H The Comprehensive Aramaic Lexicon

CAL CODE HELP CLICK HERE
click on the file description for more information

51012: TgJ Is

click on a word for lexical analysis
Click on a red-colored coordinate for comments and/or translations of the line

previous chapter


(1) 10:75 צַדִיקַיָא מָיְתִין וְלֵית אְנָש דִמשַוֵי דַחלְתִי עַל לֵב וְגוּברֵי גָמְלֵי חִסדָא מִתכַנשִין לָא מִסתַכְלִין אְרֵי מִן קְֹדָם בִשתָא דַעְתִידָא לְמֵיתֵי מִתכַנשִין צַדִיקַיָא׃
(1) 20:75 יְהָכוּן <שְלָם#2#> יְנוּחוּן עַל אְתַר בֵית מִשרֵיהוֹן״בֵית מִשכַבהוֹן#2#״ עָבְדֵי אוֹרָיתֵיה׃
(1) 30:75 וְאַתוּן אִתקָרַבוּ הָלְכָא בְנֵי״#2#״ עַם דָרָא דְעוּבָדֵיהוֹן בִישִין דְמִנִצבַת קֻדשָא נִצבָתהוֹן וְאַתוּן״וְאִנוּן#2#״ מְנָאְפִין וֻמזַנַן׃
(1) 40:75 עַל מַן אַתוּן מִתפַנְקִין וֻקְֹדָם מַן תִפתְחוּן פוּמְכוֹן תַסגוֹן לְמַלָלָא רַברְבָן הְלָא אַתוּן יַלדֵי מְרוֹד זַרעָא שַקָרָא׃
(1) 50:75 דְפָלְחִין לְטָעְוָתָא תְחוֹת כָל אִילָן עַבוֹף נִכְסֵי יָנְקַיָא בְנַחלַיָא תְחוֹת שְקִיפֵי כֵיפַיָא׃
(1) 60:75 בִשעִיעוּת כֵיף נַחלָא חוּלָקִיך אַף תַמָן אִנוּן עַדבַך אַף לְהוֹן נַסֵיכת״נַסֵבת#2#״ נִסכִין אַסֵיקת קֻרבָנִין הֲעַל אִלֵין יְתוּב מֵימְרִי׃
(1) 70:75 עַל טוּר רָם וֻמנַטַל שַוִית אְתַר בֵית מִשרַך אַף לְתַמָן סְלֵיקת לְדַבָחָא דְבַח׃
(1) 80:75 וַאְחוֹרֵי דַשָא וֻמזוּזְתָא שַוִית דוּכרַן טָעוּתִיך הְוֵית דָמיָא לְאִתָא דִרחִימָא״דִרחֵימתָא#2#״ עַל בַעלַה וֻטעָת בָתַר נוּכרָאִין אַפתִית אְתַר בֵית מִשרַך וֻגזַרת לִיך מִנְהוֹן קְיָם רַחֵימת <אְתַר#2#> בֵית מִשכְבֵיהוֹן אְתַר בְחַרת׃
(1) 90:75 כַד עְבַדת לִיך אוֹרָיתָא אַצלַחת בְמַלכוּתָא וְכַד אַסגִית לִיך עוּבָדִין טָבִין״#2#״ סְגִיאָה מַשרְיָתַך וְשַלַחת אִזגַדַך עַד מֵרַחִיק וְאַמאֵיכת תַקִיפֵי עַמְמַיָא עַד לִשאוֹל׃
(1) 01:75 בְסַגִיאוּת אוֹרחָתִיך <לְאֵית לָא#3#> אְמַרת לִמתָב נִכסִין סַגִיאִין אסגִית עַל כֵין לָא סַבַרת לִמתָב׃
