H The Comprehensive Aramaic Lexicon

CAL CODE HELP CLICK HERE
click on the file description for more information

51015: TgJ Ho

click on a word for lexical analysis
Click on a red-colored coordinate for comments and/or translations of the line

previous chapter


(1) 10:30 וַאֲמַר יוי לִי עוֹד אִיזֵיל אִתנַבִי נְבוּאָה עַל בֵית יִשרָאֵל דְאִינוּן דָמַן לְאִתְתָא דִרחִימָא עַל בַעלַה וֻמזַנְיָא עֲלוֹהִי וְכָל כְדֵין רָחֵים לַה וְלָא צָבֵי לְמִפטְרַה כֵין רַחְמַת יוי עַל בְנֵי יִשרָאֵל וְאִנוּן מִתפְנַן בָתַר טָעֲוָת עַמְמַיָא בְרַם אִם יְתוּבוּן יִשתְבֵיק לְהוֹן וִיהוֹן דְמַן לִגְבַר דְאִשתְלִי וַאֲמַר מִילָא״מֵילָא#2#״ בְחַמרֵיה׃
(1) 20:30 וֻפרַקתִינוּן בְמֵימְרִי בְיוֹם חֲמֵישַת עֲסַר לְיַרַח נִיסָן וִיהַבִית כְסַף תִקלַיָא כִיפוּר נַפשְהוֹן וַאֲמַרִית דִיקָרְבוּן קְֹדָמַי עוֹמַר אֲרָמוּתָא מֵעַלְלַת סְעָרִין׃
(1) 30:30 נְבִיָא אֵימַר לַה כְנִשתָא דְיִשרָאֵל חוֹבֵיכוֹן גְרַמוּ לְכוֹן דְתִגלוֹן יוֹמִין סַגִיאִין תִתנְהוֹן לְפֻלחָנִי לָא תִטעוֹן וְלָא תִפלְחוּן לְטָעֲוָתָא וָאַף אֲנָא עֲתִיד לְרַחָמָא עֲלֵיכוֹן׃
(1) 40:30 אֲרֵי יוֹמִין סַגִיאִין יִתְבוּן בְנֵי יִשרָאֵל לֵית מַלכָא מִדְבֵית דָוִיד וְלֵית דְעָבֵיד שוּלטָן עַל יִשרָאֵל וְלֵית דְדָבַח לְרַעֲוָא בִירוּשלַם וְלֵית קָמְתָא בְשוֹמְרוֹן וְלֵית אֵפוֹד וֻמחַוֵי׃
(1) 50:30 בָתַר כֵין יְתוּבוּן בְנֵי יִשרָאֵל וְיִתבְעוּן יָת דַחלְתָא דַיוי אֲלָהְהוֹן וְיִשתַמעוּן לִמשִיחָא בַר דָוִיד מַלכְהוֹן וְיִתנְהוֹן לְפוּלחָנָא דַיוי וֻסגֵי טוּבֵיה דְיֵיתֵי לְהוֹן בְסוֹף יוֹמַיָא׃

next chapter