H The Comprehensive Aramaic Lexicon

CAL CODE HELP CLICK HERE
click on the file description for more information

51016: TgJ Joel

click on a word for lexical analysis
Click on a red-colored coordinate for comments and/or translations of the line

(1) 10:10 פִתגָם נְבוּאָה מִן קְֹדָם יוי דַהֲוָה עִם יוֹאֵל בַר פְתוּאֵל׃
(1) 20:10 שְמַעוּ דָא סָבַיָא וְאַצִיתוּ כָל יָתְבֵי אַרעָא הַהְוָת דָא בְיוֹמֵיכוֹן וְאִם בְיוֹמֵי אֲבָהָתְכוֹן׃
(1) 30:10 עֲלַה לִבנֵיכוֹן אִשתַעוֹ וֻבנֵיכוֹן לִבנֵיהוֹן וֻבנֵיהוֹן לְדָר אַחְֹרָן׃
(1) 40:10 מוֹתַר זַחלָא אֲכַל גוֹבָא וְמוֹתַר גוֹבָא אֲכַל פַרחָא וְמוֹתַר פַרחָא אֲכַל שָמוֹטָא׃
(1) 50:10 ״אִתעִירֻי״אִתְעִירוּ#1#״ רָויָא וֻבכוֹ וְאֵילִילוּ כָל שָתֵי חֲמַר עַל חֲמַר מְרִית אֲרֵי אִתמְנַע מִפוּמְכוֹן׃
(1) 60:10 אֲרֵי עַמָא סָלֵיק עַל אַרעִי תַקִיף וְלֵית דְמִניָן שִינוֹהִי שִנֵי אַריֵה וְנִיבוֹהִי כְבַר אַריָוָן׃
(1) 70:10 שַוִי פֵירֵי גוּפנֵי עַמִי לְצָדוּ וְתֵינֵיהוֹן לְמַפְחַת נְפַש מְקֻלַף קְלָף וֻרמָא חַוַרוּ״איתחדרון#3#״ שִבשַהָא׃
(1) 80:10 כְנִשתָא דְיִשרָאֵל עֲבִידִי אִליָא כִבתוּלָא דַאֲסִירָא סַקָא לְמִספַד עַל בַעַל עוּלֵימוּתַהָא׃
(1) 90:10 פְסַקוּ קוּרבָנִין וְנִסכִין מִבֵית מַקדְשָא דַיוי וְאִתאַבַלוּ כָהֲנַיָא דִמשַמְשִין בְבֵית מַקדְשָא דַיוי׃
(1) 01:10 אִתבְזִיזוּ חַקלַיָא חֲרוֹבַת אַרעָא אֲרֵי סָף עִיבוּרָא יְבִישוּ גוּפנַיָא נְתַרוּ זֵיתַיָא׃
(1) 11:10 בְהִיתוּ אִיכָרַיָא אֵילִילוּ מַפלְחֵי כַרמַיָא עַל חִטִין וְעַל סְעָרִין אֲרֵי סָף חֲצָד חַקלָא׃
(1) 21:10 גוּפנַיָא יְבִישוּ וֻתֵינַיָא נְתַרָא רִמוֹנִין אַף דִקלִין וְחַזוּרִין כָל אִילָנֵי חַקלָא יְבִישוּ אֲרֵי פְסַקַת חַדוְתָא מִבְנֵי אֲנָשָא׃
(1) 31:10 אֲסַרוּ וֻספוּדוּ כָהֲנַיָא אֵילִילוּ \״עַל מַדְבחָא עולו בִיתוּ בְסַקַיָא#3#״ דִמשַמְשִין קְֹדָם אֲלָהִי אֲרֵי אִתמְנַע מִבֵית מַקדְשָא דַאֲלָהֲכוֹן קוּרבָנִין וְנִסכִין׃
(1) 41:10 גְזַרוּ תַענֵי״צוֹמָא#3#״ עָרַעוּ כְנֵישָא כְנוּשוּ סָבַיָא כָל יָתְבֵי אַרעָא וְעוּלוּ לְבֵית מַקדְשָא דַיוי אֲלָהֲכוֹן וְצַלוֹ קְֹדָם יוי׃
(1) 51:10 וָי מִן קְֹדָם יוֹמָא אֲרֵי קָרִיב יוֹמָא דַעֲתִיד לְמֵיתֵי מִן קְֹדָם יוי וֻכבִיזָא״ובזוזא#3#״ מִן קְֹדָם שַדַי יֵיתֵי׃
(1) 61:10 הָא עַד דַאֲנַחנָא חָזַן עִיבוּרָא סָף פְסַק מִבֵית מַקדְשָא דַאֲלָהַנָא חַדוָא וֻביָע׃
(1) 71:10 אִתמְסִיאוּ גַרבֵי״גְרָבֵי#3#״ חֲמַר תְחוֹת מְגוּפַתהוֹן צַדִיאוּ אוֹצְרַיָא אִתפַגַרוּ חוּסנַיָא״אוסניא#3#״״אִסְנַיָא#3#״אִטְנַיָא#3#״ אֲרֵי סָף עִיבוּרָא׃
(1) 81:10 לַחדָא מִתאַנחָא בְעִירָא מִתעַרבְלָן בַקרָן דְתוֹרִין אֲרֵי לֵית רָעֲיָא לְהוֹן אַף עַדרֵי עָנָא צַדִיאוּ׃
(1) 91:10 קְֹדָמָך יוי אֲנָא מְצַלֵי אֲרֵי \קִדוּם תַקִיף כְאִישָא אֲסִיף דֵירָוָת מַדבְרָא ״וְשַלהָבִיתָא שֵיצִיאַת כָל אִילָנֵי חַקלָא#3#״׃
(1) 02:10 אַף חֵיוַת בָרָא מְסַבְרָא קְֹדָמָך אֲרֵי יַבִישוּ פְצִידֵי מַיָא וְקִידוּם תַקִיף כְאִישָא אֲסִיף דֵירָוָת מַדבְרָא׃

next chapter