The Comprehensive Aramaic Lexicon

(1) 10:20	וַאֲמַר לִי בַר אָדָם קוּם עַל רִגלָך וַאֲמַלֵיל עִמַך׃
(1) 20:20	וְעַלַת בִי רוּחָא \כַד מַלֵיל ״כמא דמליל#3#״ עִמִי וַאֲקֵימַתנִי עַל רַגלַי וֻשמַעִית יָת דְמִתמַלַל עִמִי׃
(1) 30:20	וַאֲמַר לִי בַר אָדָם שָלַח אֲנָא יָתָך לְוָת בְנֵי יִשרָאֵל לְוָת עַמְמַיָא סָרְבָנַיָא דְסָרִיבוּ עַל מֵימְרִי אִנוּן וַאֲבָהָתְהוֹן מְרַדוּ בְמֵימְרִי עַד כְרַן יוֹמָא הָדֵין׃
(1) 40:20	\וֻמִתקְרַן בְנַיָא ״ובניא מתקרן#3#״ אִנוּן חַצִיפֵי אַפִין״אפיא#3#״ וְתַקִיפֵי לִבָא אֲנָא שָלַח יָתָך לְוָתְהוֹן וְתֵימַר לְהוֹן כִדנָן אֲמַר יוי אֲלֹהִים׃
(1) 50:20	וְאִנוּן אִם יְקַבְלוּן אֻלפָן וְאִם יִתמַנעוּן מִלְמִחטֵי אֲרֵי עַם סָרְבָן״מסרבן#3#״ אִנוּן וְיִדְעוּן דִנבִיָא״אְרֵי נְבִיָא#3#״ הֲוָה בֵינֵיהוֹן׃
(1) 60:20	וְאַת בַר אָדָם לָא תִדחַל מִנְהוֹן וְמִפִתגָמֵיהוֹן לָא תִדחַל אֲרֵי מְסָרְבִין וֻמַקשַן לְקִבלָך וֻבגוֹ עַמָא דְעוּבָדֵיהוֹן דָמַן לְעַקרַבִין אַת יָתֵיב וֻמִפִתגָמֵיהוֹן לָא תִדחַל וֻמִן קְֹדָמֵיהוֹן לָא תִתְבַר אֲרֵי עַם סָרבָן״מסרבן#3#״ אִנוּן׃
(1) 70:20	וְתִתנַבֵי יָת פִתגָמֵי נְבוּאֲתִי לְהוֹן אִם יְקַבְלוּן אֻלפָן וְאִם יִתמַנעוּן מִלְמִחטֵי אֲרֵי עַם סָרְבָן אִנוּן׃
(1) 80:20	וְאַת בַר אָדָם שְמַע״קביל#3#״ יָת דַאֲנָא מְמַלֵיל עִמַך לָא תְהֵי סָרְבָן כְעַמָא סָרְבָנָא אַרכֵין נַפשָך וְקַבֵיל יָת דַאֲנָא יָהֵיב לָך׃
(1) 90:20	וַחֲזֵית וְהָא דְמוּת יָד מִתוֹשְטָא לְצֵיד לְוָתִי וְהָא בֵיה מְגִלַת סִפרָא׃
(1) 01:20	וֻפרַס יָתַה קְֹדָמַי״לקדמי#3#״ וְהִיא כְתִיבָא מֵאַפַהָא וֻמֵאֲחוֹרַהָא מָה״מָן#3#״ דְהֲוָה מִן שֵירוּיָא וֻמָא דַעֲתִיד לְמִהוֵי״לְמֵיתֵי#3#״ בְסוֹפָא וֻכתִיב בַה דְאִם יִעבְרוּן בֵית יִשרָאֵל עַל אוֹרָיתָא יִשלְטוּן בְהוֹן עַמְמַיָא וְאִם יַעבְדוּן״יְעִיבְרוּן#3#״ יָת אוֹרָיתָא יְסוּף״יִעדֵי#3#״ מִנְהוֹן אִליָא דָווֹנָא וְתִינַחתָא׃

next chapter