H The Comprehensive Aramaic Lexicon

CAL CODE HELP CLICK HERE
click on the file description for more information

51017: TgJ Am

click on a word for lexical analysis
Click on a red-colored coordinate for comments and/or translations of the line

previous chapter


(1) 10:30 קַבִילוּ יָת פִיתגָמָא הָדֵין״דייי#3#״ דִגזַר״דמליל#3#״ יוי עֲלֵיכוֹן בְנֵי״בית#3#״ יִשרָאֵל עַל כָל זַרעִיתָא דְאַסֵיקִית מֵאַרעָא דְמִצרַיִם לְמֵימַר׃
(1) 20:30 לְחוֹד בְכוֹן אִתרְעִיתִי מִכָל זַרעֲיָת אַרעָא עַל כֵין אַסעַר עֲלֵיכוֹן יָת כָל חוֹבֵיכוֹן׃
(1) 30:30 הַיֲהָכוּן תְרֵין כַחדָא אֲלָהֵין״אלא#3#״ אִם אִזדָמַנוּ׃
(1) 40:30 הֲיִנהוֹם אַריָא בְחוּרשָא וְצֵיד לֵית לֵיה הַירִים בַר אַריָוָן קָלֵיה מִמַרבוֹעִיתֵיה אְלָהֵין אִם אְחַד׃
(1) 50:30 הֲתִפוֹל צִיפְרָא בְקוּלָא עַל אַרעָא וְצַיָיד לֵית לַה הֲיִשוַר קוּלָא מִן אַרעָא וֻמֵיחַד לָא יֵיחוֹד׃
(1) 60:30 אִם יִתְקַע שוֹפָרָא בְקַרתָא בְלָא זִמנֵיה וְעַמָא דְבַה לָא יְזוּעוּן אִם תְהֵי בִשתָא בְקַרתָא וֻמִן קְֹדָם יוי לָא אִתעֲבֵידַת׃
(1) 70:30 אֲרֵי״אם#3#״ לָא כָשְרִין פִתגָמִין דְמִתעַבדִין קְֹדָם יוי אֲלֹהִים אֲלָהֵין גָלֵי רָזֵי לְעַבדוֹהִי נְבִיַיָא׃
(1) 80:30 אַריָא נָהֵים״אריא דבי עילאה נהם#3#״ מַן לָא יִדחַל יוי אֲלֹהִים מַלֵיל מַן לָא יְקַבֵיל נְבוּאֲתָא׃
(1) 90:30 בַסַרוּ עַל בִירָניָת בְאַשדוֹד וְעַל בִירָניָת בְאַרעָא דְמִצרָיִם וְאֵימַרוּ אִתכַנַשוּ״אִתכְנַשוּ#2#״ עַל טוּרֵי שוּמְרוֹן וַחֲזוֹ שִגוּשיָא סַגִיאָה בְגַוַה וְאָנוֹסִין בְגַוַה״דִבגַוַה#2#״׃
(1) 01:30 וְלָא יַדְעִין לְמַעֲבַד אוֹרָיתָא אֲמַר יוי דְמָלַן אוֹצְרֵיהוֹן חֲטוֹף וֻבִיזָא בְבִירָניָתְהוֹן׃
(1) 11:30 בְכֵין כִדנָן אֲמַר יוי אֲלֹהִים עָקָא תַקְפַה לְאַרעָא״ית ארעא#3#״ וְיִבטַל מִנִיך תֻקפִיך וְיִתבָזְזוּן בִירָניָתַך׃
(1) 21:30 כִדנָן אֲמַר יוי <אלהים#3#> כְמָא דִמשֵיזֵיב רָעֲיָא מִפוּמָא דְאַריָא תַרתֵין כַרעִין אוֹ חַסחֵיס דְאוֹדַן כֵין יִשתֵיזְבוּן בְנֵי יִשרָאֵל דְיָתְבִין בְשוֹמְרוֹן בִתקוֹף שֻלטָן וְעַל דַמַשַק רְחִיצִין׃
(1) 31:30 שְמַעוּ״קבילו#3#״ וְאַסהִידוּ בִדבֵית״בְבֵית#2#״ יַעֲקֹב אֲמַר יוי אֲלֹהִים אֲלָהֵי צְבָאוֹת׃
(1) 41:30 אֲרֵי בְיוֹם אַסעָרוּתִי חוֹבֵי יִשרָאֵל עֲלוֹהִי וְאַסעַר עַל דְפָלְחִין לְאֵיגוֹרַיָא בְבֵית אֵל״בבהיל#3#״ וְיִתקַטפָן קַרנָת אֵגוֹרָא״מדבחא#3#״ וְיִפְלָן לְאַרעָא׃
(1) 51:30 וְאַמחֵי בֵית סִתוָא״סתרא#3#״ עַל בֵית קֵיטָא וְיֵיבְדוּן בָתִין דִמכַבְשִין בְשַן״בְשֵין#2#״ דְפִיל וִיסוּפוּן בָתִין״בהון#3#״ סַגִיאִין אֲמַר יוי׃

next chapter