The Comprehensive Aramaic Lexicon

(1) 10:22	וַהֲוָה פִתגָם נְבוּאָה מִן קְֹדָם יוי עִמִי״עלי#3#״ לְמֵימַר׃
(1) 20:22	וְאַת בַר אָדָם הֲתוֹכַח הֲתוֹכַח יָת קַרתָא דְאַשְדֵי דַם זַכַי בְגַוַה וְחַוִי לַה יָת כָל תוֹעֵיבָתַהָא׃
(1) 30:22	וְתֵימַר כִדְנָן אֲמַר יוי אֲלֹהִים קַרתָא דְאַשְדֵי דַם זַכַי בְגַוַה מְטָא עִדָן תְבָרַה וֻדפָלְחִין לְטָעֲוָתָא בְגָוָה בְדִיל לְסַאָבוּתָה׃
(1) 40:22	בְחוֹבַת דַם זַכַי דַאֲשַדת חַבת וֻבפֻלחַן טָעֲוָתִיך דִפלַחת אִסתָאַבת וְקָרֵיב יוֹם תְבָרִיך וֻמטָא עִדָן בִשתִיך עַל כֵין יְהַבתִיך חִסוּדִין לְעַמְמַיָא וֻלעֵיב לְכָל מִדִינָתָא׃
(1) 50:22	דְקָרִיבָן וֻדרַחִיקָן מִנִיך יִתלַעבָן״יתעלבן#3#״ בִיך סוֹאֲבָת שְמָא דְסַגִיאָן אִתרְגוֹשְתַהָא׃
(1) 60:22	הָא רַברְבֵי יִשרָאֵל גְבַר לְתֻקפֵיה הֲווֹ בִיך בְדִיל לְמִשפַך דַם זַכַי׃
(1) 70:22	אַבָא וְאִמָא אֲקִילוּ בִיך לְגִיוֹרָא אֲנַסוּ״עְבַדוּ#3#״ אוּנסָא בְגַוִיך יַתמִין וְאַרמְלָן אוֹנִיאוּ בִיך׃
(1) 80:22	עַל קוּדשִי בַסַרת וְיָת יוֹמֵי שַבַיָא דִילִי אַחֵלת׃
(1) 90:22	גֻברֵי אָכְלֵי קִרצָא הֲווֹ בִיך בְדִיל לְמִשפַך דַם זַכַי וֻבטוּרַיָא פְלַחוּ בִיך לְטָעֲוָתָא <ארי#3#> עֵיצַת חֲטִין עֲבַדוּ בְגַוִיך״ביך#3#״׃
(1) 01:22	עַריַת אַבָא גָלִיוּ בִיך <סוֹאְבָת#3#> אִתָא טֻמאָה עַנִיוּ בִיך׃
(1) 11:22	וֻגבַר יַת אִיתַת חַברֵיה עֲבַד תוֹעֵיבָא וֻגבַר יָת כַלְתֵיה סַאֵיב בְעֵיצַת חֲטִין וֻגבַר יָת אֲחָתֵיה בַת״ברת#3#״ אֲבוּהִי עַנֵי בִיך׃
(1) 21:22	שֻחדָא קַבִילוּ בִיך בְדִיל לְמִשפַך דַם זַכַי חִבוּליָא וְרִבִיתָא נְסַבת וְאַהנֵית רָחֲמַך בְאוּנסָא״בְעֻשקָא#3#״ וֻפֻלחָנִי שְבַקת אֲמַר יוי אֲלֹהִים׃
(1) 31:22	וְהָא אֵיתִיתִי פוֹרעָנוּתִי עֲלַך בְחוֹבֵי מָמוֹן אוּנסִיך דַאֲנַסת וְעַל דַם זַכַי דְאִשתְפֵיך בְגַוִיך׃
(1) 41:22	הֲיִתקַף לִבִיך אִם יִתחַסְנָן יְדָך לְיוֹמַיָא דַאֲנָא עַתִיד לְמַעֲבַד עִמִיך אֲנָא יוי גְזַרִית בְמֵימְרִי וַאֲקַיֵים׃
(1) 51:22	וְאַגלֵי יָתִיך לְבֵינֵי עַמְמַיָא וַאְבַדְרִנִיך בִמדִינָתָא וַאֲסֵיף סְאוֹבְתִיך מִנִיך׃
(1) 61:22	וְאַתקַדַש בִיך לְעֵינֵי עַמְמַיָא וְתִדְעִין אֲרֵי אֲנָא יוי׃
(1) 71:22	וַהֲוָה פִתגָם נְבוּאָה מִן קְֹדָם יוי עִמִי״עלי#3#״ לְמֵימַר׃
