H The Comprehensive Aramaic Lexicon

CAL CODE HELP CLICK HERE
click on the file description for more information

51015: TgJ Ho

click on a word for lexical analysis
Click on a red-colored coordinate for comments and/or translations of the line

previous chapter


(1) 10:40 קַבִילוּ פִתגָמָא דַיוי בְנֵי יִשרָאֵל אֲרֵי דִינָא קְֹדָם יוי עִם יָתְבֵי אַרעָא אֲרֵי לֵית עָבְדֵי קֻשטָא וְלֵית גָמְלֵי חִסדָא וְלֵית דִמהַלְכִין בְדַחלְתָא דַיוי בְאַרעָא׃
(1) 20:40 יָמַן לִשקַר וְכַדבִין וְקָטוֹלֵי נַפשָן וְגָנְבִין וְגָיְפִין מוֹלְדִין בְנִין מִנְשֵי חַברֵיהוֹן וְחוֹבִין עַל חוֹבִין מוֹסְפִין׃
(1) 30:40 עַל כֵין תִחרוּב אַרעָא וְיִצדֵי כָל דְיָתֵיב בַה בְחַיַת בָרָא וֻבעוֹפָא דִשמַיָא וְאַף נוּנֵי יַמָא יִזעֲרוּן מִן קְֹדָם חוֹבֵיהוֹן׃
(1) 40:40 עַל דְאָמְרִין סָפַר לָא יָלֵיף וְלָא יוֹכַח נְבֵי וְעַמָך נָצַן עִם מַלְפֵיהוֹן׃
(1) 50:40 וְתִתקְלוּן בִימָמָא וְיִתַקלוּן אַף נְבִיֵי שִקרָא דְעִמְכוֹן כִיד בְלֵיליָא וְאַבהֵית כְנֵישָתְהוֹן׃
(1) 60:40 אִטְפַשוּ עַמִי מִבְלִי דַעתָא אֲרֵי אַת בְמִידַע דַחלְתִי קַצתָא וַאֲרַחֲקִינַך מִלְשַמָשָא קְֹדָמַי וְעַל דְאִתנְשִיתָא אוֹרָיתָא דַאֲלָהָך אֲרַחֵיק בְנָך אַף אֲנָא׃
(1) 70:40 כְמָא דְאַסגִיתִי לְהוֹן עַלְלָא כֵין אַסגִיוּן לְמִחטֵי קְֹדָמַי יְקָרְהוֹן בִקלָנָא חַלִיפוּ׃
(1) 80:40 כָהֲנַיָא פַסוּ לְמֵיכַל חֲטָוָת עַמִי בְדִיל לְאוֹסָפָא חוֹבִין עַל חוֹבֵי נַפשְהוֹן׃
(1) 90:40 וִיהֵי כְמָא דַאֲשַוֵי חֵילוֹנָאָה כְכָהֲנָא לְאַפָסָא״לאפסקא#3#״ קוּדשִי כֵין אַפֵיס יָת יְקָרְהוֹן וַאֲשַוֵי דְיַקִיר לִדבַסִיר בְדִיל לְאִתפְרָעָא מִנְהוֹן כְאוֹרחָתְהוֹן בִישָתָא וֻכעוֹבָדֵיהוֹן מְקֻלקְלַיָא אֲתֵיב לְהוֹן׃
(1) 01:40 יֵיכְלוּן וְלָא יִסבְעוּן יִסְבוּן נְשִין וְלָא יֵילְדוּן בְנִין אֲרֵי יָת פוּלחָנָא דַיוי שְבַקוּ וְלָא נְטַרוּ׃
(1) 11:40 זְנוּתָא וְחַמרָא וֻרוֵיוָתָא שְלֵיף וְמַטעֵי יָת לִיבְהוֹן׃
(1) 21:40 עַמִי דְבִצלֵים אָעֵיה שָאֵיל וֻמדַמֵי דְחֻטרֵיה מְחַוֵי לֵיה אֲרֵי רוּחַ דְטָעוּ אַטעִיתֻנוּן ״וְטָעוּ״וֻטעוֹ#3#״ מִבָתַר פוּלחַנָא דַאֲלָהֲהוֹן׃
(1) 31:40 עַל רֵישֵי טוּרַיָא מְדַבְחִין וְעַל רָמָתָא מַסְקִין בוּסמִין וֻתחוֹת בַלוּט וֻלבָן וֻבוּטמָא אֲרֵי מְעַפֵי טוּלֵיה עַל כֵין מְזַנְיָן בְנָתְכוֹן דַהֲוַאָה לְכוֹן מִבְנָת עַמְמַיָא וְכַלָתְכוֹן דִנסֵיבתוּן לִבנֵיכוֹן מִן עַמְמַיָא גָיְפָן׃
(1) 41:40 לָא אַסעַר עַל בְנָתְכוֹן אֲרֵי מְזַנְיָן וְעַל כַלָתְכוֹן אֲרֵי גָיְפָן אֲרֵי אִנוּן עִם זָנְיָתָא מִסתַיְעָן וְעִם נָפְקַת בָרָא אָכְלִין וְשָתַן עִם דָרָא דְלָא אִסתַכַל בְאוֹרָיתָא הֲלָא אִתרְטֵיש׃
(1) 51:40 אִם טָעַן אַתוּן דְבֵית יִשרָאֵל לָא יִתחַייַבוּן דְבֵית יְהוּדָה וְלָא תַיתוֹן לְגִלגָלָא וְלָא תַסְקוּן לְבֵית אֵל וְלָא תִשתַבעוּן לִשקַר קַיָים הוּא יוי׃
(1) 61:40 אֲרֵי כְתוֹרָא דְאִתפְטֵים וֻבעַט כֵין מָרֵיד בִסגֵי טוּבָא יִשרָאֵל כְעַן יְדַבְרִינוּן יוי כְאִימַר בְבִקעָא׃
(1) 71:40 אִתחַבַרוּ לְטָעֲוָתָא בֵית יִשרָאֵל שְבַקוּ לְהוֹן יָת פוּלחָנִי׃
(1) 81:40 שִלטוֹנֵיהוֹן אַסגִיאוּ שֵירְיָאן״שֵירָוָן#3#״ מִן אוֹנֵיס בְכֵין ״טָעוּ״טְעוֹ#3#״ אִתפְנִיאוּ בָתַר זְנוּתָא רְחִימוּ דְיֵיתֵי לְהוֹן קְלָנָא רַברְבֵיהוֹן׃
(1) 91:40 עוֹבָדֵי רַברְבֵיהוֹן לָא תָקְנִין כְמָא דְלֵית אִפשָר לִמצָר רוּחַ בִכנַף כְעַן אַיתִי עֲלֵיהוֹן סָנְאָה וְיִבַהתוּן מֵאוֹגְרֵי טָעֲוָתְהוֹן׃

next chapter