H The Comprehensive Aramaic Lexicon

CAL CODE HELP CLICK HERE
click on the file description for more information

51014: TgJ Ez

click on a word for lexical analysis
Click on a red-colored coordinate for comments and/or translations of the line

previous chapter


(1) 10:03 וַהֲוָה פִתגָם נְבוּאָה מִן קְֹדָם יוי עִמִי לְמֵימַר׃
(1) 20:03 בַר אָדָם אִתנַבִי וְתֵימַר כִדנָן אֲמַר יוי אֲלֹהִים אֵילִילוּ וַאֲמַרוּ וָי מִן קְֹדָם יוֹמָא׃
(1) 30:03 אֲרֵי קָרִיב יוֹמָא <וְקָרִיב יוֹמָא#3#> דַעֲתֵיד לְמֵיתֵי מִן קְֹדָם יוי יוֹם עֲנָן זְיָע עִדָן תְבָר עַמְמַיָא יְהֵי׃
(1) 40:03 וֻתחוּל חַרבָא בְמִצרַיִם וִיהֵי זְיָעָא בְכוּש כַד יִתרְמוֹן קְטִילִין בְמִצרַיִם וְיִשבוּן אִתרְגוֹשְתַה וְיִתפַגְרוּן״וִיפַגְרוּן#2#״ אוּשַהָא׃
(1) 50:03 כוּשָאֵי וֻפוּטָאֵי וְלוּדָאֵי וְכָל סוּמכָוָתָא וְכוּב וֻבנֵי אֲרַע קְיָמְהוֹן עִמְהוֹן בְחַרבָא יִתקַטלוּן׃
(1) 60:03 כִדנָן אֲמַר יוי וְיִתקַטלוּן סָעֲדֵי מִצרַיִם וְיִבטַל יְקָר תוּקפַה מִמִגדוֹל סְוֵנֵה בְחַרבָא יִתקַטלוּן בַה אֲמַר יוי אֲלֹהִים׃
(1) 70:03 וְיִצדוֹן בְגוֹ מִדִינָן דְצָדיָן וְקִרוֵיהוֹן״וקירוהי#3#״ בְגוֹ קִרוִין דַהֲוַאָה חָרבָן יִהוְיָן׃
(1) 80:03 וְיִדְעוּן אֲרֵי אֲנָא יוי כַד אַיתִי עַמְמַיָא דְתַקִיפִין כְאִישָתָא עַל מִצרַיִם וְיִתַברוּן כָל סָעֲדַהָא׃
(1) 90:03 בְעִדָנָא הַהוּא יִפְקוּן אִזגַדִין״איגרין#3#״ מִן קְֹדָמַי בְלִגיוֹנִין לַאֲזָעָא יָת כוּש דְשָריָא לְרוּחצָן וִיהֵי זְיָעָא בְהוֹן בְיוֹם פוֹרעָנוּת מִצרַיִם אֲרֵי הָא אָתיָא׃
(1) 01:03 כִדנָן אֲמַר יוי אֲלֹהִים וַאֲבַטֵיל יָת אִתרְגוֹשַת מִצרַיִם בְיַד נְבוּכַדנַצַר מַלכָא דְבָבַל׃
(1) 11:03 הוּא וְעַמֵיה עִמֵיה תַקִיפֵי עַמְמַיָא אַתַן לְחַבָלָא אַרעָא וְיִשלְפוּן סֵיפֵיהוֹן עַל מִצרַיִם וְיִמלוֹן יָת אַרעָא קְטִילִין׃
(1) 21:03 וְאַתֵין נַהֲרֵיהוֹן יַבַשתָא וְאַמסַר יָת אַרעָא בְיַד מַבאֲשִין וַאֲצַדֵי <יָת#2#> אַרעָא וֻמלָאַה בְיַד נוּכרָאִין״רשיעין#3#״ אֲנָא יוי גְזַרִית בְמֵימְרִי׃
(1) 31:03 כִדנָן אֲמַר יוי אֲלֹהִים וְאוֹבֵיד דְפָלְחִין לְטָעֲוָתָא וַאֲשֵיצֵי דְפָלְחִין לְצִלמָנַיָא מִמַפֵיס וֻמַלכָא מֵאַרעָא דְמִצרַיִם לָא יְהֵי עוֹד וְאַתֵין דַחלָא בְאַרעָא דְמִצרָיִם׃
