H The Comprehensive Aramaic Lexicon

CAL CODE HELP CLICK HERE
click on the file description for more information

51013: TgJ Je

click on a word for lexical analysis
Click on a red-colored coordinate for comments and/or translations of the line

previous chapter


(1) 10:24 וֻקרִיבוּ כָל רַבָנֵי חֵילָוָתָא וְיוֹחָנָן בַר קָרֵחַ וִיזַניָה בַר הוֹשַעיָה וְכָל עַמָא מִזִעֵירָא״מן זעירא#3#״ וְעַד רַבָא׃
(1) 20:24 וַאֲמַרוּ לְיִרמְיָה נְבִיָא תִתקַבַל כְעַן בַעוּתַנָא קְֹדָמָך וְצַלִי עֲלַנָא קְֹדָם יוי אֲלָהָך״אלהנא#3#״ \עַל כָל ״לְכָל#2#״ שְאָרָא הָדֵין אֲרֵי אִשתְאַרנָא זְעֵיר מִסַגִי כְמָא דְעֵינַך חָזיָן יָתַנָא׃
(1) 30:24 וִיחַוֵי לַנָא יוי אֲלָהָך יָת אוֹרחָא דִנהָך בַה וְיָת פִתגָמָא״פתגם#3#״ דְנַעֲבֵיד׃
(1) 40:24 וַאֲמַר לְהוֹן יִרמְיָה <נביא#2#> שְמַעִית הָאֲנָא מְצַלֵי קְֹדָם יוי אֲלָהֲכוֹן כְפִתגָמֵיכוֹן וִיהֵי כָל פִתגָמָא״פתגם#3#״ דְיָתִיב יוי יָתְכוֹן אֲחַוֵי לְכוֹן לָא אַמנַע מִנְכוֹן פִתגָם׃
(1) 50:24 וְאִינוּן אֲמַרוּ״אָמְרִין#2#״ לְיִרמְיָה יְהֵי מֵימְרָא דַיוי בַנָא לְסָהִיד קְשוֹט וֻמהֵימָן אִם לָא כְכָל פִתגָמָא״פתגמיא#3#״ דְשַלחָך״דְיִשלְחִנָך#3#״דְיַשלְחִנָך#3#״דשלחנך#3#״ יוי אֲלָהָך לְוָתַנָא כֵין נַעֲבֵיד׃
(1) 60:24 אִם טָב וְאִם בִיש לְמֵימְרָא דַיוי אֲלָהַנָא לְדַאֲנַחנָא״לְדאֲנַחנָא#2#״די אנחנא#3#״דאנחנא#3#״ שָלְחִין יָתָך לִקדָמוֹהִי נְקַבֵיל בְדִיל דְיִיטַב לַנָא אְרֵי נְקַבֵיל לְמֵימְרָא דַיוי אֲלָהַנָא׃
(1) 70:24 וַהֲוָה מִסוֹף עִסרָא יוֹמִין וַהֲוָה פִתְגָם נְבוּאָה מִן קְֹדָם יוי עִם יִרמְיָה׃
(1) 80:24 וֻקרָא לְיוֹחָנָן בַר קָרֵחַ וֻלכָל רַבָנֵי חֵילָוָתָא דְעִימֵיה וֻלכָל עַמָא לְמִזְעֵירָא וְעַד רַבָא׃
(1) 90:24 וַאֲמַר לְהוֹן כִדְנָן אֲמַר יוי אֲלָהָא דְיִשרָאֵל דִשלַחתוּן יָתִי לִקדָמוֹהִי לְמִבעֵי בָעוּתְכוֹן קְֹדָמוֹהִי׃
(1) 01:24 אִם מְתָב תִיתְבוּן בְאַרעָא הָדָא וְאַבנֵי יָתְכוֹן וְלָא אֲפַגַר וַאֲקַיֵים יָתְכוֹן וְלָא אֲטַלטֵיל אֲרֵי תַבִית מִן בִשתָא דַעְבַדִית לְכוֹן׃
(1) 11:24 לָא תִדחֲלוּן מִן קְֹדָם מַלכָא דְבָבַל דְאַתוּן דָחֲלִין מִן קְֹדָמוֹהִי לָא תִדחֲלוּן מִנֵיה אֲמַר יוי אֲרֵי בְסַעדְכוֹן מֵימְרִי לְמִפרַק יָתְכוֹן וֻלשֵיזָבָא יָתְכוֹן מִן יְדֵיה״יְדוֹהִי#3#״׃
