The Comprehensive Aramaic Lexicon

(1) 10:44	וַאֲתֵיב יָתִי בְאוֹרַח תְרַע מַקדְשָא בָרָאָה דִפתִיַח לְמַדנְחָא וְהוּא אֲחִיד׃
(1) 20:44	וַאֲמַר לִי יוי תַרעָא הָדֵין אֲחִיד יְהֵי לָא יִתפְתַח וַאֲנָש לָא יֵיעוֹל בֵיה אֲרֵי יוי״יקרא דייי#3#״ אֲלָהָא דְיִשרָאֵל \אִתגְלִי עֲלוֹהִי ״עָל בֵיה#3#״ וִיהֵי אֲחִיד׃
(1) 30:44	לְרַבָא יְהֵי רַבָא הוּא יִתֵיב בֵיה לְמֵיכַל לַחמָא קְֹדָם יוי מֵאוֹרַח אוּלַמָא דְתַרעָא יֵיעוֹל וֻמֵאוּרחֵיה יִפוֹק׃
(1) 40:44	וְאַעֲלַנִי בְאוֹרַח תְרַע צִפוּנָא דִקדָם בֵיתָא וַחֲזֵית וְהָא אִתמְלִי יְקָרָא דַיוי יָת בֵית מַקדְשָא דַיוי וְאִשתַטַחִית עַל אַפַי׃
(1) 50:44	וַאֲמַר לִי בַר אָדָם שַוִי לִבָך וַחזִי בְעֵינָך וֻבאוּדנָך שְמַע יָת כָל דַאֲנָא מְמַלֵיל עִמַך לְכָל גְזֵירַת בֵית מַקדְשָא דַיוי וֻלכָל דְחָזֵי לֵיה וֻתשַוֵי לִבָך לְמַעֲלָנֵי בֵיתָא בְכָל מַפְקַנֵי מַקדְשָא׃
(1) 60:44	וְתֵימַר לְעַמָא סַרְבָנָא לְבֵית יִשרָאֵל כִדנָן אֲמַר יוי אֲלֹהִים סַגִי לְכוֹן מִכָל תוֹעֵיבָתְכוֹן בֵית יִשרָאֵל׃
(1) 70:44	בְאֵיתָיוּתְכוֹן בְנֵי עַמְמַיָא רַשִיעֵי לִבָא וְעַרלֵי בִסרָא לְמִהוֵי בְמִקדְשִי״בְבֵית מַקדְשִי#3#״ לְאַפָסָא יָת עַזרָתִי בְקָרוּבֵיכוֹן יָת קוּרבָנִי תְרַב וְדַם נִכסַת קוּדשִין וְאַשנִיאוּ יָת קְיָמִי עַל כָל תוֹעֵיבָתְכוֹן׃
(1) 80:44	וְלָא נְטַרתוּן מַטְרַת קוּדשִי וֻמַנִיתוּן לְנָטְרֵי מַטְרַת מֵימְרִי בְבֵית מַקדְשִי״בְמַקדְשִי#2#״ לְכוֹן׃
(1) 90:44	כִדנָן אֲמַר יוי אֲלֹהִים כָל \בְנֵי עַמְמַיָא ״בר עממין#3#״ רַשִיעֵי לִבָא וְעַרלֵי בִסרָא לָא יֵיעֲלוּן לְבֵית מַקדְשִי״לְמַקדְשִי#2#״ לְכָל בְנֵי עַמְמַיָא דִבגוֹ בְנֵי יִשרָאֵל׃
(1) 01:44	אֲלָהֵין לֵיוָאֵי דְאִתרַחַקוּ מִדַחלְתִי בְמִטעֵי יִשרָאֵל דִטעוֹ מִבָתַר פוּלחָנִי בָתַר טָעֲוָתְהוֹן וִיקַבְלוּן חוֹבֵיהוֹן׃
(1) 11:44	וִיהוֹן בְבֵית מַקדְשִי״במקדשי#3#״ מְשַמְשִין מְמֻנַן עַל תַרעֵי״תְרַע#2#״ בֵיתָא וֻמשַמְשִין יָת בֵיתָא אִנוּן יִכְסוּן יָת עֲלָתָא וְיָת נִכסַת קוּדשַיָא דִלעַמָא וְאִנוּן יְקוּמוּן קְֹדָמֵיהוֹן לְשַמָשוּתְהוֹן׃
(1) 21:44	חֲלָף דַהווֹ מְשַמְשִין יָתְהוֹן קְֹדָם טָעֲוָתְהוֹן וַהְווֹ לְבֵית״לבני#3#״ יִשרָאֵל לְתַקלָא״לְתַקלַת#2#״ חוֹבִין עַל כֵין קַיֵימִית בְמֵימְרִי עֲלֵיהוֹן אֲמַר יוי אֲלֹהִים וִיקַבְלוּן חוֹבֵיהוֹן׃
(1) 31:44	וְלָא יִתקָרְבוּן לְפֻלחָנִי לְשַמָשָא קְֹדָמַי וֻלמִקרַב עַל כָל קוּדשִי לִקוּדשֵי קוּדשַיָא וִיקַבְלוּן אִתכְנָעוּתְהוֹן וְתוֹעֵיבָתְהוֹן דַעֲבַדוּ׃
(1) 41:44	וֻמַנִיתִי יָתְהוֹן נָטְרֵי מַטְרַת בֵיתָא לְכָל פוּלחָנֵיה וֻלכָל דְיִתעֲבֵיד בֵיה׃
