H The Comprehensive Aramaic Lexicon

CAL CODE HELP CLICK HERE
click on the file description for more information

51014: TgJ Ez

click on a word for lexical analysis
Click on a red-colored coordinate for comments and/or translations of the line

previous chapter


(1) 10:74 וַאֲתֵיבנִי לִתרַע בֵיתָא וְהָא מַיָא נָפְקִין מִתְחוֹת סְקוּפַת בֵיתָא מִמַדנְחָא אֲרֵי אַפֵי בֵיתָא לְמַדנְחָא וֻמַיָא נָחֲתִין מִלְרַע מֵעֵיבַר <סקופת#3#> בֵיתָא לְיַמִינָא מִדָרוֹם לְמַדנְחָא״לְמַדבְחָא#3#״׃
(1) 20:74 וְאַפְקַנִי בְאוֹרַח תְרַע צִפוּנָא וְאַסחֲרַנִי בְאוֹרחָא דִלבָרָא לְתַרעָא בָרָאָה אוֹרַח תַרעָא דִפתִיַח לְמַדנְחָא וְהָא מַיָא נָפְקִין מִן עִברָא דְיַמִינָא׃
(1) 30:74 בְמִפַק גֻברָא מִמַדנְחָא וְחוּט דְמִשחֲתָא בִידֵיה וֻמשַח אַלַף אַמִין בְאַמְתָא וְאַעבְרַנִי בְמַיָא מֵי קַרצוּלִין״קרסולין#3#״׃
(1) 40:74 וֻמשַח אַלפָא וְאַעבְרַנִי בְמַיָא מֵי רְכוּבִין וֻמשַח אַלפָא וְאַעבְרַנִי <במיא#3#> מֵי חַרצִין׃
(1) 50:74 וֻמשַח אַלפָא נַחלָא דְלָא יְכֵילִית לְמִעבַר אֲרֵי תְקִיפוּ מַיָא מֵי סַחוָא נַחלָא דְלֵית אִפשָר לְאִתעֲבָרָא׃
(1) 60:74 וַאֲמַר לִי הָחֲזֵיתַא״הַחזֵיתָא#2#״ בַר אָדָם וְאוֹבְלַנִי וַאֲתִיבנִי עַל כֵיף נַחלָא׃
(1) 70:74 בִמתָבִי וְהָא עַל כֵיף נַחלָא אִילָן סַגִי לַחדָא מִכָא וֻמִכָא׃
(1) 80:74 וַאֲמַר לִי מַיָא הָאִלֵין נָפְקִין בִגלִילָה מִמַדנְחָא וְנָחֲתִין לְמֵישְרָא וְעָלִין בְיַמָא לְיַמָא רַבָא מִתַפקִין וֻמִתַסַן מַיָא׃
(1) 90:74 וִיהֵי כָל נַפשָא חַיתָא דְרָחֲשָא לְכָל אֲתַר דְיֵיעֲלוּן תַמָן מֵי נַחלָא יֵיחוֹן וִיהוֹן נוּנַיָא סַגִיאִין לַחדָא אֲרֵי עָלִין לְתַמָן מַיָא הָאִלֵין וֻמִיתַסַן וֻמִתקַיֵימִין לְכָל אֲתַר דְיֵיעֲלוּן לְתַמָן מֵי נַחלָא׃
(1) 01:74 וְהָוֵי אֲתַר לִמקָם עֲלוֹהִי צַיָידִין מֵעֵין גַדִי וְעַד עֵין עַגלַיִם מִשטַח לְצַיָידִין יְהֵי לְמִינֵיהוֹן יְהוֹן נוּנֵיהוֹן כְנוּנֵי יַמָא רַבָא סַגִי לַחדָא׃
