The Comprehensive Aramaic Lexicon

(1) 10:56	אִשתְאֵילִית בְמֵימְרִי לִדלָא שְאִילוּ מִן קְֹדָמַי תְבַעִית אוּלפַן אוֹרָיתִי לִדלָא תְבַעוּ דַחלְתִי אְמַרִית הָאְנָא מִשתְאֵיל תְדִירָא כָל יוֹמָא לְעַם דְלָא מְצַלֵי בִשמִי׃
(1) 20:56	שְלַחִית נְבִיַי כָל יוֹמָא לְוָת עַמָא סָרְבָנָא דְאָזְלִין בְאוֹרַח לָא תָקְנָא בָתַר עַשתוֹנֵיהוֹן׃
(1) 30:56	עַמָא דְמַרגְזִין עַל מֵימְרִי קְֹדָמַי תְדִירָא דָבְחִין בְגִנֵיאַך טָעַוָתָא וֻמַסְקִין בֻסמִין עַל לִבנַיָא׃
(1) 40:56	דְיָתְבִין בְבָתַיָא דְבָנַן מֵעְפַר קִברַיָא וְעִם פִגרֵי בְנֵי אְנָשָא דָיְרִין אָכְלִין בְסַר חְזִירָא וֻרשַף״וֻרטַף#2#״ פִיגוּל בְמָנֵיהוֹן׃
(1) 50:56	דְאָמְרִין רְחַק לְהַלאָה לָא תִקרַב בִי אְרֵי אְנָא דְכֵינָא מִנָך אִלֵין רֻגזְהוֹן כְתַנְנָא קְֹדָמַי פוֹרעָנוּתְהוֹן בְגֵיהִנָם דְאִשָתָא דָלְקָא בַה כָל יוֹמָא׃
(1) 60:56	הָא כְתִיבָא קְֹדָמָי לָא אַתֵין לְהוֹן אַרכָא בְחַיַיָא אְלָהֵין אֲשַלֵים״#2#״ לְהוֹן פוֹרעָנוּת חוֹבֵיהוֹן וְאַמסַר לְמוֹתָא תִניָנָא יָת גִויָתְהוֹן׃
(1) 70:56	חוֹבֵיכוֹן וְחוֹבֵי אְבָהָתְכוֹן גְלַן קְֹדָמַי כַחדָא אְמַר יוי דְאַסִיקוּ בוּסמִין עַל טוּרַיָא וְעַל רָמָתָא חַסִידוּ קְֹדָמַי וְאַתֵין <עַל#2#> אְגַר עוּבָדֵיהוֹן בְקַדמֵיתָא עַל״#2#״ חַנהוֹן׃
(1) 80:56	כִדנָן אְמַר יוי כְמָא דְאִשתְכַח נֹחַ זַכַי בְדָרָא דְטוֹפָנָא וַאְמַרִית דְלָא לְחַבָלוּתֵיה בְדִיל לְקַייָמָא עָלְמָא מִנֵיה כֵין אַעְבֵיד בְדִיל עַבדַי צַדִיקַיָא בְדִיל דְלָא לְחַבָלָא כוֹלָא׃
(1) 90:56	וְאַפֵיק״וְאַפֵיקִית#2#״ מִיַעְקֹב זַרעָא וֻמִיהוּדָה יָרֵית טוּרַי וְיַחסְנוּנַה בְחִירַי וְעַבדַי צַדִיקַיָא יִשרוֹן תַמָן׃
(1) 01:56	וִיהֵי שָרוֹנָא לְבֵית מִשרֵי עַדרִין דְעָן וֻמֵישַר עָכוֹר לְבֵית אַרבְעָה״רבעה#3#״ בַקרָן דְתוֹרִין לְעַמִי דִתבַעוּ דַחלְתִי׃
(1) 11:56	וְאַתוּן בֵית יִשרָאֵל שְבַקתוּן פֻלחָנָא דַיוי אִתנְשִיתוּן יָת פֻלחַן טוּרָא דְקֻדשִי דִמסַדְרִין לְטָעֲוָתָא״לְטָעְוָן#2#״ פָתוּרִין וֻממַזְגִין לְדַחלַתהוֹן אַגָנִין׃
(1) 21:56	וְאַמסַר יָתְכוֹן לְחַרבָא וְכֻלְכוֹן לְקַטלָא תִתמַסרוּן חְלָף דִשלַחִית נְבִיַי וְלָא תַבתוּן אִתנַבִיאוּ וְלָא קַבֵילתוּן וַעְבַדתוּן דְבִיש קְֹדָמַי וֻבִדלָא צְבֵינָא אִתרְעִיתוּן׃
