H The Comprehensive Aramaic Lexicon

CAL CODE HELP CLICK HERE
click on the file description for more information

51013: TgJ Je

click on a word for lexical analysis
Click on a red-colored coordinate for comments and/or translations of the line

previous chapter


(1) 10:34 וַהֲוָה כַד שֵיצִי יִרמְיָה לְמַלָלָא עִם כָל עַמָא יָת כָל פִתגָמַיָא דַיוי אֲלָהֲהוֹן דְשַלחֵיה יוי אֲלָהֲהוֹן לְוָתְהוֹן יָת כָל פִתגָמַיָא הָאִלֵין׃
(1) 20:34 וַאֲמַר עֲזַריָה בַר הוֹשַעיָה וְיוֹחָנָן בַר קָרֵחַ וְכָל גֻברַיָא רַשִיעַיָא אָמְרִין לְיִרמְיָה שִקרָא אַת מִתנַבֵי לָא שַלחָך יוי אֲלָהַנָא״אלהך#3#״ לְמֵימַר לָא תֵיעֲלוּן לְמִצרַיִם לְאִתוֹתָבָא תַמָן׃
(1) 30:34 אֲרֵי בָרוּך בַר נֵרִיָה מְגָרֵי יָתַך בַנָא בְדִיל לְמִמסַר יָתַנָא בִידָא דְכַסדָאֵי לְמִקטַל״לקטלא#3#״ יָתַנָא וֻלאַגלָאָה יָתַנָא לְבָבַל׃
(1) 40:34 ולָא קַבֵיל״שְמַע#2#״ יוֹחָנָן בַר קָרֵחַ וְכָל רַבָנֵי חֵילָוָתָא וְכָל עַמָא לְמֵימְרָא״במימרא#3#״ דַיוי לְמִיתַב בְאַרעָא דבֵית יְהוּדָה׃
(1) 50:34 וֻדבַר יוֹחָנָן בַר קָרֵחַ וְכָל רַבָנֵי חֵילָוָתָא״רברבי חֵילָוָתָא#3#״ יָת כָל שְאָרָא דְבֵית יְהוּדָה דְתָבוּ מִכָל עַמְמַיָא דְאִתבַדַרוּ לְתַמָן לְאִתוֹתָבָא בְאַרעָא״בארע שבטא#3#״ דְבֵית יְהוּדָה׃
(1) 60:34 יָת גֻברַיָא וְיָת נְשַיָא וְיָת טַפלָא וְיָת בְנָת מַלכָא וְיָת כָל נַפשָתָא דִשבַק נְבוּזַראֲדָן רַב קָטוֹלַיָא עִם״על#3#״ גְדַליָה בַר אֲחִיקָם בַר שָפָן וְיָת יִרמְיָה נְבִיָא וְיָת בָרוּך בַר נֵריָה׃
(1) 70:34 וַאֲתוֹ לְאַרעָא דְמִצרַיִם אֲרֵי לָא קַבִילוּ לְמֵימְרָא דַיוי וַאְתוֹ עַד תַחפַנחֵס׃
(1) 80:34 וַהֲוָה פִתגָם נְבוּאָה מִן קְֹדָם יוי עִם יִרמְיָה בְתַחפַנחֵס לְמֵימַר׃
(1) 90:34 סַב בִידַך״עימך#3#״ אַבנִין רַברְבָן וְתִטמְרִינוּן בִטפֵיל״בִכפֵיל#3#״ בִניָנָא״ביניניא#3#״ דְבִתרָע בֵית פַרעֹה בְתַחפַנחֵס לְעֵינֵי גֻברִין יְהוּדָאִין׃
(1) 01:34 וְתֵימַר לְהוֹן כִדְנָן אֲמַר יוי צְבָאוֹת אֲלָהָא דְיִשרָאֵל הָאֲנָא שָלַח וְדָבַר״ואידבר#3#״ואדבר#3#״ודברית#3#״ יָת נְבוּכַדנַצַר״נְבוּכַדרַצַר#3#״ מַלכָא דְבָבַל עַבדִי וַאֲשַוֵי <ית#3#> כֻרסוֹהִי״כרסֵה#3#״ עֵיל מִן אַבנַיָא הָאִלֵין דִטמַרִית וְיִגוֹד יָת אוּדנֵיה״אפדניה#3#״ עֲלֵיהוֹן׃
(1) 11:34 וְיֵיתֵי וְיִמחֵי״ויקטיל#3#״ יָת אַרעָא דְמִצרַיִם דִלמוֹתָא לְמוֹתָא וְדִלשִביָא לְשִביָא וְדִלחַרבָא לְחַרבָא׃
(1) 21:34 וְאַדלֵיק אִישָתָא בְבָתֵי טָעֲוָת מִצרָאֵי וְיוֹקֵידִנוּן וְיִשבֵינוּן וִירוֹקֵין״וַעְטָה#3#״ יָת אַרעָא דְמִצרַיִם כְמָא דְמִתעַטֵיף רָעֲיָא בִלבָשֵיה״ית לבושיה#3#״ וְיִפוֹק מִתַמָן בִשלָם׃
(1) 31:34 וְיִתבַר יָת קָמַת בֵית שַמַש דִבאַרעָא דְמִצרַיִם וְיָת בָתֵי טָעֲוָת מִצרָאֵי״מצרים#3#״ יוֹקֵיד בְנוּרָא׃

next chapter