The Comprehensive Aramaic Lexicon

(1) 10:41	דַהֲוָה פִתגָם נְבוּאָה מִן קְֹדָם יוי עִם יִרמְיָה עַל עִסקֵי בֻצרָתָא׃
(1) 20:41	אִתאַבַלוּ דְבֵית יְהוּדָה וְקִרוֵיהוֹן חֲרוּבָא אִתחֲפִיאוּ אַפֵיהוֹן אִכְרוּם אֻכָמִין כְקִדרָא אִתרְטִישוּ לְאַרעַא וְצִוחַת יָתְבֵי״#3#״ יְרוּשלַם סְלֵיקַת׃
(1) 30:41	וְתַקִיפֵיהוֹן שְלַחוּ תִניָנֵיהוֹן לְמַיָא אֲתוֹ עַל פְצִידַיָא לָא אַשכַחוּ מַיָא תָבוּ מָנֵיהוֹן רֵיקָן בְהִיתוּ וְאִתכְנַעוּ וַחפוֹ רֵישֵיהוֹן׃
(1) 40:41	\בְדִיל חוֹבֵי יָתְבֵי אַרעָא אִתבַרוּ אֲרֵי לָא הֲוָה מִטרָא בְאַרעָא בְהִיתוּ אִכָרַיָא חֲפוֹ רֵישֵיהוֹן ״#3#״׃
(1) 50:41	אֲרֵי אַף אַיָלָתָא בְחַקלָא״במדברא#3#״ יְלִידָא״ילידת#3#״ וֻשבַקָא אֲרֵי לָא הֲווֹ דִתאִין דַעֲסַב״דעשׂבא#3#״׃
(1) 60:41	וַעֲרָדִין קָמוּ עַל נִגדִין שָתַן רוּחָא כְיָרוּרִין״כירודין#3#״ קַמָא עֵינֵיהוֹן אֲרֵי לֵית עֲסַב״עשׂבא#3#״׃
(1) 70:41	אִם חוֹבַנָא אַסהִידוּ בַנָא יוי עֲבֵיד בְדִיל שְמָך״שמך רבא#3#״ אֲרֵי סַגִיאָן תְיֻבתַנָא״תיובתא#3#״ קְֹדָמָך״לך#3#״ חַבנָא׃
(1) 80:41	סִיבוּר יִשרָאֵל פָרְקֵיה״את פורקן#3#״ בְעִידָן עָקָא לְמָא <לא#3#> יְחוּל רוּגזָך עֲלַנָא וַאֲנַחנָא <נהי#3#> כְתוֹתָבִין בְאַרעָא וֻכעָדֵי אוֹרחָא דִסטָא לִמבָתָא׃
(1) 90:41	לְמָא יְחוּל רוּגזָך עֲלַנָא וַאֲנַחנָא מְטֻלטְלִין וֻשבִיקִין אַת גִיבָר יָכֵיל לְמִפרַק וְאַת שְכִינְתָך בֵינַנָא יוי וֻשמָך עֲלַנָא אִיתקְרִי לָא תִשבְקִינַנָא׃
(1) 01:41	כִדנָן אֲמַר יוי לְעַמָא הָדֵין כְמָא דִרחִימוּ <לְאִטַלטָלָא#3#> כֵין אַתפְרַע מִנְהוֹן״#3#״ לְאַגלָיוּתְהוֹן מֵאֲרַע״מארעא#3#״ בֵית שְכִינְתִי וֻכמָא דַהֲווֹ מְעָרְבִין״מעדבין#3#״ בָפֻלחַן״לפולחן#3#״ טָעֲוָתָא וֻמִבֵית מַקדְשִי רַגלֵיהוֹן לָא מְנַעוּ וֻקדָם יוי לָא רַעֲוָא בְהוֹן כְעַן״כֵין#2#״ יַסעַר <עליהון#3#> חוֹבֵיהוֹן וְיִתפְרַע עֲוָיָתְהוֹן׃
(1) 11:41	וַאֲמַר יוי לָי לָא תְצַלֵי עַל עַמָא הָדֵין לְטָבָא׃
(1) 21:41	אֲרֵי יְצוּמוּן לָא רַעֲוָא קְֹדָמַי״קדמי ייי#3#״ לְקַבָלָא צְלוֹתְהוֹן וַאֲרֵי יַסקוּן עֲלָתָא וֻמִנחָתָא לָא רַעֲוָא קְֹדָמַי בְהוֹן אֲרֵי בְחַרבָא וֻבכַפנָא וֻבמוֹתָא אֲנָא מְשֵיצֵי יָתְהוֹן׃
