The Comprehensive Aramaic Lexicon

(1) 10:15	קַבִילוּ לְמֵימְרִי רָדְפֵי קוּשטָא דְבָעַן אֻלפָן מִן קְֹדָם יוי אִסתַכַלוּ דְכַחֲצִיבָא מִטִינָרָא אִתחְצֵיבתוּן וֻכפָסוֹלָא דִמְגוּב״מִגוּב#2#״ רֵיקָן אִתפְסֵילתוּן׃
(1) 20:15	אִסתַכַלוּ בְאַברָהָם אְבוּכוֹן וֻבשַׂרָה דְעַדִיאַתכוֹן אְרֵי חַד הְוָה אַברָהָם יְחִידַאי בְעָלְמָא קָרֵיבתֵיה לְפֻלחָנִי וֻבָרֵיכתֵיה וְאַסגִיתֵיה׃
(1) 30:15	אְרֵי עְתִיד יוי לְנַחָמָא צִיוֹן לְנַחָמָא כָל חָרבָתַהָא וִישַוֵי מַדבְרַה כְעֵדַן וֻמֵישְרַה כְגִינְתָא דַיוי בְיָע וְחַדוָא יִשתְכַח בַה מַעְלֵי תוֹדְתָא וְקָל דִמשַבְחִין׃
(1) 40:15	קַבִילוּ לְמֵימְרִי עַמִי וֻכנִשתִי לְפוּלחָנִי אַצִיתָא אְרֵי אוֹרָיתָא מִן קְֹדָמַי תִיפוֹק וְדִינִי כְנֵיהוֹר לֵיה עַמְמִין יִזדָמְנוּן׃
(1) 50:15	קָרִיבָא זָכוּתִי נְפַק פוּרקָנִי וֻבִתקוֹף דְרָע גְבוּרְתִי עַמְמִין״עַמְמַיָא#2#״ יִדְדָנוּן לְמֵימְרִי נְגָווָן יִסַבְרוּן וְלִתקוֹף דְרָע גְבוּרְתִי יְכַתְרוּן׃
(1) 60:15	זְקוּפוּ לִשמַיָא עֵינֵיכוֹן וְאִסתַכַלוּ בְאַרעָא מִלְרַע אְרֵי שְמַיָא כְתַנְנָא דְעָדֵי כֵין יִעדוֹן וְאַרעָא כִכסוּתָא דְבָלְיָא כֵין תִבלֵי וְיָתְבַהָא אַף אִינוּן הַכֵין יְמוּתוּן וֻפוּרקָנִי לְעָלַם יְהֵי״תְהֵי#2#״ וְזָכוּתִי לָא תִתעַכַב׃
(1) 70:15	קַבִילוּ לְמֵימְרִי יָדְעֵי קוּשטָא עַמָא דְאוּלפַן אוֹרָיתִי בְלִיבְהוֹן לָא תִדחְלוּן מִחִסוּדֵי בְנֵי אְנָשָא וֻמֵאִתרַברָבוּתְהוֹן לָא תִתַברוּן׃
(1) 80:15	אְרֵי כִלבוּשָא דְאָכֵיל לֵיה עַשָא וֻכעַמרָא דְאָחֵיד בֵיה רִקבָא וְזָכוּתִי לְעָלַם תְהֵי וֻפוּרקָנִי לְדָר דָרִין׃
(1) 90:15	אִתגַלַא אִתגַלַא לְבַשִי תְקוֹף גְבוּרָא מִן קְֹדָם יוי אִתגַלַא כְיוֹמֵי קְדַם דָרַיָא דְמִלְקַדמִין הְלָא בְדִילִיך כְנִשתַא דְיִשׂרָאֵל תַבַרִית גִיבָרַיָא שֵיצִיתִי פַרעֹה וֻמַשרְיָתֵיה דַהֲווֹ תַקִיפִין כְתַנִינָא׃
(1) 01:15	הְלָא בְדִילִיך כְנִשתָא דְיִשׂרָאֵל אַחרֵיבִית יַמָא מֵי תְהוֹם רַבָה שַוִיתִי עוּמקֵי יַמָא אוֹרַח לִמגָז מְשֵיזְבַיָא׃
(1) 11:15	וֻפרִיקַיָא דַיוי יִתכַנשוּן מִבֵינֵי גָלְוָתְהוֹן וְיֵיעְלוּן לְצִיוֹן בְתֻשבְחָא וְחַדוַת עָלַם תְהֵי לְהוֹן \דִי לָא ״דְלָא#2#״ פָסְקָא וַעְנַן <יְקָר#2#> יְהֵי מַטַל עַל רֵישֵיהוֹן בְיָע וְחַדוָא יַשכְחוּן וִיסוּף מִנְהוֹן מִבֵית״מִדְבֵית#2#״ יִשׂרָאֵל דָווֹנָא וְתִינַחתָא׃