(1) 51:44	וְכָהֲנַיָא לֵיוָאֵי בְנֵי״בית#3#״ צָדוֹק דִנטַרוּ יָת מַטְרַת מַקדְשִי בְמִטעֵי בְנֵי יִשרָאֵל מִבָתַר פוּלחָנִי אִנוּן יִתקָרְבוּן לְפֻלחָנִי לְשַמָשָא קְֹדָמַי וִישַמְשוּן עַל מַדבְחִי לְקָרָבָא קְֹדָמַי תְרַב וְדַם נִכסַת קוּדשִין אֲמַר יוי אֲלֹהִים׃
(1) 61:44	אִנוּן יֵיעֲלוּן לְמַקדְשִי וְאִינוּן יִתקָרְבוּן לְפָתוּר לְחֵים אַפַיָא <דִילִי#3#> לְשַמָשָא קְֹדָמַי וְיִטְרוּן יָת מַטְרַת מֵימְרִי׃
(1) 71:44	וִיהֵי בְמֵיעַלהוֹן לְתַרעֵי דָרְתָא גָוָיתָא לְבוּשֵי בוּצָא יִלבְשוּן וְלָא תְהֵי עֲלֵיהוֹן כְסוּת עַמַר בְשַמָשוּתְהוֹן בְתַרעֵי דָרְתָא גָוָיתָא וֻלגָיו׃
(1) 81:44	קוֹבְעִין דְבוּץ יְהוֹן עַל רֵישֵיהוֹן וֻמִכנְסִין דְבוּץ יְהוֹן עַל חַרצֵיהוֹן <אלהן#3#> לָא יֵיסְרוּן עַל חַרצֵיהוֹן עַל לִבְהוֹן יֵיסְרוּן׃
(1) 91:44	וֻבמִפַקהוֹן מִדָרְתָא דְקוּדשָא <בריתא#3#> לְדָרְתָא בָרָיתָא לְאִתעָרָבָא עִם עַמָא יַשלְחוּן יָת לְבוּשֵיהוֹן דְאִנוּן מְשַמְשִין בְהוֹן וְיַחֲתוּן יָתְהוֹן בְלִשכַת קוּדשָא וְיִלבְשוּן לְבוּשִין אֻחרָנִין וְלָא יִתעָרְבוּן עִם עַמָא בִלבוּשֵיהוֹן׃
(1) 02:44	וְרֵישְהוֹן לָא יְגַלְחוּן וֻפֵירוּעַ לָא יְרַבוֹן \סַפָרָא יְסַפְרוּן ״כסמא יכסמון#3#״ יָת סְעַר רֵישֵיהוֹן׃
(1) 12:44	וַחֲמַר לָא יִשתוֹן כָל כָהִין בְמֵיעַלהוֹן לְדָרְתָא גָוָיתָא׃
(1) 22:44	וְאַרמְלָא וֻמתַרְכָא לָא יִסְבוּן לְהוֹן לִנשִין אֲלָהֵין בְתוּלָתָא מִזַרעָא דְבֵית יִשרָאֵל וְאַרמַלתָא דִתהֵי אַרמַלתָא שְאָר כָהֲנַיָא יִסְבוּן׃
(1) 32:44	וְיָת עַמִי יַלְפוּן בֵין קוּדשָא לְחוּלָא וֻבֵין מְסָאֲבָא לְדַכיָא יְהוֹדְעוּנוּנוּן׃
(1) 42:44	וְעַל פְלוּגַת דִינָא אִינוּן יְקוּמוּן לִמדָן בְדִינֵי רְעוּתִי יְדִינוּנוּן וְיָת אוֹרָיתִי וְיָת קְיָמַי בְכָל מוֹעֲדַי יִטְרוּן וְיָת יוֹמֵי שַבָיָא דִילִי יְקַדְשוּן״יטרון#3#״׃
(1) 52:44	וְעַל מִיתָא דַאֲנָשָא לָא יֵיעוֹל לְאִסתַאָבָא אֲלָהֵין לְאָב וֻלאֵם וֻלבַר וְלִברָת לְאָח וֻלאֲחָת דְלָא הֲוָת לִגבַר יִסתָאֲבוּן׃
(1) 62:44	וֻבָתַר דְכוּתֵיה שִבעָה יוֹמִין יִמנוֹן לֵיה׃
(1) 72:44	וֻביוֹם מֵיעֲלֵיה לְקוּדשָא לְדָרְתָא גָוָיתָא לְשַמָשָא בְקוּדשָא יְקָרֵיב חַטָתֵיה אֲמַר יוי אֲלֹהִים׃
(1) 82:44	וֻתהֵי לְהוֹן <לאחסנא#3#> לוּחלָק מוֹתַר קוּרבָנֵי חוּלָקְהוֹן וְאַחסַנָא לָא תִתְנוּן לְהוֹן בְיִשרָאֵל מַתְנָן דִיהַבִית לְהוֹן אִנִין אַחסָנַתהוֹן׃
(1) 92:44	מִנחָתָא וְחַטָתָא וַאֲשָמָא אִנוּן יֵיכְלוּנוּן וְכָל חַרמָא בְיִשרָאֵל דִילְהוֹן״לְהוֹן#2#״ יְהֵי׃
(1) 03:44	וְרֵישִית כוֹלָא בִכוּרֵי כוֹלָא וְכָל אַפרָשוּת כוֹלָא מִכֹל אַפרָשוּתְכוֹן לְכָהֲנַיָא יְהֵי וְרֵיש אָצְוָתְכוֹן תִתְנוּן לְכָהֲנָא״לְכָהֲנַיָא#2#״ לְאַשרָאָה בִרכְתָא בְבֵיתָך׃
(1) 13:44	כָל נְבִילָא וֻתבִירָא מִן עוֹפָא וֻמִן בְעִירָא לָא יֵיכְלוּן כְהֲנַיָא׃

next chapter