H The Comprehensive Aramaic Lexicon

CAL CODE HELP CLICK HERE
click on the file description for more information

51012: TgJ Is

click on a word for lexical analysis
Click on a red-colored coordinate for comments and/or translations of the line

previous chapter


(1) 10:46 כַד שַלַחת רֻגזָך בְאִשָתָא אִתמְסִיאַת יַמָא מַיָא מְלַחְכָא אִשָתָא לְהוֹדָעָא שְמָך לְסָנְאֵי עַמָך מִן קְֹדָמָך עַמְמַיָא זָעוּ׃
(1) 20:46 בְמַעבְדָך פְרִישָן לָא סַבַרנָא לְהוֹן אִתגְלִיתָא מִן קְֹדָמָך טוּרַיָא זָעוּ׃
(1) 30:46 וֻמֵעָלְמָא לָא שְמַעַת אוֹדַן קָל גְבוּרָא לָא אַצֵיתַת לְמִלוּל זְיָע עֵין לָא חְזָת מָא דַחֲזוֹ עַמָך שְכִינַת יְקָרָך יוי אְרֵי לֵית בָר מִנָך \דְאַת עְתִיד ״דַעְתִיד#2#״ לְמַעְבַד לְעַבדָך״לְעַמָך#2#״ צַדִיקַיָא דִמסַבְרִין לְפוּרקָנָך׃
(1) 40:46 מִתעָרְעִין קְֹדָמָך עוּבָדֵי אְבָהָתַנָא צַדִיקַיָא דַחְדִיאוּ לְמַעְבַד רְעוּתָך בִקשוֹט וֻבזָכוּ כְאוֹרַח״בְאוֹרַח#2#״ טוּבָך וְרַחֲמָך הְווֹ דְכִירִין לְדַחלְתָך הָא בְכָל עִדָן דַהוָה״דְהָוֵי#3#״ רְגַז מִן קְֹדָמָך עְלַנָא עַל דְחַבנָא בְהוֹן בְעוֹבָדֵי״בְעוּבָדֵי#3#״ אְבָהָתַנָא צַדִיקַיָא דְמִן עָלְמָא אְנַחנָא מִתפַרקִין׃
(1) 50:46 וַהְוֵינָא כִמסָאַב כוּלַנָא וֻכִלבוּש מְרַחַק כָל זָכְוָתַנָא וֻנתַרנָא כְמִיתַר טְרַף כוּלַנָא וֻמִן קְֹדָם חוֹבַנָא כְרוּחָא אִתנְטֵילנָא׃
(1) 60:46 וְלֵית דִמצַלֵי בִשמָך מִתרְעֵי לְאַתקָפָא״לְאִיתַקָפָא#2#״ בְדַחלְתָך אְרֵי סְלֵיקתָא אַפֵי שְכִינְתָך מִינַנָא וֻמסַרתַנָא בְיַד חוֹבַנָא׃
(1) 70:46 וֻכעַן יוי דְרַחֲמָך עְלַנָא סַגִיאִין מֵאָב עַל בְנִין אְנַחנָא טִינָא וְאַת בָרַנָא וְעוֹבָד גְבוּרְתָך כֻלַנָא׃
(1) 80:46 לָא יְהֵי רְגַז מִן קְֹדָמָך יוי בַנָא עַד לַחדָא וְלָא לְעָלְמָא תִדכַר חוֹבִין הָא גְלֵי קְֹדָמָך דְעַמָך אְנַחנָא כוּלַנָא׃
(1) 90:46 קִרוֵי קוּדשָך הְוַאָה מַדבְרָא צִיוֹן מַדבְרָא הְוָת יְרוּשלַם צָדיַא׃
(1) 01:46 בֵית קֻדשַנָא וְתֻשבַחתַנָא אְתַר דִפלַחוּ קְֹדָמָך אְבָהָתַנָא הְוָה לִיקֵידַת נוּר וְכָל בֵית״#2#״ רַגְגַנָא הְוָה לְחָרבָה׃
(1) 11:46 הַעַל אִלֵין תִתחַסַן יוי וְאַת יָהֵיב אַרכָא לְרַשִיעַיָא וֻמשַעבְדִין בַנָא עַד לַחדָא׃

next chapter