(1) 11:75 וְיָת מַן יְצֵיפת וֻקְֹדָם מַן דְחֵילת אְרֵי אַסגִית לְמַלָלָא כַדבִין וֻפֻלחָנִי לָא אִידְכרת״אַדכַרת#2#״ לָא שַוִית דַחלְתִי עַל לִבִיך הְלָא אְנָא יְהַבִית לִיך אַרכָא מֵעָלְמָא דְאִם תְתוּבִין לאוֹרָיתָא״#2#״ וְלִקדָמַי לָא תַבת׃
(1) 21:75 אְנָא חַוִית לִיך עוּבָדִין טָבִין דְאִינוּן זָכְוָן לִיך וְאַת אַסגִית לִיך עוּבָדִין בִישִין דְלָא יַהנוֹן לִיך׃
(1) 31:75 אַצוַחִי כְעַן אִם יִפרְקוּנִיך עוּבָדֵי״עָבְדֵי#2#״ שִקרִיך דַהֲוֵית מִתעַסְקָא בְהוֹן מִיָנְקוּתִיך וְיָת כוּלְהוֹן יִטוֹל רוּחָא יְהוֹן לְלָמָא וְדִרחִיץ עַל מֵימְרִי יַחסֵין אַרעָא וְיֵירַת טוּרָא דְקֻדשִי׃
(1) 41:75 וְייֵמַר אַלִיפוּ וְאַזהַרוּ אַפנוֹ לֵב עַמָא לְאוֹרַח תָקְנָא סַלִיקוּ תַקלַת רַשִיעַיָא מֵאוֹרַח כְנִשתָא דְעַמִי׃
(1) 51:75 אְרֵי כִדנָן אְמַר רָמָא וֻמנֻטְלָא שְרֵי״דְשָרֵי#2#״ בִשמַיָא וְקַדִיש שְמֵיה בְרוּמָא שָרֵי״שְרֵי#3#״ וְקַדִישָא שְכִינְתֵיה אְמַר לְמִפרַק לִתבִירֵי לִבָא וֻלמַכִיכֵי רוּחָא לְקַיָימָא רוּחַ מַכִיכִין וֻלמִסעַד לֵב תְבִירִין׃
(1) 61:75 אְרֵי לָא לְעָלְמָא אַתפְרַע כְדֵין וְלָא לְאַפרָש יְהֵי רוּגזִי אְרֵי רוּחֵי מִיתַיָא אְנָא עְתִיד לְאָתָבָא וְנִשמָתָא אְנָא עְבַדִית׃
(1) 71:75 בְחוֹבֵי מָמוֹנְהוֹן דַאְנַסוּ הְוָה רוּגזִי עְלֵיהוֹן וְאַלקֵיתִינוּן סַלֵיקִית שְכִינְתִי מִנְהוֹן וְטַלטֵילתִינוּן בַדַרִית גָלְוָתְהוֹן עַל דִטעוֹ בָתַר הַרהוּר לִיבְהוֹן׃
(1) 81:75 אוֹרַח תְיוּבַתהוֹן גַליָא קְֹדָמַי וְאַשבוֹק לְהוֹן וַאְרַחֵים עְלֵיהוֹן וַאְשַלֵים תַנחוּמִין לְהוֹן וְלִדמִתאַבְלִין עְלֵיהוֹן׃
(1) 91:75 דִברָא מַמלַל סִפוָן בְפוּם כָל אְנָשָא אְמַר שְלָמָא יִתעְבֵיד לְצַדִיקַיָא דִנטַרוּ אוֹרָיתִי מִלְקַדמִין וֻשלָמָא יִתעְבֵיד לְתָבַיָא דְתָבוּ לְאוֹרָיתִי קָרִיב אְמַר יוי וְאַשבוֹק לְהוֹן׃
(1) 02:75 וְרַשִיעַיָא כְיַמָא דְטָרֵיד דְבָעֵי לִמנָח וְלָא יָכֵיל וְעָכְרִין מוֹהִי סְיָן וְטִין׃
(1) 12:75 לֵית שְלָמָא אְמַר אְלָהִי לְרַשִיעַיָא׃

next chapter