The Comprehensive Aramaic Lexicon

(1) 10:53	וַהֲוָה פִתגָם נְבוּאָה מִן קְֹדָם יוי עִמִי״עלי#3#״ לְמֵימַר׃
(1) 20:53	בַר אָדָם קַבֵיל נְבוּאָה עַל טוּרָא דְסֵעִיר וְאִתנַבִי עֲלוֹהִי׃
(1) 30:53	וְתֵימַר לֵיה כִדנָן אֲמַר יוי אֲלֹהִים הָאֲנָא שָלַח רוּגזִי עֲלָך טוּרָא דְסֵעִיר וַאֲרֵים <ית#3#> מָחָת גְבוּרָתִי עַלָך וְאתְנִינָך לְצָדוּ וְאִשתְמָמוּ׃
(1) 40:53	קִרוָך חוּרבָא אֲשַוֵי וְאַת לְצָדוּ תְהֵי וְתִדָע אֲרֵי אֲנָא יוי׃
(1) 50:53	חֲלָף דַהֲוָת לָך דְבָבוּת עָלַם וְתָבֵיבתָא יָת בְנֵי יִשרָאֵל עַל יְדֵי קְטוֹלֵי חַרבָא בְעִדָן תְבָרְהוֹן בְעִדָן תוּשלְמָת חוֹבֵיהוֹן כַד מְטָא קִצְהוֹן׃
(1) 60:53	בְכֵין קַיָים אֲנָא אֲמַר יוי אֲלֹהִים אֲרֵי לִקטוֹל אַעבְדִינָך וֻדקָטְלִין בְחַרבָא יִרדְפוּנָך אִם לָא סִנאַת \דְמָא סְנֵיתִנוּן ״דמא דמהולתא סניתון#3#״דמא שׂנאתון#3#״ וְאָשְדֵי דְמָא יִרדְפוּנָך׃
(1) 70:53	וְאַתֵין יָת טוּרָא דְסֵעִיר לְצָדוּ וְאִשתְמָמוּ וַאֲשֵיצֵי מִנֵיה דְעָדֵי וֻדתָאֵיב׃
(1) 80:53	וַאֲמַלֵי יָת טוּרוֹהִי קְטִילוֹהִי רָמָתוֹהִי וְחִילוֹהִי וְכָל פְצִידוֹהִי קְטִילֵי חַרבָא יִתרְמוֹן בְהוֹן׃
(1) 90:53	צָדוּת עָלַם אַתְנִינָך וְקִרוָך לָא יִתיַתְבָן וְתִידְעוּן אֲרֵי אֲנָא יוי׃
(1) 01:53	חֲלָף דַאֲמַרת יָת תְרֵין עַמְמִין וְיָת תַרתֵין״תרין#3#״ מְדִינָן דִילִי יִהוְיָן״אינון#3#״ וְאֵירְתִינוּן וֻקדָם יוי גַליָן מַחשְבָת לִבָא׃
(1) 11:53	בְכֵין קַיָים אֲנָא אֲמַר יוי אֲלֹהִים וְאַעֲבֵיד כְרוּגזָך וֻכחִמתָך דַעֲבַדתָא מִדִסנֵיתָא לְהוֹן וְאַתגְלֵי לְאֵיטָבָא לְהוֹן כַד אַתפְרַע מִנָך׃
(1) 21:53	וְתִידַע אֲרֵי אֲנָא יוי שְמִיַע קְֹדָמַי יָת כָל אַרגָזְוָתָך דְאֲמַרת עַל טוּרֵי אַרעָא דְיִשרָאֵל לְמֵימַר צַדִיאַת אֲרַעהוֹן לַנָא אִתמְסַרוּ לְאִשתֵיצָאָה׃
(1) 31:53	וְאִתרָרַבתוּן קְֹדָמַי״עלי#3#״ בְמִילֵי פוּמְכוֹן וְאַסגִיתוּן קְֹדָמַי״עלי#3#״ פִתגָמֵיכוֹן קְֹדָמַי שְמִיַע׃
(1) 41:53	כִדנָן אֲמַר יוי אֲלֹהִים כְמִחדֵי כָל אַרעָא צְדוּ אַעֲבֵיד לָך׃
(1) 51:53	כְמָא דַחדִיתָא עַל אַחסָנַת בֵית יִשרָאֵל עַל דְצַדִיאַת אֲרַעהוֹן כֵין אַעֲבֵיד לָך צָדוּ תְהֵי טוּרָא דְשֵעִיר וְכָל אֲדוֹם כוּלַה וְיִדְעוּן אֲרֵי אֲנָא יוי׃

next chapter