The Comprehensive Aramaic Lexicon

(1) 10:30	וַאֲמַר לִי בַר אָדָם יָת דְמִתיְהֵיב לָך קַבֵיל״#3#״ קַבֵיל מָא דִכתִיב בִמגִלְתָא הָדָא וְאִיזֵיל אִתנַבִי״ואיתנבי#3#״ עַל בֵית יִשרָאֵל׃
(1) 20:30	וְאַרכֵינִית יָת נַפשִי וְאַחכְמַנִי מָא״יָת#3#״ דִכתִיב בִמגִלְתָא הָדָא׃
(1) 30:30	וַאֲמַר לִי בַר אָדָם נַפשָך תְסַבַע וֻמעָך תְמַלֵי אִם תְקַבֵיל מָא דִכתִיב בִמגִלְתָא הָדָא דַאֲנָא יָהֵיב לָך וְקַבֵילתָה וַהֲווֹ פִתגָמַהָא בְפוּמִי כִדבַש חֲלֵי׃
(1) 40:30	וַאֲמַר לִי בַר אָדָם אֵיתַא אִיזֵיל לְוָת בְנֵי״בית#3#״ יִשרָאֵל וְתִתנַבֵי בְפִתגָמֵי נְבוּאֲתִי לְהוֹן׃
(1) 50:30	אֲרֵי לָא לְוָת עַם עַמִיקֵי מַמלַל וְיַקִירֵי לִישָן אַת שְלִיַח לְאִתנַבָאָה אֲלָהֵין עַל״לות#3#״ בֵית יִשרָאֵל׃
(1) 60:30	לָא לְוָת עַמְמִין״עממיא#3#״ סַגִיאִין עַמִיקֵי״תַקִיפֵי#3#״ מַמלַל וְיַקִירֵי לִישָן דְלָא תִשמַע <ית#3#> פִתגָמֵיהוֹן אִלוּ לְוָתְהוֹן שְלַחתָך אִנוּן יְקַבְלוּן מִנָך׃
(1) 70:30	וֻבֵית יִשרָאֵל לָא יֵיבוֹן לְקַבָלָא מִנָך אֲרֵי לֵיתִינוּן צָבַן לְקַבָלָא לְמֵימְרִי אֲרֵי כָל בֵית יִשרָאֵל חַצִיפֵי אַפִין וְתַקִיפֵי לְבָא אִנוּן׃
(1) 80:30	הָא יְהַבִית יָת בֵית אַפָך״אפך#3#״ תַקִיף כִקבֵיל״לקביל#3#״בקביל#3#״ בֵית אַפֵיהוֹן וְיָת בֵית עֵינָך חַסִין כִקבֵיל״לקביל#3#״בקביל#3#״ בֵית עֵינֵיהוֹן׃
(1) 90:30	כְמָא דְשַמִירָא תַקִיף מִטִנָרָא כֵין יְהַבִית יָת בֵית עֵינָך חַסִין״#3#״ כִקבֵיל״#3#״ בֵית עֵינֵיהוֹן״בית אפיהון#3#״ לָא תִדחַל מִנְהוֹן וְלָא תִתְבַר מִן קְֹדָמֵיהוֹן אֲרֵי עַם סָרְבָן אִנוּן׃
(1) 01:30	וַאֲמַר לִי בַר אָדָם יָת כָל פִתגָמַי דַאֲמַלֵיל עִמַך קַבֵיל בְלִיבָך וֻבאוּדנָך שְמַע׃
(1) 11:30	וְאֵיתַא אִיזֵיל לְוָת בְנֵי גָלוּתָא לְוָת בְנֵי עַמָך וְתִתנַבֵי לְהוֹן וְתֵימַר לְהוֹן כִדנָן אֲמַר יוי אֲלֹהִים אִם יְקַבְלוּן אֻלפָן וְאִם יִתמַנעוּן מִלְמִחטֵי׃
(1) 21:30	וֻנטַלַתנִי רוּחָא וֻשמַעִית בָתְרַי קָל זְיָע סַגִי דִמשַבְחִין וְאָמְרִין בְרִיך יְקָרָא דַיוי מֵאֲתַר בֵית שְכִינְתֵיה׃
(1) 31:30	וְקָל גַפֵי״כַנפֵי#2#״ בִריָתָא נָקְשִין חַד לְחַד וְקָל גִלגְלַיָא לְקִבלְהוֹן וְקָל זְיָע סַגִי׃
(1) 41:30	וְרוּחָא נְטַלַתנִי וֻנסֵיבַתנִי וַאֲזַלִית בִמרָר בִתקוֹף רוּחִי וֻנבוּאָה מִן קְֹדָם יוי עֲלַי תְקֵיפַת׃