(1) 31:41	וַאֲמַרִית קַבֵיל בָעוּתִי יוי אֲלֹהִים הָא נְבִיֵי שִקרָא אָמְרִין לְהוֹן לָא תִחזוֹן דְקָטְלִין בְחַרבָא וְכַפנָא לָא יְהֵי לְכוֹן אֲרֵי שְלָם דִקשוֹט אַתֵין לְכוֹן בְאַתרָא הָדֵין״#3#״׃
(1) 41:41	וַאֲמַר יוי לִי שִקרָא אָמְרִין נְבִיֵי שִקרָא \דְמִתנַבַן בִשמִי ״#3#״ <ואנא#3#> לָא שְלַחתִינוּן וְלָא פַקֵידתִנוּן וְלָא מַלֵילִית עִמְהוֹן נְבוּאַת שְקַר וְאֻלפַן וְכַדבִין וֻרשַע לִבְהוֹן אִנוּן מִתנַבַן לְהוֹן״לכון#3#״׃
(1) 51:41	בְכֵין כִדנָן אֲמַר יוי עַל נְבִיֵי שִקרָא דְמִתנַבַן בִשמִי״לשמי#3#״לעמי#3#״ וַאֲנָא לָא שְלַחתִינוּן וְאִנוּן אָמְרִין חַרבָא וְכַפנָא לָא יְהֵי בְאַרעָא הָדָא בְחַרבָא וֻבכַפנָא יְסוּפוּן נְבִיֵי שִקרָא הָאִינוּן׃
(1) 61:41	וְעַמָא דְאִנוּן מִתנַבַן לְהוֹן יְהוֹן מִיטָרְפִין רְמַן״רָמַן#2#״ בְשוּקֵי יְרוּשלַם מִן קְֹדָם כַפנָא וְחַרבָא וְלֵית דְקָבַר״מקבר#3#״ לְהוֹן אִינוּן נְשֵיהוֹן וֻבנֵיהוֹן וֻבנָתְהוֹן וְאַשפוֹך <חִמתִי#3#> עֲלֵיהוֹן יָת בִישָתְהוֹן׃
(1) 71:41	וְתֵימַר לְהוֹן יָת פִתגָמָא הָדֵין יְשַגְרָן עֵינַי דִמעִין \לֵילֵי וְיֵימָם ״יימם ולילי#3#״ וְלָא יִשתְקָן אֲרֵי תְבָרָא רַבָא״#3#״ אִתְבַרַת מַלכוּת כְנִשתָא דְעַמִי מַחָא מְמָרְעָא לַחדָא׃
(1) 81:41	אִם נְפַקִית לְחַקלַא״חקלא#3#״ וְהָא קְטִילֵי״קטלין#3#״ חַרבָא וְאִם עַלִית לְקַרתָא וְהָא מְמָרְעֵי כַפנָא אֲרֵי אַף סָפַר אַף כָהִין אִתפְנִיאוּ לִסחוֹרְתָא״לסחורתהון#3#״ עַל דִבאַרעָא״די מה בארעא#3#״ וְלָא בַקַרוּ׃
(1) 91:41	הְמִרטָש רְטַשתָא יָת דְבֵית יְהוּדָה אִם יָת יָתְבֵי צִיוֹן רַחֵיק מֵימְרָך מָדֵין אַלקִיתַנָא וְלֵית לַנא אָסוּ סַבַרנָא לִשלָם וְלֵית טָב וֻלעִדָן סְלִיחוּת חוֹבִין וְהָא פוֹרעָנוּת חֲטָאִין״חובין#3#״׃
(1) 02:41	יָדְעִינַנָא יוי חוֹבַנָא וְחוֹבֵי אֲבָהָתַנָא אֲרֵי חַבנָא קְֹדָמָך״לך#3#״׃
(1) 12:41	לָא תְרַחֲקִינַנָא״תדחקיננא#3#״ בְדִיל שְמַך לָא תְנַבֵיל אֲתַר בֵית כוּרסֵי יְקָרָך יֵיעוֹל דֻכרַן קְיָם אֲבָהָתַנָא קְֹדָמָך <ארי חבנא קדמך#3#> לָא תְשַנֵי קְיָמָך עִמַנָא׃
(1) 22:41	הָא לֵית״אית#3#״ צְרוֹך בְטָעֲוָת״בִטעוּת#2#״ עַמְמַיָא לְאַחָתָא״לַאֲחָתָא#2#״ מִטרָא וְאִם שְמַיָא לָא יִתְנוּן רְסִיסִין אֲלָהֵין עַל מֵימְרָך הֲלָא אַת הוּא״#3#״ יוי אֲלָהַנָא וֻנסַבַר קְֹדָמָך אֲרֵי אַת עֲבַדתָא״עֲבַדת#2#״ יָת כָל אִלֵין׃

next chapter