק לְיַמָא אֲרֵי יָדַענָא אֲרֵי אַת אֲלָהָא חַנָנָא וְרַחמָנָא מַרחֵיק רְגַז וֻמַסגֵי לְמַעֲבַד טַבוָון וֻמתִיב מֵימְרֵיה מִלְאֵיתָאָה בִישָא׃
(1) 30:40 וֻכעַן יוי סַב כְעַן יָת נַפשִי מִנִי אֲרֵי טָב דַאֲמוּת מִדְאֵיחֵי׃
(1) 40:40 וַאֲמַר יוי הֲלַחדָא תְקוֹף לָך׃
(1) 50:40 וֻנפַק יוֹנָה מִן קַרתָא וִיתֵיב מִמַדנַח לְקַרתָא וַעֲבַד לֵיה תַמָן מְטַלְתָא וִיתֵיב תְחוֹתַה בְטוּלָא עַד דְיִחזֵי מָא יְהֵי בְסוֹף קַרתָא׃
(1) 60:40 וְזָמֵין יוי אֲלֹהִים קִיקָיוֹן וֻסלֵיק עֵיל מִן יוֹנָה לְמִהוֵי טוּלָא עַל רֵישֵיה לְאַגָנָא לֵיה״עלוהי#3#״ מִבִשתֵיה וַחדִי יוֹנָה עַל קִיקָיוֹן חַדָוא רַבָא׃
(1) 70:40 וְזָמֵין יוי <ית#3#> תוֹלַעתָא בְמִיסַק צַפרָא דְיוֹמָא דְבָתְרוֹהִי וֻמחָת״ומחא#3#״ יָת קִיקָיוֹן וִיבֵיש״ובאש#3#״׃
(1) 80:40 וַהֲוָה כְמַדנַח שִמשָא וְזָמֵין יוי רוּחַ קִידוּמָא שְתִיקְתָא וֻטפַחַת שִמשָא עַל רֵישָא דְיוֹנָה וְאִשתַלהִי וֻשאֵיל יָת נַפשֵיה לִממָת וַאֲמַר טָב דַאֲמוּת מִדְאֵיחֵי׃
(1) 90:40 וַאֲמַר יוי לְיוֹנָה הֲלַחדָא תְקוֹף לָך עַל קִיקָיוֹן וַאֲמַר לַחדָא״תקנא#3#״ תְקוֹף לִי עַד מוֹתָא׃
(1) 01:40 וַאֲמַר יוי אַת חַסתָא עַל קִיקָיוֹן דְלָא עֲמַלתָא״לאיתת#3#״ בֵיה וְלָא רַבִיתָהִי דִי בְלֵיליָא הָדֵין הֲוָה וֻבלֵיליָא אוּחרָנָא אֲבַד׃
(1) 11:40 וַאֲנָא לָא אֲחוּס עַל נִינְוֵה קַרתָא רַבְתָא דְאִית בַה סַגִי מִתַרתַא עַסרֵי רִבוֹ אֲנָשָא דְלָא יְדַע בֵין יְמִינֵיה לִסמָאלֵיה וֻבעִיָרא סַגִי׃