The Comprehensive Aramaic Lexicon

(1) 10:41	אֲמַר נְבִיָא אֲתוֹ לְוָתִי גֻברִין מִסָבֵי יִשרָאֵל וִיתִיבוּ קְֹדָמַי׃
(1) 20:41	וַהֲוָה פִתגָם נְבוּאָה מִן קְֹדָם יוי עִמִי״עלי#3#״ לְמֵימַר׃
(1) 30:41	בַר אָדָם גֻברַיָא הָאִלֵין אַסִיקוּ פֻלחַן טָעֲוָתְהוֹן עַל לִבְהוֹן וְתַקלַת חוֹבֵיהוֹן יְהַבוּ לִקבֵיל אַפֵיהוֹן הֲמִשתְאָלָא״האישתאלא#3#״ אִשתְאֵיל״ישתאיל#3#״ בְמֵימְרִי לְהוֹן׃
(1) 40:41	בְכֵין אִתנַבִי לְהוֹן וְתִימַר לְהוֹן כִדנָן אֲמַר יוי אלֹהִים גְבַר גְבַר מִבֵית יִשרָאֵל דְיַסֵיק <ית#3#> פֻלחַן טָעֲוָתֵיה עַל לִבֵיה וְתַקלַת חוֹבוֹהִי״חוביה#3#״ יְשַוֵי לִקבֵיל אַפוֹהִי וְיֵיתִי לְוָת נְבִיָא אֲנָא יוי מִשתְאֵיל לֵיה בְמֵימְרִי דְאָתֵי לְמִתבַע אֻלפָן מִן קְֹדָמַי אַף עַל גַב דִמעָרַב״דמתערב#3#״ בִסגֵי פֻלחַן טָעֲוָתֵיה״טעוותא#3#״׃
(1) 50:41	בְדִיל לְקָרָבָא יָת בֵית יִשרָאֵל לְמִיתַן תִיוּבָא״תִיוּבְתָא#3#״ בְלִבְהוֹן דְסטוֹ מִבָתַר פוּלחָנִי וְאִסתָאַבוּ בְפֻלחַן טָעֲוָתְהוֹן כוּלְהוֹן׃
(1) 60:41	בְכֵין אֵימַר לְבֵית יִשרָאֵל כִדנָן אֲמַר יוי אֲלֹהִים תוּבוּ לְפֻלחָנִי וְאַעדוֹ מִנְכוֹן פֻלחַן טְעֲוָתְכוֹן וְיָת כָל חוֹבֵי פֻלחַן טָעֲוָת״#3#״ תוֹעֵיבָתְכוֹן אַרחִיקוּ מִקְֹבֵיל אַפֵיכוֹן׃
(1) 70:41	אֲרֵי גְבַר גְבַר מִבֵית יִשרָאֵל וֻמִן גִיוֹרַיָא״גיורא#3#״ומגיוריא#3#״ דִיִתגַיְירוּן בְיִשרָאֵל וְיִסטֵי״דְיִסטֵי#3#״ מִבָתַר פוּלחָנִי וְיַסֵיק פוּלחַן טְעֲוְתֵיה עַל לִבֵיה וְתַקלַת חוֹבוֹהִי יְשַוֵי לוֹ״#3#״ לִקבֵיל אַפוֹהִי וְיֵיתֵי לְוָת נְבִיָא לְמִשאַל לֵיה בְמֵימְרִי אֲנָא יוי מִשתְאֵיל לֵיה בְמֵימְרִי׃
(1) 80:41	וְאַתֵין רוּגזִי בְגֻברָא הַהוּא וַאֲשַוֵינֵיה לְאָת וֻלמַתלִין וַאֲשֵיצֵינֵיה מִגוֹ עַמִי״עמיה#3#״ וְתִדְעוּן אֲרֵי אֲנָא יוי׃
(1) 90:41	וֻנבִיָיא אֲרֵי יִטעֵי וִימַלֵיל פִתגָמַא אֲנָא יוי אַטעִיתִי יָת נְבִיָיא הַהוּא וַאֲרֵים יָת״#3#״ מַחַת גְבוֹרְתִי עֲלוֹהִי וַאֲשֵיצֵינֵיה מִגוֹ עַמִי יִשרָאֵל׃
(1) 01:41	וִיקַבְלוּן חוֹבֵיהוֹן כְחוֹב דְאָתֵי לְמֵילַף וְלָא אַלֵיף״אְלֵיף#3#״ כְחוֹב״כחובי#3#״ נְבִיֵי שִקרָא יְהֵי׃
(1) 11:41	בְדִיל דְלָא יִטעוֹן״יִסטוֹן#3#״ עוֹד בֵית יִשרָאֵל מִבָתַר פוּלחָנִי וְלָא יִסתָאֲבוּן עוֹד בְכָל מִרדֵיהוֹן וִיהוֹן קְֹדָמַי לְעַם וַאֲנָא אַהוֵי לְהוֹן לְאֲלָה״לאלהא#3#״ אֲמַר יוי אֲלֹהִים׃
