H The Comprehensive Aramaic Lexicon

CAL CODE HELP CLICK HERE
click on the file description for more information

51015: TgJ Ho

click on a word for lexical analysis
Click on a red-colored coordinate for comments and/or translations of the line

previous chapter


(1) 10:60 יֵימְרוּן אֵיתוֹ וֻנתוּב לְפֻלחָנָא דַיוי אֲרֵי הוּא דִמחַנָא יַסֵינָא וֻדְאַיתִי עֲלַנָא תְבָר יְנִיַח לַנָא׃
(1) 20:60 יְחַיֵינַנָא לְיוֹמֵי נַחָמָתָא דַעֲתִידִין לְמֵיתֵי בְיוֹם אֲחָיוּת מִיתַיָא יְקִימִינַנָא וְנֵיחֵי קְֹדָמוֹהִי׃
(1) 30:60 וְנֵילַף נִרדוֹף לְמִידַע יָת דַחלְתָא דַיוי כְנֵיהוֹר צַפרָא דִמקֻשַט בְמִפְקֵיה וְיַיתֵי בִרכָן לַנָא כִמטַר מְגַבַר וֻכלַקִישָא דִמרַוֵי אַרעָא׃
(1) 40:60 מִן קְֹדָם דִין דִקשוֹט מָא אַעֲבֵיד לְכוֹן דְבֵית אַפרַיִם מָא אַעֲבֵיד לְכוֹן דְבֵית יְהוּדָה וְטָבוּתְכוֹן כַעֲנַן צַפרָא וֻכטַלָא דְמוֹחֵי פְסִיק׃
(1) 50:60 עַל דְאַזהַרתִנוּן בִשלִיחוּת נְבִיַי וְלָא תָבוּ אַיתִיתִי עֲלֵיהוֹן קָטוֹלִין עַל דַעֲבַרוּ עַל מֵימַר רְעוּתִי וְדִינִי כְנֵיהוֹר נָפֵיק׃
(1) 60:60 אֲרֵי בְעָבְדֵי חִסדָא רַעֲוָא קְֹדָמַי מִדְדָבַח וְעָבְדֵי אוֹרָיתָא דַיוי מִמַסְקֵי עֲלָוָן׃
(1) 70:60 וְאִינוּן כְדָרַיָא קַדמָאֵי עֲבַרוּ עַל קְיָמִי בְאֲרַע טָבָא דִיהַבִית לְהוֹן לְמַעֲבַד רְעוּתִי תַמָן שַקַרוּ בְמֵימְרִי׃
(1) 80:60 גִלעָד קִריַת אָנוֹסִין בְנִכלִין אָשְדִין דַם זַכַי׃
(1) 90:60 אִתחַבַרוּ אִנוּן וְכָהֲנֵיהוֹן בְאוֹרַח חֲדָא קָטֲלִין נַפשָן כְתַף חַד אֲרֵי עֵיצַת חְטִין עֲבַדוּ׃
(1) 01:60 בְבֵית יִשרָאֵל חֲזֵיתִי שְנוֹ אַשנִיאוּ קְיָמָא דִי גְזִיר עִמְהוֹן דְלָא לְמִפלַח לְטָעֲוָתָא תָבוּ אִנוּן לְמִטעֵי בָתַר עִגלַיָא בְבֵית אֵל תַמָן טְעוֹ בֵית אַפרַיִם אִסתָאַבוּ בֵית יִשרָאֵל׃
(1) 11:60 אַף דְבֵית יְהוּדָה שָרִיאוּ לְאַסגָאָה חוֹבִין אַף לְהוֹן יִמטֵי קִיצָא בְאָתָבוּתִי גָלְוָת עַמִי׃

next chapter