(1) 41:03 וַאֲצַדֵי יָת פַתרוֹס וְאַיתִי עַמְמַיָא דְתַקִיפִין כְאִישָתָא עַל טַאנֵים וְאַעֲבֵיד פוֹרעָנוּת דִינִין בַאֲלַכסַנדַריָא׃
(1) 51:03 וְאַשפוֹך חִמתִי עַל סִין תְקוֹף מִצרָיִם וַאֲשֵיצֵי יָת אִתרְגוֹשַת אֲלַכסַנדַריָא׃
(1) 61:03 וְאַיתִי״ואתן#3#״ עַמְמַיָא דְתַקִיפִין כְאִישָתָא עַל מִצרַיִם מְזָע תְזוּעַ סִין וַאֲלַכסַנדַריָא תְהֵי מְתָרְעָא״מְמָרְעָא#3#״ מִשוּר וֻמַפֵיס בַעֲלֵי דְבָב יַקְפוּנָה יוֹם יוֹם׃
(1) 71:03 עוּלֵימֵי אָוַן וֻפִיבֹסַת בְחַרבָא יִתקַטלוּן וֻפָלְחֵיהוֹן בְשִביָא יְהָכוּן׃
(1) 81:03 וְעַל תַחפַנחֵס אַיתִי חֲשוֹך בִימָם כַד אַתבַר תַמָן יָת תְקוֹף מִצרַיִם וְיִבטַל בַה יְקָר תוּקפַה הִיא מַלַך בְמַשרְיָתֵיה יִחפֵינַה כַעֲנָנָא דְסָלֵיק וְחָפֵי יָת אַרעָא וְיָתְבֵי כַפרָנַהָא בְשִביָא יְהָכוּן׃
(1) 91:03 וְאַעֲבֵיד פוֹרעָנוּת דִינִין בְמִצרַיִם וְיִדְעוּן אֲרֵי אֲנָא יוי׃
(1) 02:03 וַהֲוָה בַחדַא עַסרֵי שְנִין בְקַדמָאָה בְשִבעָה לְיַרחָא הֲוָה פִתגָם נְבוּאָה מִן קְֹדָם יוי עִמִי לְמֵימַר׃
(1) 12:03 בַר אָדָם יָת תְקוֹף מַלכוּת פַרעֹה מַלכָא דְמִצרַיִם תְבַרִית וְהָא לָא מְתַקְפָא לְאִתַסָאָה לְמִתַן עֵצָא לְמִחכַם לְאִיתַקָפָא לְמֵיחַד מַלכוּ׃
(1) 22:03 בְכֵין כִדנָן אֲמַר יוי אֲלֹהִים הָאֲנָא שָלַח רוּגזִי עַל פַרעֹה מַלכָא דְמִצרַיִם וְאַתבַר יָת סְעֲדוֹהִי יָת שִלטוֹנוֹהִי תַקִיפַיָא דִבהוֹן הוּא תָבַר יָת מַלכוּתָא וְאַרמֵי יָת תֻקפָא מִנֵיה״מִן יְדֵיה#3#״׃
(1) 32:03 וְאַגלֵי יָת מִצרָאֵי לִבֵינֵי״לעיני#3#״ עַמְמַיָא וַאֲבַדְרִינוּן בִמדִינָתָא׃
(1) 42:03 וַאֲתַקֵיף יָת מַלכוּת מַלכָא דְבָבַל וְאַתֵין יָת תוּקפִי בִידֵיה וְאַתבַר יָת תְקוֹף פַרעֹה וְיִנהוֹם נֵיהוּם מְטָעֲנֵי חֲרַב קְֹדָמוֹהִי׃
(1) 52:03 וַאֲתַקֵיף יָת מַלכוּת מַלכָא דְבָבַל וֻמַלכוּת פַרעֹה תִבטַל וְיִדְעוּן אֲרֵי אֲנָא יוי כַד אַתֵין תֻקפִי בְיַד מַלכָא דְבָבַל וְיִתפְרַע פוֹרעָנוּ מִן אַרעָא דְמִצרָיִם׃
(1) 62:03 וְאַגלֵי יָת מִצרָאֵי לְבֵינֵי עַמְמַיָא וַאֲבַדַר יָתְהוֹן בִמדִינָתָא וְיִדְעוּן אֲרֵי אֲנָא יוי׃

next chapter