(1) 31:56	בְכֵין כִדנָן אְמַר יוי אְלֹהִים הָא עַבדַי צַדִיקַיָא יֵיכְלוּן וְאַתוּן רַשִיעַיָא תִכפְנוּן הָא עַבדַי צַדִיקַיָא יִשתוֹן וְאַתוּן רַשִיעַיָא תִצהוֹן הָא עַבדַי צַדִיקַיָא יִחדוֹן וְאַתוּן רַשִיעַיָא״#2#״ תִיבַהתוּן׃
(1) 41:56	הָא עַבדַי צַדִיקַיָא יְשַבְחוּן מִטוּב לֵב וְאַתוּן תַצוְחוּן מִכְאֵב לֵב וֻמִתְבָר רוּחַ תְיֵילְלוּן
(1) 51:56	וְתִשבְקוּן שוּמְכוֹן לְקַיָימָא״לִקיָמָא#2#״ לִבחִירַי וִימִיתְכוֹן יוי אְלֹהִים מוֹתָא תִניָנָא וֻלעַבדוֹהִי צַדִיקַיָא יִתקְרֵי״יִקרֵי#2#״ שְמָא אוּחרָנָא׃
(1) 61:56	דִמבָרֵיך בְאַרעָא יְבָרֵיך בֵאלָהָא קְיָימָא וְדִמקַיֵים בְאַרעָא יְקַיֵים בֵאלָהָא קְיָימָא אְרֵי יִתנַשָין עָקָתָא קַדמַיָתָא וַאְרֵי מְסֻתְרָן מִן קְֹדָמָי׃
(1) 71:56	אְרֵי הָאְנָא בָרֵי שְמַיָא חֲדַתִין וְאַרעָא חֲדַתָא וְלָא יִדַכרָן קַדמַיָתָא וְלָא יִתַסְקָן עַל לֵב׃
(1) 81:56	אְלָהֵין \יִחדוֹן וִיבוּעוּן ״יְבוּעוּן#2#״ בְעָלַם עָלְמַיָא דַאְנָא בָרֵי אְרֵי הָאְנָא בָרֵי יָת יְרוּשלַם בְיָעָא וְעַמַה חָדֵי׃
(1) 91:56	וַאְבוּעַ בִירוּשלַם וְיִחדוֹן בַה עַמִי וְלָא יִשתְמַע בַה עוֹד״#2#״ קָל דְבָכַן וְקָל דְמַצוְחִין׃
(1) 02:56	לָא יְהֵי מִיתַמָן עוֹד יָנִיק יוֹמִין וְסָבָא דְלָא יַשלֵים״יְשַלִים#2#״ יָת״#2#״ יוֹמוֹהִי אְרֵי דְחָאֵיב עוֹלֵים בַר מְאָה שְנִין יְהֵי מָאִית וֻדחָטֵי בַר מְאָה שְנִין יִתָרַך׃
(1) 12:56	וְיִבנוֹן בָתִין וְיִתְבוּן וְיִצְבוּן כַרמִין וְיֵיכְלוּן אִבְהוֹן׃
(1) 22:56	לָא יִבנוֹן וְאָחרָנִין יִתְבוּן לָא יִצבוּן וְאָחרָנִין יֵיכְלוּן אְרֵי כְיוֹמֵי אִילָן חַיַיָא יוֹמֵי עַמִי וְעוֹבָד יְדֵיהוֹן יְבַלוֹן בְחִירָי׃
(1) 32:56	לָא יַהלוֹן לְרֵיקָנוּ וְלָא יְרַבוֹן לְמוֹתָא אְרֵי זַרעָא דְבָרְכֵיה יוי אִנוּן וֻבנֵי בְנֵיהוֹן עִמְהוֹן׃
(1) 42:56	וִיהֵי עַד לָא יְצַלוֹן קְֹדָמַי אְקַבֵיל צְלוֹתְהוֹן וְעַד לָא יִבעוֹן מִן קְֹדָמַי אַעְבֵיד בָעוּתְהוֹן׃
(1) 52:56	דֵיבָא וְאִימְרָא יִרעוֹן כַחדָא וְאַריָא כְתוֹרָא יֵיכוֹל תִבנָא וְחִויָא עַפרָא מְזוֹנֵיה לָא יַבאְשוּן וְלָא יְחַבְלוּן בְכָל טוּרָא דְקוּדשִי אְמַר יוי׃

next chapter