(1) 21:15	אְנָא אְנָא הוּא מְנַחַמכוֹן מִמַן אַתוּן דָחְלִין מֵאְנָשָא דְמָאִית וֻמִבַר אְנָשָא דִכעִסבָא חְשִיב׃
(1) 31:15	וְאִתנְשִיתָא פוּלחָנָא דַיוי דְעָבְדָך דִתלָא שְמַיָא וְשַכלֵיל אַרעָא וֻדחֵילתָא תְדִירָא כָל יוֹמָא מִן קְֹדָם חְמַת מָעִיקָא כְמָא דְמִתַקְנִין לְחַבָלָא וֻכעַן אָן הִיא חְמַת מָעִיקָא׃
(1) 41:15	מוֹחֵי פוֹרעָנָא לְאִתגְלָאָה וְלָא יְמוּתוּן צַדִיקַיָא לְחַבָל וְלָא יַחסְרוּן מְזוֹנְהוֹן׃
(1) 51:15	וַאְנָא יוי אְלָהָך דְנָזֵיף בְיַמָא וְהָמַן גַלוֹהִי יוי צְבָאוֹת שְמֵיה׃
(1) 61:15	וְשַוִיתִי פִתגָמֵי נְבוּאְתִי בְפוּמָך וֻבִטלַל גְבוּרְתִי אַגֵינִית עְלָך לְקַיָימָא עַמָא דַאְמִיר עְלֵיהוֹן יִסגוֹן״דְיִסגוֹן#2#״ כְכוֹכְבֵי שְמַיָא וֻלשַכלָלָא כְנִשתָא דַאְמִיר עְלֵיהוֹן יִסגוֹן כְעַפרָא דְאַרעָא וֻלמֵימַר לִדדָיְרִין בְצִיוֹן עַמִי אַתוּן׃
(1) 71:15	אִתרַבַא אִתרַבַא קוּמִי יְרוּשלַם דְקַבֵילת מִן קְֹדָם יוי יָת כָסָא דְחִמתֵיה יָת פִיֵילֵי כָסָא דִלוָטָא שְתִית אַעדִית״אַערִית#2#״׃
(1) 81:15	לֵית דִמנַחֵים לַה מִכָל בְנִין דִילֵידַת וְלֵית דִמַתקֵיף״דְמַסקֵיף#3#״ בִידַה מִכָל בְנִין דְרַבִיאַת׃
(4) 81:15	לית דמוביל יתה ליקרי מכל צילמיא דפלחת ולית דמתקיף בה מכל תועיבתא דפלחת
(1) 91:15	תַרתֵין עָקָן אְתַאָה עֲלַך יְרוּשלַם לָא יְכֵילת לִמקָם כִיד אַרבַע יֵיתיָן עְלָך בִזָא וֻתבָרָא וְכַפנָא וְחַרבָא לֵית דְינַחְמִנִיך אְלָהֵין אְנָא׃
(1) 02:15	בְנַך יְהוֹן מִטָרְפִין רְמַן בְרֵיש כָל שוּקַיָא כְמִזרְקֵי״כמרזקי#3#״ מְצָדַן מְלַן חִמתָא מִן קְֹדָם יוי מַזוֹפִיתָא מִן קְֹדָם אְלָהִיך׃
(1) 12:15	בְכֵין שְמַעִי כְעַן דָא מְטֻלטֻלתָא דְרָויָא מִן עָקָא וְלָא מִן חְמַר׃
(1) 22:15	כִדנָן אְמַר רְבוֹנִיך יוי וֵאלָהִיך דַעְתִיד לְמַעְבַד פוֹרעַנוּת דִין עַמֵיה הָא קַבֵילִית מִן יְדִיך יָת כָסָא דִלוָטָא יָת פִיֵילֵי כָסָא דְחִמתִי לָא תוֹסְפִין לְמִשתָהִי עוֹד׃
(1) 32:15	וְאַמסְרִינַה בְיַד דַהֲווֹ מוֹנַן לִיך דַהֲווֹ אָמְרִין לְנַפשִיך אַמאִיכִי וְנִעדֵי וְאַמאֵיכת כְאַרעָא יִקָרִיך וַהֲוֵית כְשוּק לְעָדַן׃

next chapter