(1) 51:30	וַאֲתֵית לְוָת בְנֵי גָלוּתָא לְתֵל אָבִיב דְיָתְבִין עַל נְהַר כְבָר וְנַחִית בֵינֵיהוֹן אִנוּן יָתְבִין תַמָן וִיתֵיבִית תַמָן שִבעָה יוֹמִין שָתֵיק בֵינֵיהוֹן׃
(1) 61:30	וַהֲוָה מִסוֹף שִבעָה יוֹמִין וַהֲוָה פִתגָם נְבוּאָה מִן קְֹדָם יוי עִמִי לְמֵימַר׃
(1) 71:30	בַר אָדָם מַלֵיף מַנִיתָך״יְהַבתָך#3#״ לְבֵית יִשרָאֵל וֻתקַבֵיל מִמֵימַרִי פִתגָם וְתַזהַר יָתְהוֹן מִלְמִחטֵי קְֹדָמַי׃
(1) 81:30	בִדאֲמַרִית״כד אמרית#3#״ לְרַשִיעָא״לרשיעיא#3#״ מְמָת תְמוּת וְלָא אַזהַרתָהִי״אזהרתני#3#״ וְלָא מַלֵילתָא לְאַזהָרָא רַשִיעָא מֵאוֹרחֵיה דְרִשעָא לְקַיָמוּתֵיה הוּא רַשִיעָא בְחוֹבֵיה יְמוּת וֻדמֵיה מִן יְדָך אַתבַע׃
(1) 91:30	וְאַת אֲרֵי אַזהַרתָא רַשִיעָא וְלָא תָב מֵחוֹבֵיה וֻמֵאוֹרחֵיה דְרִשעָא הוּא בְחוּבֵיה יְמוּת וְאַת יָת נַפשָך שֵיזֵיבתָא׃
(1) 02:30	וְכַד יְתוּב זַכָאָה מִזְכוּתֵיה וְיַעֲבֵיד שְקַר וְאַתֵין תַקלַת חוֹבִין קְֹדָמוֹהִי הוּא יְמוּת \אֲרֵי לָא אַזהַרתָהִי בְחוֹבֵיה יְמוּת ״#3#״ וְלָא יִדַכרָן זָכְוָותֵיה דַעֲבַד וֻדמֵיה מִן יְדָך אַתבַע׃
(1) 12:30	וְאַת אֲרֵי אַזהַרתָהִי״אזהרתא#3#״ לְצַדִיקָא״זכאה#3#״ בְדִיל דְלָא לְמִחטֵי צַדִיקָא וְהוּא לָא חֲטָא מֵיחָא יֵיחֵי אֲרֵי אִזדְהַר וְאַת יָת נַפשָך שֵיזֵיבתָא׃
(1) 22:30	וֻשרַת עֲלַי תַמָן רוּחַ נְבוּאָה מִן קְֹדָם יוי וַאֲמַר לִי קוּם פוֹק לְבִקעֲתָא וְתַמָן אֲמַלֵיל עִמָך׃
(1) 32:30	וְקַמִית וֻנפַקִית לְבִקעֲתָא וְהָא תַמָן יְקָרָא דַיוי שְרֵי כִיקָרָא דַחזֵיתִי עַל נְהַר כְבָר וְאִשתַטַחִית עַל אַפָי׃
(1) 42:30	וַעְלַת בִי רוּחָא וַאְקֵימַתנִי עַל רִגלַי וֻמַלֵיל עִמִי וַאֲמַר לִי״#3#״ עוֹל אִיטְמַר בְגוֹ בֵיתָך׃
(1) 52:30	וְאַת בַר אָדָם הָא גְזֵירַת פִתגָמִי <פומי#3#> עֲלָך כַאֲסוּר״כְאֵיסוּר#3#״ גְדִילָן דִאָסְרִין״אסרין#3#״ בְהוֹן וְלָא תִיפוֹק בֵינֵיהוֹן׃
(1) 62:30	וְלִישָנָך אַדבֵיק לְחִיכָך וְתִשתוֹק וְלָא תְהֵי לְהוֹן לִגבַר מוֹכַח אֲרֵי עַם סָרְבָן אִנוּן׃
(1) 72:30	וֻבמַלָלוּתִי עִמָך אַרכֵין יָת נַפשָך וְתֵימַר לְהוֹן כִדנָן אֲמַר יוי אֲלֹהִים דִמקַבֵיל יְקַבֵיל אוּלפָן וֻדמִתמְנַע״ודי יתמנע#3#״וֻדיִתמְנַע#3#״ יִתמְנַע מִלְמִחטֵי אֲרֵי עַם סָרְבָן אִנוּן׃

next chapter