The Comprehensive Aramaic Lexicon

(1) 10:20	וִיהֵי מִניַן בְנֵי יִשרָאֵל סַגִי כְחָלָא דְיַמָא דְלָא מִיתְכָל וְלָא מִתמְנֵי וִיהֵי בְאַתרָא דְאִיתַגלִיאוּ לְבֵינֵי עַמְמַיָא כַד עֲבַרוּ עַל אוֹרָיתָא וְאִתאֲמַר לְהוֹן לָא עַמִי אַתוּן יְתוּבוּן וְיִתרַבוֹן וְיִתאֲמַר לְהוֹן עַמֵיה דַאֲלָהָא קַיָימָא׃
(1) 20:20	וְיִתכַנשוּן בְנֵי יְהוּדָה וֻבנֵי יִשרָאֵל כַחדָא וִימַנוֹן לְהוֹן רֵישָא חַד מִדְבֵית דָוִד וְיִסְקוּן מֵאֲרַע גָלְוָתְהוֹן אֲרֵי רָב יוֹם כִנוּשְהוֹן׃
(1) 30:20	נְבִיַיָא אְמַרוּ לַאֲחֵיכוֹן עַמִי תוּבוּ לְאוֹרָיתִי וְעַל כְנֵישָתְכוֹן אֲרַחֵים׃
(1) 40:20	אוֹכַחוּ לִכנִשתָא דְיִשרָאֵל וַאְמַרוּ לַה אֲרֵי הִיא לָא מִתעַנְיָא בְפֻלחָנִי וֻמֵימְרִי לָא מְקַבֵיל צְלוֹתַה עַד דְתַעדֵי עוֹבָדַהָא בִישַיָא מִקְבֵיל אַפַהָא וֻפֻלחַן טַעֲוָתַהָא מִבֵין קִרוַהָא׃
(1) 50:20	דִלמָא אֲסַלֵיק שְכִינְתִי מִנַה וְאַעדֵי יְקָרַה וַאֲשַוֵינַה רַטִישָא״רְטִישָא#3#״ כְיוֹמַיָא קַדמָאֵי עַד לָא אִתקָרַבַת לְפֻלחָנִי וִיחוּל רוּגזִי עֲלַה כְמָא דְחָל עַל עַם דָרָא דַעֲבַרוּ עַל אוֹרָיתִי בְמַדבְרָא וַאֲשַוֵי אַרעַה צָדְיָא וַאֲקַטִלִינַה בְבוּצרָתָא״בביצורתא#3#״׃
(1) 60:20	וְעַל בְנַהָא לָא אֲרַחֵים אֲרֵי בְנִין דְטָעַן אִנוּן׃
(1) 70:20	אֲרֵי טְעָת כְנֵישָתְהוֹן בָתַר נְבִיֵי שִקרָא בְהִיתוּ מַלְפֵיהוֹן דַהֲוָת אָמְרָא אֲהָך בָתַר \״טָעֲוָת#3#״ עַמְמַיָא רָחֲמַי מְסַפְקֵי מֵיכְלִי וֻמִשתַי כְסוּת מֵילָא וֻבוּץ מְשַח וְכָל פַרנוּסָי׃
(1) 80:20	בְכֵין הָאֲנָא מְקַלקֵיל יָת אוֹרחָתִיך כְמָא דְסָיְגִין בְכוּבַיָא וַאֲפַסֵיק כְמָא דִמפַסְקִין בְכֻתלַיָא וֻשבִילַהָא לָא תַשכַח
(1) 90:20	וְתִרדוֹף שְלָם עִם עַמְמַיָא רָחֲמַהָא וְלָא תַדבֵיק וְתִבעֵי סְעֵיד וְלָא תַשכַח״יהנון לה#3#״ וְתֵימַר אֲהָך וַאֲתוּב לְפוּלחַן רִבוֹנִי קַדמָאָה אֲרֵי טָב לִי כַד הֲוֵיתִי פָלְחָא קְֹדָמוֹהִי מִכְעַן לָא אַפלַח לְטָעֲוָתָא׃
(1) 01:20	וְאִינוּן לָא יָדְעִין אֲרֵי אֲנָא בָרֵיכִית לְהוֹן עֲבוּרָא וְחַמרָא וֻמִשחָא וְכַספָא אַסגִיתִי לְהוֹן וְדַהֲבָא מִנֵיה עֲבַדוּ לְטָעֲוָתָא׃
(1) 11:20	בְכֵין יְתוּב מֵימְרִי לִמלָט״למיטל#3#״ עֲבוּרָא בְעִדָן אִידְרֵיה וְחַמרָא בִזמָן״בעידן#3#״ מַעֲצַרתֵיה וְאַצֵיל כְסוּת מֵילָא וֻבוּץ דִיהַבִית לַה לְכַסָאָה יָת קְלָנַה׃