(1) 21:41	וַהֲוָה פִתגָם נְבוּאָה מִן קְֹדָם יוי עִמִי״עלי#3#״ לְמֵימַר׃
(1) 31:41	בַר אָדָם אַרעָא אֲרֵי תְחוּב קְֹדָמַי לְשַקָרָא שְקַר וַאֲרֵים מַחַת גְבוּרְתִי עֲלַה וְאַתבַר בַה סְעֵיד מֵיכְלָא וְאַשלַח בַה כַפנָא וַאֲשֵיצֵי מִנַה אֲנַשָא וֻבעִירָא׃
(1) 41:41	וִיהוֹן תְלָתָה גֻברַיָא הַאִלֵין בְגַוַה נֹחַ דָנִיאֵל וְאִיוֹב אִנוּן בְזָכוּתְהוֹן יְשֵיזְבוּן נַפשְהוֹן אֲמַר יוי אַלֹהִים׃
(1) 51:41	אִילוּ חַיתָא בִשתָא אַעבַר בְאַרעָא וְתַתכְלִינַה וֻתהֵי לְצָדוּ מִבְלִי״מדלית#3#״ עָדֵי מִן קְֹדָם חַיתָא׃
(1) 61:41	תְלָתָה גֻברַיָא הָאִלֵין בְגַוַה קַיָים אֲנָא אֲמַר יוי אֲלֹהִים וְאִם בְנִין אִם בְנָן יְשֵיזְבוּן אִנוּן בִלחוֹדֵיהוֹן יִשתֵיזְבוּן וְאַרעָא תְהֵי לְצָדוּ׃
(1) 71:41	אוֹ דְקָטְלִין בְחַרבָא אַיתִי עַל אַרעָא הַהִיא וְאֵימַר דְקָטְלִין בְחַרבָא יִעדוֹן בְאַרעָא וַאֲשֵיצֵי מִנַה אֲנָשָא וֻבעִירָא׃
(1) 81:41	וֻתלָתָה גֻברַיָא הָאִלֵין בְגַוַה קַיָים אֲנָא אֲמַר יוי אֲלֹהִים לָא יִשֵיזְבוּן בְנִין וֻבנָן״ובנין#3#״ אֲלָהֵין״אְרֵי#3#״ אִינוּן בִלחוֹדֵיהוֹן יִשתֵיזְבוּן׃
(1) 91:41	אוֹ מוֹתָא אֲשַלַח עַל אַרעָא הַהִיא וְאַשפוֹך חִמתִי עֲלַה בִקטוֹל לְשֵיצָאָה מִנַה אֲנָשָא וֻבעִירָא׃
(1) 02:41	וְנֹחַ דַנִיאֵל וְאִיוֹב בְגַוַה קַיָים אֲנָא אֲמַר יוי אֲלֹהִים אִם בַר אִם בְרָת״ברתא#3#״ יִשֵיזְבוּן אִינוּן בְזָכוּתְהוֹן יִשֵיזְבוּן נַפשְהוֹן׃
(1) 12:41	אֲרֵי כִדנָן אֲמַר יוי אֲלֹהִים אַף אֲרֵי אַרבַע״ארבעת#3#״ פוֹרעָנָוָן בִישָן חַרבָא וְכַפנָא וְחַיתָא בִשתָא וֻמוֹתָא שְלַחִית עַל יְרוּשלַם לְשֵיצָאָה מִנַה אֲנָשָא וֻבעִירָא׃
(1) 22:41	וְהָא אִשתְאַרַת בַה שֵיזַבְתָא״שיזבא#3#״ דְמִתַפקִין בְנִין וֻבנָן אִנוּן״הָאִנוּן#3#״ נָפְקִין לְוָתְכוֹן וְתִחזוֹן יָת אוֹרַחהוֹן וְיָת עוּבָדֵיהוֹן וְתִתנַחְמוּן עַל בִשתָא דְאַיתִיתִי עַל יְרוּשלַם יָת כָל דְאֵיתִיתִי עֲלַה׃
(1) 32:41	וִינַחְמוּן יָתְכוֹן אֲרֵי תִחזוֹן יָת אוֹרַחהוֹן״אורחתהון#3#״ארחתהון#3#״ וְיָת עוּבָדֵיהוֹן וְתִדְעוּן אֲרֵי לָא לְמַגָן עֲבַדִית יָת כָל דַעֲבַדִית בַה״#3#״ אֲמַר יוי אֲלֹהִים׃

next chapter