(1) 11:74 בִיצוֹהִי וֻפצִידוֹהִי לָא יִתַסוֹן לְמַחפוֹרִין דִמלַח יְהוֹן׃
(1) 21:74 וְעַל נַחלָא יִסַק אִילָן רָב עַל כֵיפֵיה מִכָא וֻמִיכָא כָל אִילָן דְמֵיכַל לָא יִתְרוּן טַרפוֹהִי וְלָא יִפסוּק אִיבֵיה יִירַח בִירַח יְהֵי עַבֵיד פֵירִין אֲרֵי מוֹהִי מִן מַקדְשָא אִנוּן נָפְקִין וִיהוֹן אִבֵיה לְמֵיכַל וְטַרפוֹהִי לְאָסוּתָא׃
(1) 31:74 כִדנָן אֲמַר יוי אֲלֹהִים דֵין תְחוּמָא דְתַחסְנוּן יָת אַרעָא לִתרֵי עֲסַר שִבטַיָא דְיִשרָאֵל יוֹסֵף יִתקַבַל תְרֵין חוּלָקִין׃
(1) 41:74 וְתַחסְנוּן יָתַה גְבַר כַאֲחוֹהִי דְקַיֵימִית בְמֵימְרִי לְמִתְנַה לַאֲבָהָתְכוֹן וְתִתפְלַג אַרעָא הָדָא לְכוֹן בְאַחסָנָא׃
(1) 51:74 וְדֵין תְחוּם אַרעָא לְרוּחַ צִפוּנָא מִן יַמָא רַבָא אוֹרַח חַתלוֹן מַעֲלַנָא דִצדָד׃
(1) 61:74 חֲמָת בֵירוֹת סִברַיִם דְבֵין תְחוּם דַמַשַק וֻבֵין תְחוּם חֲמָת בְרֵיכַת עֲגֵיבָאֵי דְעַל תְחוּם חַורָן׃
(1) 71:74 וְהָוֵי תְחוּמָא מִן יַמָא חֲצַר עֵינוּן תְחוּם דַמַשַק וְצִיפוּנָא צִיפוּנָא וֻתחוּם חֲמָת וְיָת רוּחַ צִפוּנָא׃
(1) 81:74 וְרוּחַ קִידוּמָא״מדינחא#3#״ מִבֵין חַורָן וֻמִבֵין דַמַשַק וֻמִבֵין גִלעָד וֻמִבֵין אַרעָא דְיִשרָאֵל יַרדְנָא מִתְחוּמָא עַל״עד#3#״ יַמָא מַדנְחָאָה תִמשְחוּן וְיָת רוּחַ קִדוּמָא״מַדנְחָא#2#״׃
(1) 91:74 וְרוּחַ עֵיבַר דָרוֹמָא מִירִיחוֹ עַד <מתייר#3#> מֵי מַצוּת רְקַם אַחסָנָא לְיַמַא רַבָא וְיָת רוּחַ דָרוֹמָא דְדָרוֹמָא׃
(1) 02:74 וְרוּחַ מַערְבָא יַמָא רַבָא מִתְחוּמָא עַד לִקבֵיל מַעלְנָא דַחֲמָת דָא רוּחַ מַערְבָא׃
(1) 12:74 וֻתפַלְגוּן יָת אַרעָא הָדָא לְכוֹן לְשִבטַיָא דְיִשרָאֵל׃
(1) 22:74 וִיהֵי דִתפַלְגוּן יָתַה בְאַחסָנָא לְכוֹן וֻלגִיוֹרַיָא דְיִתגַייְרוּן בֵינֵיכוֹן דְאוֹלִידוּ בְנִין בֵינֵיכוֹן וִיהוֹן לְכוֹן כְיַצִיבָא בִבנֵי יִשרָאֵל עִמְכוֹן יְפַלְגוּן״יפלון#3#״ בְאַחסָנָא בְגוֹ שִבטַיָא דְיִשרָאֵל׃
(1) 32:74 וִיהֵי שִבטָא דְיִתגַייַר גִיוֹרָא בְגַוֵיה תַמָן תִיתְנוּן אַחסָנְתֵיה אֲמַר יוי אֲלֹהִים׃

next chapter