(1) 21:20	וֻכעַן אֲגַלֵי יָת קְלָנַה לְעֵינֵי עַמְמַיָא רָחֲמַהָא וַאֲנָש לָא יְשֵיזְבִנַה מִן יְדִי׃
(1) 31:20	וַאֲבַטֵיל כָל חֲדוּתַה חַגַהָא יַרחַהָא וְשַבַהָא וְכָל מוֹעֲדַהָא׃
(1) 41:20	וְאַצדֵי פֵירֵי גוּפְנַה״גפנאהא#3#״ וְתֵינַה דַהֲוָת אָמְרָא יְקָר אִינוּן לִי דִיהַבוּ לִי עַמְמַיָא רָחֲמַי וַאֲשַוֵינוּן לְחוּרשָא וְתֵיכֵילִנוּן חַיַת בָרָא׃
(1) 51:20	וְאַסעַר עֲלַה יָת יוֹמַיָא דַהֲוָת פָלְחָא לְטָעֲוָתָא וֻמַסְקָא לְהוֹן בוּסמִין הְוָת דָמיָא לְאִיתְתָא דִשבַקַת יָת בַעלַה וְאִיתַקַנַת בִקדָשַהָא וֻבַחֲלִיטַת מַרגַליָתַהָא וֻטעָת בָתַר רָחֲמַהָא כֵין כְנִשתָא דְיִשרָאֵל רַחֵימַת לְמִפלַח לְטָעֲוָתָא וֻפֻלחָנִי שְבַקַת אֲמַר יוי׃
(1) 61:20	בְכֵין הָאֲנָא מְשַעֲבֵיד לַה לְאוֹרָיתָא וְאַעְבֵיד לַה נִסִין וֻגבוּרָן כְמָא דַעֲבַדִית לַה בְמַדבְרָא וֻביַד עַבדַי נְבִיַיָא אֲמַלֵיל תַנחוּמִין עַל לִבַה׃
(1) 71:20	וַאֲמַנֵי לַה יָת פַרנָסַהָא מִתַמָן וְיָת מֵישַר עָכוֹר לְתַחמוּדֵי נְפַש וְיִתנְהוֹן תַמָן לְמֵימְרִי כְיוֹמֵי קְדַם וְאַף אֲנָא אַעֲבֵיד לְהוֹן נִסִין וֻגבוּרָן כְיוֹם מְסַקהוֹן מֵאַרעָא דְמִצרָיִם׃
(1) 81:20	וִיהֵי בִעִדָנָא הַהוּא אֲמַר יוי תִתנְהוֹן לְפֻלחָנִי וְלָא תִפלְחוּן עוֹד לְטָעֲוָתָא׃
(1) 91:20	וְאַעדֵי יָת שוּם טָעֲוָת עַמְמַיָא מִפוּמְהוֹן וְלָא יְהֵי דוּכרָן מִשוּמְהוֹן עוֹד׃
(1) 02:20	וְאַגזַר לְהוֹן קְיָם בְעִדָנָא הַהוּא דִיהוֹן שְלָם עִם חַיַת בָרָא וְעִם עוֹפָא דִשמַיָא וְרִחשָא דְאַרעָא וְקַשתָא וְחַרבָא וְעָבְדֵי קְרָבָא אֲבַטֵיל מִן אַרעָא וְאַשרֵינוּן לְרוּחצָן׃
(1) 12:20	וַאֲקַייְמִנְכוֹן קְֹדָמַי לְעָלַם וַאֲקַיְמִנְכוֹן קְֹדָמַי בְקֻשטָא וֻבדִינָא וֻבחִסדַא וֻברַחֲמֵי׃
(1) 22:20	וַאֲקַיְמִנְכוֹן קְֹדָמַי בְהֵימָנוּתָא וְתִדְעוּן לְמִדחַל מִן קְֹדָם יוי׃
(1) 32:20	וִיהֵי בְעִדָנָא הַהוּא אֲקַבֵיל צְלוֹתְכוֹן אֲמַר יוי אֲפַקֵיד יָת שְמַיָא וְאִנוּן יַחֲתוּן מִטרָא עַל אַרעָא׃
(1) 42:20	וְאַרעָא תְרַבֵי עֲבוּרָא וְחַמרָא וֻמִשחָא וְאִנוּן יְסַפְקוּן לְנָלוּת״לְגָלְוָת#3#״ עַמִי׃
(1) 52:20	וַאֲקַיְמִנְכוֹן קְֹדָמַי בַאֲרַע בית שְכִינְתִי וַאֲרַחֵים עֲלֵיהוֹן דְלָא רְחִימִין בְעוּבָדֵיהוֹן וְאֵימַר לִדהֲוֵיתִי אֵימַר״אָמַר#2#״ לְהוֹן לָא עַמִי בְרַם עַמִי אַתוּן וְהוּא יֵימַר אֲלָהִי׃

next chapter