H The Comprehensive Aramaic Lexicon

CAL CODE HELP CLICK HERE
click on the file description for more information

51016: TgJ Joel

click on a word for lexical analysis
Click on a red-colored coordinate for comments and/or translations of the line

previous chapter


(1) 10:40 אֲרֵי הָא בְיוֹמַיָא הָאִינוּן וֻבעִדַנָא הַהוּא דְאָתֵיב יָת גָלוּת אֲנָש יְהוּדָה וְיָתְבֵי יְרוּשְלָם׃
(1) 20:40 וַאֲכַנֵיש יָת כָל עַמְמַיָא וְאַחֵיתִנוּן לְמֵישַר פִלוּג דִינָא וְאַתפְרַע מִנְהוֹן תַמָן עַל עַמִי וְאַחסָנְתִי יִשרָאֵל דְבַדַרוּ בֵינֵי עַמְמַיָא וְיָת אַרעִי פַלִיגוּ׃
(1) 30:40 וֻבעַמִי רְמוֹ עַדבִין וִיהַבוּ עוּלֵימָא בַאֲגַר זָנִיתָא וְעוּלֵימְתָא זַבִינוּ בְחַמרָא ואִשתִיאוּ׃
(1) 40:40 וְאַף מָא אַתוּן חֲשִיבִין קְֹדָמַי צוֹר וְצִידוֹן וְכָל תְחוּמֵי פְלִשתָאֵי הֲגַמלָא אַתוּן מְשַלְמִין קְֹדָמַי אִם גָמְלִין אַתוּן קְֹדָמַי קַלִיל בִפרִיַע אֲתִיב גִמלְכוֹן בְרֵישְכוֹן׃
(1) 50:40 דְכַספִי וְדַהֲבִי נְסֵיבתוּן וֻמָנֵי חַמדְתִי טָבַיָא אַעֵילתוּן לְהֵיכְלֵיכוֹן׃
(1) 60:40 וֻבנֵי יְהוּדָה וֻבנֵי יְרוּשְלַם זַבֵינתוּן לִבנֵי יַונָאֵי בְדִיל לְאַרחָקוּתְהוֹן מֵעַל תְחוּמְהוֹן׃
(1) 70:40 הָאֲנָא מֵיתֵי לְהוֹן בִגלַי מִן אַתרָא דְזַבֵינתוּן יָתְהוֹן לְתַמָן וַאֲתֵיב גְמוּלְכוֹן בְרֵישְכוֹן׃
(1) 80:40 וְאַמסַר יָת בְנֵיכוֹן וְיָת בְנָתְכוֹן בְיַד בְנֵי יְהוּדָה וִיזַבְנוּנוּן לִבנֵי שְבָא לְעַמָא רַחִיקָא אֲרֵי בְמֵימְרָא דַיוי גְזִיר כֵין׃
(1) 90:40 {אֲכַלוּ}״אַכלוֹ#3#״ דָא בְעַמְמַיָא זָמִינוּ עָבְדֵי קְרָבָא יֵיתוֹן בִגלַי גִיבָרַיָא יִתקָרְבוּן יִסְקוּן כָל גֻברֵי עָבְדֵי״מגיחי#3#״ קְרָבָא׃
(1) 01:40 אַתקִינוּ סִכֵיכוֹן לְסֵיפִין וֻמַגְלֵיכוֹן לְמוֹרָניָן דְחַלָש יֵימַר גִיבָרָא אֲנָא׃
(1) 11:40 יִתכַנשוּן וְיֵיתוֹן כָל עַמְמַיָא מִסְחוֹר סְחוֹר וְיִתקָרְבוּן תַמָן יִתבַר יוי תְקוֹף גִיבָרֵיהוֹן׃
(1) 21:40 יֵיתוֹן בִגלַי וְיִסְקוּן עַמְמַיָא לְמֵישַר פִלוּג דִינָא אֲרֵי תַמָן אַתגְלִי לִמדָן יָת כָל עַמְמַיָא מִסְחוֹר סְחוֹר׃
(1) 31:40 אוֹשִיטוּ בְהוֹן חַרבָא אֲרֵי מְטָא זְמָן קִיצְהוֹן חוּתוּ דוֹשִישוּ קְטִילֵי גִיבָרֵיהוֹן כִבעֵיט״כִבעוֹט#2#״ דְמִתבְעֵיט בִמעַצרָא אֲשוּדוּ דַמהוֹן אֲרֵי סְגִיאַת בִישָתְהוֹן׃
(1) 41:40 מַשרְיָן מַשרְיָן בְמֵישַר פִלוּג דִינָא אֲרֵי קָרִיב יוֹמָא דַעֲתִיד לְמֵיתֵי מִן קְֹדָם יוי בְמֵישַר פִלוּג דִינָא׃
(1) 51:40 שִמשָא וְסֵיהֲרָא קְבַלוּ וְכוֹכְבַיָא כְנַשוּ זֵיהוֹרֵיהוֹן׃
(1) 61:40 וַיוי מִצִיוֹן יַכלֵי וֻמִירוּשְלַם יְרִים מֵימְרֵיה וְיִזוּעוּן שְמַיָא וְאַרעָא וַיוי סְמָך לְעַמֵיה וְסָעֵיד״וֻסעֵיד#3#״ לִבנֵי יִשרָאֵל׃
(1) 71:40 וְתִדְעוּן אֲרֵי אֲנָא יוי אֲלָהֲכוֹן אַשרִיתִי שְכִינְתִי בְצִיוֹן טוּרָא דְקֻדשִי וֻתהֵי יְרוּשלַם קוּדשָא וְנֻכרָאִין לָא יִעדוֹן״יעיברון#3#״ בַה עוֹד׃
(1) 81:40 וִיהֵי בְעִדָנָא הַהוּא יְרַבוֹן טוּרַיָא חֲמַר מְרֵית״מְרִית#3#״ וְרָמָתָא יִגְדָן״ידבון#3#״ טוּבָא וְכָל פְצִידֵי בֵית יְהוּדָה יְהָכוּן מַיָא וֻמַבוּעַ מִבֵית מַקדְשָא דַיוי יְהֵי נָפֵיק וִיהֵי מַשקֵי יָת מֵישַר שִטִין׃
(1) 91:40 מִצרַיִם לְצָדוּ תְהֵי וַאֲדוֹם לְמַדבַר צָדוּ תְהֵי מֵחֲטוֹף בְנֵי יְהוּדָה דַאֲשַדוּ דַם זַכַי בַאֲרַעהוֹן׃
(1) 02:40 וִיהוּדָה לְעָלַם תִתֵב וִירוּשְלַם לְדָר וְדָר׃
(1) 12:40 וֻדאִתפְרַעִית דַמהוֹן מִן עַמְמַיָא תוּב אֲנָא עַתִיד לְאִתפְרָעָא אֲמַר יוי דְאַשרִי שְכִינְתֵיה בְצִיוֹן׃