(1) 81:22	בַר אָדָם הֲווֹ קְֹדָמַי בֵית יִשרָאֵל לִפסוֹלָא כוּלְהוֹן כְמָא דִמעָרַב נְחָש וֻבעֵיץ״ועבץ#3#״ וֻבַרזַל וַאֲבָר בְגוֹ כוּרָא לִפסוֹלַת כַספָא הֲווֹ׃
(1) 91:22	בְכֵין כִדְנָן אֲמַר יוי אֲלֹהִים חֲלָף דַהֲוֵיתוֹן כוּלְכוֹן לִפסוֹלָא בְכֵין הָאֲנָא כָנֵיש יָתְכוֹן לְגוֹ יְרוּשלַם׃
(1) 02:22	כְמִכנַש כְסַף וֻנחָש וֻבַרזַל וַאֲבָר וֻבעֵיץ לְגוֹ כוּרָא לְאַתקָפָא עֲלוֹהִי נוּרָא לְאַמסָיוּתֵיה כֵין אֲכַנֵיש בְרֻגזִי וֻבחִמתִי וַאֲסִיף וַאֲשֵיצֵי יָתכוֹן׃
(1) 12:22	וַאֲכַנֵיש יָתְכוֹן וְאַתקֵיף עֲלֵיכוֹן בְאִישָת פוֹרעָנוּתִי וְתִתמְסוֹן בְגָוָה׃
(1) 22:22	כְאִתמְסָאָה כַספָא בְגוֹ כוּרָא כֵין תִתמְסוּן בְגַוַה וְתִדְעוּן אֲרֵי אֲנָא יוי שְפַכִית חִמתִי עֲלֵיכוֹן׃
(1) 32:22	וַהֲוָה פִתגָם נְבוּאָה מִן קְֹדָם יוי עִמִי״עלי#3#״ לְמֵימַר׃
(1) 42:22	בַר אָדָם אֵימַר לַה אַת אַרעָא דְיִשרָאֵל אֲרַע לָא מִדַכיָא הִיא לָא אִתעֲבִידוּ בַה עוּבָדִין טָבִין דְיַגְנוּן עֲלַה בְיוֹם לְוָט׃
(1) 52:22	<נביאה אמר#3#> סִיעַת סַפְרַהָא בְגַוַה כְאַריָוָן נָהֲמִין לְמִקטַל קְטוֹל אֲנָשָא קְטַלוּ עוֹתַר וִיקָר נְסִיבוּ אַרמְלָתַהָא אַסגִיוּ בְגַוַה׃
(1) 62:22	כָהֲנַהָא״כָהֲנַיָא#2#״ חָטְפִין בְאוֹרָיתִי וֻמַפְסִין קֻדשִי בֵין קוּדשָא לְחוּלָא לָא אַפרִישוּ וֻבֵין מְסָאֲבָא לְדַכיָא לָא הוֹדַעוּ וֻמִיוֹמֵי שַבַיָא דִילִי כְבַשוּ עֵינֵיהוֹן וְחַלַת רְעוּתִי בֵינֵיהוֹן׃
(1) 72:22	רַברְבַהָא בְגַוַה כְדֵיבִין חָטְפֵי חֲטוֹף לְמִשפַך דַם זַכַי לְאַבָדָא נַפשָן בְדִיל לְקַבָלָא מָמוֹן דִשקַר׃
(1) 82:22	וֻנבִיֵי שִקרָא דִבגַוַה דָמַן לִדבָנֵי מְחִצָא וְשָעָע לֵיה <טִין#3#> פַטִיר דְלָא תְבַן מִתנַבַן שְקַר וֻמַלְפִין לְהוֹן כַדבִין אָמְרִין כִדנָן אֲמַר יוי אֲלֹהִים וֻמִן קְֹדָם יוי לָא אִתמַלַל׃
(1) 92:22	עַמָא דְאַרעָא עֲשַקוּ עֻשקַא וֻגזַלוּ גְזֵילַא וֻמִסכֵין וָחַשִיך אוֹנִיאוּ וֻלגִיוֹרָא אֲנַסוּ בְלָא כְדַחזֵי׃
(1) 03:22	וְאִתבְעֵי מִנְהוֹן קְֹדָמַי גְבַר דְלֵיה עוּבָדִין טָבִין דִיקוּם בְתִרעֲתָא קְֹדָמַי וְיִבעֵי רַחֲמִין עַל עַמָא דְאַרעָא בְדִיל דְלָא לְחַבָלוּתָה וְלָא אַשכַחִית׃
(1) 13:22	וֻשפַכִית עֲלֵיהוֹן חִמתִי בְאִישָת פוֹרָענוּתִי שֵיצֵיתִינוּן פוֹרעָנוּת אוֹרַחהוֹן בְרֵישְהוֹן יְהַבִית אֲמַר יוי אֲלֹהִים׃

next chapter