H The Comprehensive Aramaic Lexicon

CAL CODE HELP CLICK HERE
click on the file description for more information

51014: TgJ Ez

click on a word for lexical analysis
Click on a red-colored coordinate for comments and/or translations of the line

previous chapter


(1) 10:24 וְאַפְקַנִי לְדַרְתָא בָרָיתָא בְאוֹרַח תַרעַא דִפתִיַח לְאוֹרַח צִפוּנָא וְאַעֲלַנִי לְלִשכְתָא דְקדָם בִיצוּרתָא וְדִקדָם בִניָנָא לְצִיפוּנָא׃
(1) 20:24 לִקבֵיל אוּרכָא דְאַמִין מְאָה תַרעָא חָד פְתִיַח לְצִפוּנָא וֻפֻתיָא חַמשִין אַמִין׃
(1) 30:24 קְֹבֵיל עַסרִין דִלדָרְתָא גָוָיתָא וֻקבֵיל <דלציפונא#3#> רִצפְתָא דִפתִיחָא לְדָרְתָא בָרָיתָא זָוֵי״זזי#3#״ לִקבֵיל זָוֵי״זזי#3#״ מְתֻלְתִין׃
(1) 40:24 וֻקדָם לִשכָתָא מַהלַך עֲסַר אַמִין פוּתיָא לְגָיו אוֹרַח אַמְתָא חֲדָא וְתַרעֵיהוֹן פְתִיחִין לְצִפוּנָא׃
(1) 50:24 וְלִשכָתָא עִילֵיתָא דְחִיקָן אֲרֵי נָסְבִין זִיזַיָא מִנְהוֹן מֵאַרעִיתָא וֻמִמְצִיעֵיתָא בִניָנָא״מארעא#3#״׃
(1) 60:24 אֲרֵי מְתֻלְתָן אִנִין וְלֵית לְהוֹן עַמוּדִין כְעַמוּדֵי דָרְתָא עַל כֵין דְחִיקָן מֵאַרעִיתָא וֻמִמְצִיעֵיתָא מֵאַרעָא׃
(1) 70:24 וְכוּתלָא דִלבָרָא לִקבֵיל לִשכָתָא אוֹרַח דָרְתָא בָרָיתָא דִקדָם לִשכָתָא אוּרכֵיה חַמשִין אַמִין׃
(1) 80:24 אֲרֵי אוּרכָא דְלִשכָתָא דִלדָרְתָא בָרָיתָא חַמשִין אַמִין וְהָויָן עַל אַפֵי הֵיכְלָא מְאָה אַמִין׃
(1) 90:24 וֻמִלְרַע לְלִשכָתָא הָאִלֵין מַעֲלַנָא מִמַדנְחָא דְעַלִין לְהוֹן מִדָרְתָא בָרָיתָא׃
(1) 01:24 בְפוּתיָא דְכוּתלָא דְדָרְתָא בְאוֹרַח מַדנְחָא דִקדָם בִיצוּרתָא וְדִקדָם בִניָנָא לִשכָן׃
(1) 11:24 וֵאוֹרחָא קְֹדָמֵיהוֹן כְחֵיזוּ לִשכָתָא דִפתִיחָן לְאוֹרַח צִפוּנָא כְאֻרכְהוֹן כֵין פוּתיְהוֹן וְכָל מַפְקָנֵיהוֹן וֻכדַחזֵי לְהוֹן וֻכתַרעֵיהוֹן״וכפתחיהון#3#״׃
(1) 21:24 וֻכתַרעֵי לִשכָתָא דִפתִיחָן לְאוֹרַח דָרוֹמָא תְרַע בְרֵיש אוֹרַח אוֹרַח קְֹדָם דוּכָן לֵיוָאֵי אוֹרַח מַדנְחָא בְמַעֲלְנֵיהוֹן׃
(1) 31:24 וַאֲמַר לִי לִשכַת צִיפוּנָא לִשכַת דָרוֹמָא דִקדָם בִיצוּרתָא אִנוּן לִשכָת קוּדשָא דְיֵיכְלוּן תַמָן כָהֲנַיָא דְקָרִיבִין לְשַמָשָא קְֹדָם יוי קוּדשֵי קוּדשַיָא תָמַן יָחְתוּן קוּדשֵי קוּדשַיָא וֻמִנחָתָא וְחַטָאתָא וַאֲשָמָא אֲרֵי אַתרָא קַדִיש׃
(1) 41:24 בְמֵיעַלהוֹן כָהֲנַיָא וְלָא יִפְקוּן מִן קוּדשָא לְדָרְתָא בָרָיתָא וְתַמָן יַחֲתוּן לְבוּשֵיהוֹן דִישַמְשוּן בְהוֹן אֲרֵי קוּדשָא אִנוּן וְיִלבְשוּן לְבוּשִין אָחְֹרָנִין וְיִתעַרְבוּן עִם עַמָא׃
(1) 51:24 וְשֵיצִי יָת מִשחָת בֵיתָא גַוָאָה וְאַפְקַנִי בְאוֹרַח תַרעָא דִפתִיַח לְאוֹרַח מַדנְחָא וֻמַשחֵיה סְחוֹר סְחוֹר׃
(1) 61:24 מְשַח רוּחַ מַדנְחָא״קידומא#3#״ בִקנֵי מִשחֲתָא חֲמֵיש מְאָה קְנִין בִקנֵי מִשחֲתָא סְחוֹר סְחוֹר׃
(1) 71:24 מְשַח רוּחַ צִפוּנָא חֲמֵיש מְאָה קְנִין בִקנֵי מִשחֲתָא סְחוֹר סְחוֹר׃
(1) 81:24 יָת רוּחַ דָרוֹמָא מְשַח חֲמֵיש מְאָה קְנִין בִקנֵי מִשחֲתָא׃
(1) 91:24 אִסתְחַר לְרוּחַ מַערְבָא מְשַח חֲמֵיש מְאָה קְנִין בִקנֵי מִשחְתָא׃
(1) 02:24 לְאַרבַע רוּחַיָא מַשחֵיה שוּרָא לֵיה סְחוֹר סְחוֹר אוּרכָא חֲמֵיש מְאָה״אמין#3#״ וֻפוּתיָא חֲמֵיש מְאָה״אמין#3#״ לְאַפרָשָא בֵין קוּדשָא לְחוּלָא׃

next chapter