(1) 21:24 וְאַתֵין לְכוֹן רַחֲמִין וִירַחֵים עֲלֵיכוֹן וְיָתֵיב יָתְכוֹן לַאֲרַעכוֹן׃
(1) 31:24 וְאִם אָמְרִין אַתוּן לָא נִיתֵיב בְאַרעָא הָדָא בְדִיל דְלָא לְקַבָלָא לְמֵימְרָא דַיוי אֲלָהֲכוֹן׃
(1) 41:24 לְמֵימַר לָא אֲלָהֵין לְאַרעָא דְמִצרַיִם נֵיעוֹל דְלָא נִחזֵי עָבְדֵי קְרָבָא וְקָל שוֹפָרָא לָא נִשמַע וֻללַחמָא לָא נִכפַן וְתַמָן נִתֵיב׃
(1) 51:24 וֻכעַן בְכֵין קַבִילוּ פִתגָמָא דַיוי שְאָרָא דְבֵית יְהוּדָה כִדְנָן אֲמַר יוי צְבָאוֹת אֲלָהָא דְיִשרָאֵל אִם אַתוּן שַוָאָה תְשַווֹן אַפֵיכוֹן לְמֵיעַל לְמִצרָיִם וְתֵיעֲלוּן לְאִתוֹתָבָא תַמָן׃
(1) 61:24 וֻתהֵי חַרבָא דְאַתוּן דָחֲלִין מִנַה תַמָן תַדבֵיק יָתְכוֹן בְאַרעָא דְמִצרַיִם וְכַפנָא דְאַתוּן יָצְפִין מִנֵיה תַמָן יַדבֵיק בָתְרֵיכוֹן לְמִצרַיִם״במצרים#3#״בארעא דמצרים#3#״ וְתַמָן תְמוּתוּן״ימותון#3#״׃
(1) 71:24 וִיהוֹן״והוו#3#״ כָל גֻברַיָא דְשַוִיאוּ יָת אַפֵיהוֹן לְמֵיעַל לְמִצרַיִם לְאִיתוֹתָבָא תַמָן יִתקַטלוּן בְחַרבָא בְכַפנָא וֻבמוֹתָא וְלָא יְהֵי לְהוֹן״לכון#3#״ שְאַר וֻמשֵיזֵיב מִן קְֹדָם בִשתָא דַאֲנָא מֵיתֵי עֲלֵיהוֹן׃
(1) 81:24 אֲרֵי כִדְנָן אֲמַר יוי צְבָאוֹת אֲלָהָא דְיִשרָאֵל כְמָא דְחָל רוּגזִי וְחִמתִי עַל יָתְבֵי יְרוּשלַם כֵין יְחוּל רוּגזִי עֲלֵיכוֹן בְמֵיעַלכוֹן למִצרַיִם וֻתהוֹן לְמוֹמֵי וֻלצָדוּ וְלִלוָטָא וֻלחִיסוּדִין וְלָא תִחזוֹן עוֹד יָת אַתרָא הָדֵין׃
(1) 91:24 גְזֵירַת פִתגָמָא דַיוי עֲלֵיכוֹן שְאָרָא דְבֵית יְהוּדָה לָא תֵיעֲלוּן לְמִצרַיִם מִידָע תִידְעוּן אֲרֵי אַסהֵידִית בְכוֹן״בהון#3#״ יוֹמָא דֵין״הָדֵין#3#״׃
(1) 02:24 אֲרֵי אַתוּן״#3#״ אַטעִיתוּן בְנַפשָתְכוֹן אֲרֵי אַתוּן שְלַחתוּן יָתִי לִקדָם יוי אֲלָהֲכוֹן לְמֵימַר צַלִי עֲלַנָא קְֹדָם יוי אֲלָהַנָא וֻבכָל״וֻככָל#2#״ דְיֵימַר יוי אֲלָהַנָא כֵין חַוִי לַנָא וְנַעֲבֵיד׃
(1) 12:24 וְחַוִיתִי לְכוֹן יוֹמָא דֵין וְלָא קַבֵילתוּן לְמֵימְרָא דַיוי אֲלַהֲכוֹן וְלכָל דְשַלחַנִי לְוָתְכוֹן׃
(1) 22:24 וֻכעַן מִידַע תִידְעוּן אֲרֵי בְחַרבָא בְכַפנָא וֻבמוֹתָא תְמוּתוּן בְאַתרָא דְאִתרְעִיתוּן לְמֵיעַל לְאִתוֹתָבָא תַמָן׃

next chapter